ශ්රීමද්වාල්මීකීය රාමායණේ බාලකාංඩම් ।
අථ ත්රයස්ත්රිංශස්සර්ගඃ ।
තස්ය තද්වචනං ශ්රුත්වා කුශනාභස්ය ධීමතඃ ।
ශිරෝභිශ්චරණෞ ස්පෘෂ්ට්වා කන්යාශතමභාෂත ॥ 1 ॥
වායුස්සර්වාත්මකෝ රාජන් ප්රධර්ෂයිතුමිච්ඡති ।
අශුභං මාර්ගමාස්ථාය න ධර්මං ප්රත්යවේක්ෂතේ ॥ 2 ॥
පිතෘමත්යස්ස්ම භද්රං තේ ස්වච්ඡංදේ න වයං ස්ථිතාඃ ।
පිතරං නෝ වෘණීෂ්ව ත්වං යදි නෝ දාස්යතේ තව ॥ 3 ॥
තේන පාපානුබංධේන වචනං න ප්රතීච්ඡතා ।
ඒවං බ්රුවංත්යස්සර්වාස්ස්ම වායුනා නිහතා භෘශම් ॥ 4 ॥
තාසාං තද්වචනං ශ්රුත්වා රාජා පරමධාර්මිකඃ ।
ප්රත්යුවාච මහාතේජාඃ කන්යාශතමනුත්තමම් ॥ 5 ॥
ක්ෂාංතං ක්ෂමාවතාං පුත්ර්යඃ කර්තව්යං සුමහත්කෘතම් ।
ඓකමත්යමුපාගම්ය කුලං චාවේක්ෂිතං මම ॥ 6 ॥
අලංකාරෝ හි නාරීණාං ක්ෂමා තු පුරුෂස්ය වා ।
දුෂ්කරං තච්ච යත් ක්ෂාංතං ත්රිදශේෂු විශේෂතඃ ॥ 7 ॥
යාදෘශී වඃ ක්ෂමා පුත්ර්යස්සර්වාසාමවිශේෂතඃ ।
ක්ෂමා දානං ක්ෂමා යජ්ඤඃ ක්ෂමා සත්යං හි පුත්රිකාඃ ॥ 8 ॥
ක්ෂමා යශඃ ක්ෂමා ධර්මඃ ක්ෂමයා නිෂ්ඨිතං ජගත් ।
විසෘජ්ය කන්යාඃ කාකුත්ස්ථ රාජා ත්රිදශවික්රමඃ ॥ 9 ॥
මංත්රජ්ඤෝ මංත්රයාමාස ප්රදානං සහ මංත්රිභිඃ ।
දේශකාලෞ ප්රදානස්ය සදෘශේ ප්රතිපාදනම් ॥ 10 ॥
ඒතස්මින්නේව කාලේ තු චූලී නාම මහාතපාඃ ।
ඌර්ධ්වරේතාශ්ශුභාචාරෝ බ්රාහ්මං තප උපාගමත් ॥ 11 ॥
තප්යංතං තමෘෂිං තත්ර ගංධර්වී පර්යුපාසතේ ।
සෝමදා නාම භද්රං තේ ඌර්මිලා තනයා තදා ॥ 12 ॥
සා ච තං ප්රණතා භූත්වා ශුශ්රූෂණපරායණා ।
උවාස කාලේ ධර්මිෂ්ඨා තස්යාස්තුෂ්ටෝऽභවද්ගුරුඃ ॥ 13 ॥
ස ච තාං කාලයෝගේන ප්රෝවාච රඝුනංදන ।
පරිතුෂ්ටෝऽස්මි භද්රං තේ කිං කරෝමි තව ප්රියම් ॥ 14 ॥
පරිතුෂ්ටං මුනිං ජ්ඤාත්වා ගංධර්වී මධුරස්වරා ।
උවාච පරමප්රීතා වාක්යජ්ඤා වාක්යකෝවිදම් ॥ 15 ॥
ලක්ෂ්ම්යා සමුදිතෝ බ්රාහ්ම්යා බ්රහ්මභූතෝ මහාතපාඃ ।
බ්රාහ්මේණ තපසා යුක්තං පුත්රමිච්ඡාමි ධාර්මික ॥ 16 ॥
අපතිශ්චාස්මි භද්රං තේ භාර්යා චාස්මි න කස්යචිත් ।
බ්රාහ්මේණෝපගතායාශ්ච දාතුමර්හසි මේ සුතම් ॥ 17 ॥
තස්යාඃ ප්රසන්නෝ බ්රහ්මර්ෂිර්දදෞ පුත්රමනුත්තමම් ।
බ්රහ්මදත්ත ඉති ඛ්යාතං මානසං චූලිනස්සුතම් ॥ 18 ॥
ස රාජා සෞමදේයස්තු පුරීමධ්යවසත්තදා ।
කාංපිල්යාං පරයා ලක්ෂ්ම්යා දේවරාජෝ යථා දිවම් ॥ 19 ॥
ස බුද්ධිං කෘතවාන් රාජා කුශනාභස්සුධාර්මිකඃ ।
බ්රහ්මදත්තාය කාකුත්ස්ථ දාතුං කන්යාශතං තදා ॥ 20 ॥
තමාහූය මහාතේජා බ්රහ්මදත්තං මහීපතිඃ ।
දදෞ කන්යාශතං රාජා සුප්රීතේනාංතරාත්මනා ॥ 21 ॥
යථාක්රමං තතඃ පාණීන් ජග්රාහ රඝුනංදන ।
බ්රහ්මදත්තෝ මහීපාලස්තාසාං දේවපතිර්යථා ॥ 22 ॥
ස්පෘෂ්ටමාත්රේ තතඃ පාණෞ විකුබ්ජා විගතජ්වරාඃ ।
යුක්තාඃ පරමයා ලක්ෂ්ම්යා බභුඃ කන්යාශතං තදා ॥ 23 ॥
ස දෘෂ්ට්වා වායුනා මුක්තාඃ කුශනාභෝ මහීපතිඃ ।
බභූව පරමප්රීතෝ හර්ෂං ලේභේ පුනඃපුනඃ ॥ 24 ॥
කෘතෝද්වාහං තු රාජානං බ්රහ්මදත්තං මහීපතිඃ ।
සදාරං ප්රේෂයාමාස සෝපාධ්යායගණං තදා ॥ 25 ॥
සෝමදාऽපි සුසංහෘෂ්ටා පුත්රස්ය සදෘශීං ක්රියාම් ।
යථාන්යායං ච ගංධර්වී ස්නුෂාස්තාඃ ප්රත්යනංදත ॥ 26 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ බාලකාංඩේ ත්රයස්ත්රිංශස්සර්ගඃ ॥
