ශ්රීමද්වාල්මීකීය රාමායණේ බාලකාංඩම් ।
අථ ඒකෂෂ්ටිතමස්සර්ගඃ ।
විශ්වාමිත්රෝ මහාත්මාථ ප්රස්ථිතාන් ප්රේක්ෂ්ය තානෘෂීන් ।
අබ්රවීන්නරශාර්දූලස්සර්වාංස්තාන්වනවාසිනඃ ॥ 1 ॥
මහාන්විඝ්නඃ ප්රවෘත්තෝऽයං දක්ෂිණාමාස්ථිතෝ දිශම් ।
දිශමන්යාං ප්රපත්ස්යාමස්තත්ර තප්ස්යාමහේ තපඃ ॥ 2 ॥
පශ්චිමායාං විශාලායාං පුෂ්කරේෂු මහාත්මනඃ ।
සුඛං තපශ්චරිෂ්යාමඃ පරං තද්ධි තපෝවනම් ॥ 3 ॥
ඒවමුක්ත්වා මහාතේජාඃ පුෂ්කරේෂු මහාමුනිඃ ।
තප උග්රං දුරාධර්ෂං තේපේ මූලඵලාශනඃ ॥ 4 ॥
ඒතස්මින්නේව කාලේ තු අයෝධ්යාධිපතිර්නෘපඃ ।
අංබරීෂ ඉති ඛ්යාතෝ යෂ්ටුං සමුපචක්රමේ ॥ 5 ॥
තස්ය වෛ යජමානස්ය පශුමිංද්රෝ ජහාර හ ।
ප්රණෂ්ටේ තු පශෞ විප්රෝ රාජානමිදමබ්රවීත් ॥ 6 ॥
පශුරද්ය හෘතෝ රාජන් ප්රණෂ්ටස්තව දුර්නයාත් ।
අරක්ෂිතාරං රාජානං ඝ්නංති දෝෂා නරේශ්වර ॥ 7 ॥
ප්රායශ්චිත්තං මහද්ධ්යේතන්නරං වා පුරුෂර්ෂභ ।
ආනයස්ව පශුං ශීඝ්රං යාවත්කර්ම ප්රවර්තතේ ॥ 8 ॥
උපාධ්යායවචශ්ශ්රුත්වා ස රාජා පුරුෂර්ෂභ ।
අන්වියේෂ මහාබුද්ධිඃ පශුං ගෝභිස්සහස්රශඃ ॥ 9 ॥
දේශාන් ජනපදාංස්තාං ස්තාන්නගරාණි වනානි ච ।
ආශ්රමාණි ච පුණ්යානි මාර්ගමාණෝ මහීපතිඃ ॥ 10 ॥
ස පුත්රසහිතං තාත සභාර්යං රඝුනංදන ।
භෘගුතුංදේ සමාසීනමෘචීකං සංදදර්ශ හ ॥ 11 ॥
තමුවාච මහාතේජාඃ ප්රණම්යාභිප්රසාද්ය ච ।
බ්රහ්මර්ෂිං තපසා දීප්තං රාජර්ෂිරමිතප්රභඃ ॥ 12 ॥
පෘෂ්ට්වා සර්වත්ර කුශලමෘචීකං තමිදං වචඃ ।
ගවාං ශතසහස්රේණ වික්රීණීෂේ සුතං යදි ॥ 13 ॥
පශෝරර්ථේ මහාභාග කෘතකෘත්යෝऽස්මි භාර්ගව ।
සර්වේ පරිසෘතා දේශා යාජ්ඤීයං න ලභේ පශුම් ॥ 14 ॥
දාතුමර්හසි මූල්යේන සුතමේකමිතෝ මම ।
4 ඒවමුක්තෝ මහාතේජා ඍචීකස්ත්වබ්රවීද්වචඃ ॥ 15 ॥
නාහං ජ්යේෂ්ඨං නරශ්රේෂ්ඨ වික්රීණීයාං කථංචන ।
ඍචීකස්ය වචශ්ශ්රුත්වා තේෂාං මාතා මහාත්මනාම් ॥ 16 ॥
උවාච නරශාර්දූලමංබරීෂං තපස්විනී ।
අවික්රේයං සුතං ජ්යේෂ්ඨං භගවානාහ භාර්ගවඃ ॥ 17 ॥
මමාපි දයිතං විද්ධි කනිෂ්ඨං ශුනකං නෘප ।
තස්මාත්කනීයසං පුත්රං න දාස්යේ තව පාර්ථිව ॥ 18 ॥
ප්රායේණ හි නරශ්රේෂ්ඨ ජ්යේෂ්ඨාඃ පිතෘෂු වල්ලභාඃ ।
මාතෘණාං තු කනීයාංසස්තස්මාද්රක්ෂේ කනීයසම් ॥ 19 ॥
උක්තවාක්යේ මුනෞ තස්මින් මුනිපත්න්යාං තථෛව ච ।
ශුනශ්ශේඵස්ස්වයං රාම මධ්යමෝ වාක්යමබ්රවීත් ॥ 20 ॥
පිතා ජ්යේෂ්ඨමවික්රේයං මාතා චාහ කනීයසම් ।
වික්රීතං මධ්යමං මන්යේ රාජන් පුත්රං නයස්ව මාම් ॥ 21 ॥
ගවාං ශතසහස්රේණ ශුනශ්ශේඵං නරේශ්වරඃ ।
ගෘහීත්වා පරමප්රීතෝ ජගාම රඝුනංදන ॥ 22 ॥
අංබරීෂස්තු රාජර්ෂී රථමාරෝප්ය සත්වරඃ ।
ශුනශ්ශේඵං මහාතේජා ජගාමාශු මහායශාඃ ॥ 23 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ බාලකාංඩේ ඒකෂෂ්ටිතමස්සර්ගඃ ॥
