শ্রীমদ্বাল্মীকীয় রামাযণে বালকাংডম্ ।
অথ একোনপংচাশস্সর্গঃ ।
অফলস্তু ততশ্শক্রো দেবানগ্নিপুরোগমান্ ।
অব্রবীত্ত্রস্তবদনস্সর্ষিস্সংঘান্ সচারণান্ ॥ 1 ॥
কুর্বতা তপসো বিঘ্নং গৌতমস্য় মহাত্মনঃ ।
ক্রোধমুত্পাদ্য় হি ময়া সুরকার্যমিদং কৃতম্ ॥ 2 ॥
অফলোঽস্মি কৃতস্তেন ক্রোধাত্সা চ নিরাকৃতা ।
শাপমোক্ষেণ মহতা তপোঽস্য়াপহৃতং ময়া ॥ 3 ॥
তস্মাত্সুরবরাস্সর্বে সর্ষিস্সংঘাস্সচারণাঃ ।
সুরসাহ্যকরং সর্বে সফলং কর্তুমর্হথ ॥ 4 ॥
শতক্রতোর্বচশ্শ্রুত্বা দেবাস্সাগ্নিপুরোগমাঃ ।
পিতৃদেবানুপেত্য়াহু স্সহ সর্বৈর্মরুদ্গণৈঃ ॥ 5 ॥
অয়ং মেষস্সবৃষণশ্শক্রো হ্যবৃষণঃ কৃতঃ ।
মেষস্য় বৃষণৌ গৃহ্য় শক্রায়াঽশু প্রযচ্ছথ ॥ 6 ॥
অফলস্তু কৃতো মেষঃ পরাং তুষ্টিং প্রদাস্যতি ।
ভবতাং হর্ষণার্থায় যে চ দাস্য়ংতি মানবাঃ ॥ 7 ॥
অগ্নেস্তু বচনং শ্রুত্বা পিতৃদেবাস্সমাগতাঃ ।
উত্পাট্য় মেষবৃষণৌ সহস্রাক্ষে ন্যবেশযন্ ॥ 8 ॥
তদা প্রভৃতি কাকুত্স্থ পিতৃদেবাস্সমাগতাঃ ।
অফলান্ ভুংজতে মেষান্ ফলৈস্তেষাময়োজযন্ ॥ 9 ॥
ইংদ্রস্তু মেষবৃষণস্তদাপ্রভৃতি রাঘব ।
গৌতমস্য় প্রভাবেন তপসশ্চ মহাত্মনঃ ॥ 10 ॥
তদাগচ্ছ মহাতেজ আশ্রমং পুণ্যকর্মণঃ ।
তারয়ৈনাং মহাভাগামহল্য়াং দেবরূপিণীম্ ॥ 11 ॥
বিশ্বামিত্রবচশ্শ্রুত্বা রাঘবস্সহলক্ষ্মণঃ ।
বিশ্বামিত্রং পুরস্কৃত্য় তমাশ্রমমথাবিশত্ ॥ 12 ॥
দদর্শ চ মহাভাগাং তপসা দ্য়োতিতপ্রভাম্ ।
লোকৈরপি সমাগম্য় দুর্নিরীক্ষ্য়াং সুরাসুরৈঃ ॥ 13 ॥
প্রযত্নান্নির্মিতাং ধাত্রা দিব্য়াং মায়াময়ীমিব ।
স তুষারাবৃতাং সাভ্রাং পূর্ণচংদ্রপ্রভামিব ॥ 14 ॥
মধ্য়েংঽভসো দুরাধর্ষাং দীপ্তাং সূর্যপ্রভামিব ।
সা হি গৌতমবাক্য়েন দুর্নিরীক্ষ্য়া বভূব হ ॥ 15 ॥
ত্রয়াণামপি লোকানাং যাবদ্রামস্য় দর্শনম্ ।
শাপস্য়াংতমুপাগম্য় তেষাং দর্শনমাগতা ॥ 16 ॥
রাঘবৌ তু ততস্তস্য়াঃ পাদৌ জগৃহতুস্তদা ।
স্মরংতী গৌতমবচঃ প্রতিজগ্রাহ সা চ তৌ ॥ 17 ॥
পাদ্যমর্ঘ্য়ং তথাঽঽতিথ্য়ং চকার সুসমাহিতা ।
প্রতিজগ্রাহ কাকুত্স্থো বিধিদৃষ্টেন কর্মণা ॥ 18 ॥
পুষ্পবৃষ্টির্মহত্য়াসীদ্দেবদুংদুভিনিস্বনৈঃ ।
গংধর্বাপ্সরসাং চৈব মহানাসীত্সমাগমঃ ॥ 19 ॥
সাধু সাধ্বিতি দেবাস্তামহল্য়াং সমপূজযন্ ।
তপোবলবিশুদ্ধাংগী গৌতমস্য় বশানুগাম্ ॥ 20 ॥
গৌতমোঽপি মহাতেজা অহল্য়াসহিতস্সুখী ।
রামং সংপূজ্য় বিধিবত্তপস্তেপে মহাতপাঃ ॥ 21 ॥
রামোঽপি পরমাং পূজাং গৌতমস্য় মহামুনেঃ ।
সকাশাদ্বিধিবত্প্রাপ্য় জগাম মিথিলাং ততঃ ॥ 22 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে একোনপংচাশস্সর্গঃ ॥
