শ্রীমদ্বাল্মীকীয় রামাযণে বালকাংডম্ ।
অথ একষষ্টিতমস্সর্গঃ ।
বিশ্বামিত্রো মহাত্মাথ প্রস্থিতান্ প্রেক্ষ্য় তানৃষীন্ ।
অব্রবীন্নরশার্দূলস্সর্বাংস্তান্বনবাসিনঃ ॥ 1 ॥
মহান্বিঘ্নঃ প্রবৃত্তোঽয়ং দক্ষিণামাস্থিতো দিশম্ ।
দিশমন্য়াং প্রপত্স্য়ামস্তত্র তপ্স্য়ামহে তপঃ ॥ 2 ॥
পশ্চিমায়াং বিশালায়াং পুষ্করেষু মহাত্মনঃ ।
সুখং তপশ্চরিষ্য়ামঃ পরং তদ্ধি তপোবনম্ ॥ 3 ॥
এবমুক্ত্বা মহাতেজাঃ পুষ্করেষু মহামুনিঃ ।
তপ উগ্রং দুরাধর্ষং তেপে মূলফলাশনঃ ॥ 4 ॥
এতস্মিন্নেব কালে তু অয়োধ্য়াধিপতির্নৃপঃ ।
অংবরীষ ইতি খ্য়াতো যষ্টুং সমুপচক্রমে ॥ 5 ॥
তস্য় বৈ যজমানস্য় পশুমিংদ্রো জহার হ ।
প্রণষ্টে তু পশৌ বিপ্রো রাজানমিদমব্রবীত্ ॥ 6 ॥
পশুরদ্য় হৃতো রাজন্ প্রণষ্টস্তব দুর্নয়াত্ ।
অরক্ষিতারং রাজানং ঘ্নংতি দোষা নরেশ্বর ॥ 7 ॥
প্রাযশ্চিত্তং মহদ্ধ্য়েতন্নরং বা পুরুষর্ষভ ।
আনযস্ব পশুং শীঘ্রং যাবত্কর্ম প্রবর্ততে ॥ 8 ॥
উপাধ্য়াযবচশ্শ্রুত্বা স রাজা পুরুষর্ষভ ।
অন্বিয়েষ মহাবুদ্ধিঃ পশুং গোভিস্সহস্রশঃ ॥ 9 ॥
দেশান্ জনপদাংস্তাং স্তান্নগরাণি বনানি চ ।
আশ্রমাণি চ পুণ্য়ানি মার্গমাণো মহীপতিঃ ॥ 10 ॥
স পুত্রসহিতং তাত সভার্য়ং রঘুনংদন ।
ভৃগুতুংদে সমাসীনমৃচীকং সংদদর্শ হ ॥ 11 ॥
তমুবাচ মহাতেজাঃ প্রণম্য়াভিপ্রসাদ্য় চ ।
ব্রহ্মর্ষিং তপসা দীপ্তং রাজর্ষিরমিতপ্রভঃ ॥ 12 ॥
পৃষ্ট্বা সর্বত্র কুশলমৃচীকং তমিদং বচঃ ।
গবাং শতসহস্রেণ বিক্রীণীষে সুতং যদি ॥ 13 ॥
পশোরর্থে মহাভাগ কৃতকৃত্য়োঽস্মি ভার্গব ।
সর্বে পরিসৃতা দেশা যাজ্ঞীয়ং ন লভে পশুম্ ॥ 14 ॥
দাতুমর্হসি মূল্য়েন সুতমেকমিতো মম ।
4 এবমুক্তো মহাতেজা ঋচীকস্ত্বব্রবীদ্বচঃ ॥ 15 ॥
নাহং জ্য়েষ্ঠং নরশ্রেষ্ঠ বিক্রীণীয়াং কথংচন ।
ঋচীকস্য় বচশ্শ্রুত্বা তেষাং মাতা মহাত্মনাম্ ॥ 16 ॥
উবাচ নরশার্দূলমংবরীষং তপস্বিনী ।
অবিক্রেয়ং সুতং জ্য়েষ্ঠং ভগবানাহ ভার্গবঃ ॥ 17 ॥
মমাপি দয়িতং বিদ্ধি কনিষ্ঠং শুনকং নৃপ ।
তস্মাত্কনীযসং পুত্রং ন দাস্য়ে তব পার্থিব ॥ 18 ॥
প্রায়েণ হি নরশ্রেষ্ঠ জ্য়েষ্ঠাঃ পিতৃষু বল্লভাঃ ।
মাতৃণাং তু কনীয়াংসস্তস্মাদ্রক্ষে কনীযসম্ ॥ 19 ॥
উক্তবাক্য়ে মুনৌ তস্মিন্ মুনিপত্ন্য়াং তথৈব চ ।
শুনশ্শেফস্স্বয়ং রাম মধ্যমো বাক্যমব্রবীত্ ॥ 20 ॥
পিতা জ্য়েষ্ঠমবিক্রেয়ং মাতা চাহ কনীযসম্ ।
বিক্রীতং মধ্যমং মন্য়ে রাজন্ পুত্রং নযস্ব মাম্ ॥ 21 ॥
গবাং শতসহস্রেণ শুনশ্শেফং নরেশ্বরঃ ।
গৃহীত্বা পরমপ্রীতো জগাম রঘুনংদন ॥ 22 ॥
অংবরীষস্তু রাজর্ষী রথমারোপ্য় সত্বরঃ ।
শুনশ্শেফং মহাতেজা জগামাশু মহাযশাঃ ॥ 23 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে একষষ্টিতমস্সর্গঃ ॥
