ශ්රීමද්වාල්මීකීය රාමායණේ බාලකාංඩම් ।
අථ ද්විෂෂ්ටිතමස්සර්ගඃ ।
ශුනශ්ශේඵං නරශ්රේෂ්ඨ ගෘහීත්වා තු මහායශාඃ ।
ව්යශ්රාම්යත් පුෂ්කරේ රාජා මධ්යාහ්නේ රඝුනංදන ॥ 1 ॥
තස්ය විශ්රමමාණස්ය ශුනශ්ශේඵෝ මහායශාඃ ।
පුෂ්කරක්ෂේත්රමාගම්ය විශ්වාමිත්රං දදර්ශ හ ॥ 2 ॥
තප්යංතමෘෂිභිස්සාර්ධං මාතුලං පරමාතුරඃ ।
විවර්ණවදනෝ දීනස්තෘෂ්ණයා ච ශ්රමේණ ච ॥ 3 ॥
පපාතාංකේ මුනේරාශු වාක්යං චේදමුවාච හ ।
න මේऽස්ති මාතා න පිතා ජ්ඤාතයෝ බාංධවාඃ කුතඃ ॥ 4 ॥
ත්රාතුමර්හසි මාං සෞම්ය ධර්මේණ මුනිපුංගව ।
ත්රාතා ත්වං හි මුනිශ්රේෂ්ඨ සර්වේෂාං ත්වං හි භාවනඃ ॥ 5 ॥
රාජා ච කෘතකාර්යස්ස්යාදහං දීර්ඝායුරව්යයඃ ।
ස්වර්ගලෝකමුපාශ්නීයාං තපස්තප්ත්වාහ්යනුත්තමම් ॥ 6 ॥
ත්වං මේ නාථෝ හ්යනාථස්ය භව භව්යේන චේතසා ।
පිතේව පුත්රං ධර්මාත්මං ස්ත්රාතුමර්හසි කිල්බිෂාත් ॥ 7 ॥
තස්ය තද්වචනං ශ්රුත්වා විශ්වාමිත්රෝ මහාතපාඃ ।
සාංත්වයිත්වා බහුවිධං පුත්රානිදමුවාච හ ॥ 8 ॥
යත්කෘතේ පිතරඃ පුත්රාන් ජනයංති ශුභාර්ථිනඃ ।
පරලෝකහිතාර්ථාය තස්ය කාලෝऽයමාගතඃ ॥ 9 ॥
අයං මුනිසුතෝ බාලෝ මත්තශ්ශරණමිච්ඡති ।
අස්ය ජීවිතමාත්රේණ ප්රියං කුරුත පුත්රකාඃ ॥ 10 ॥
සර්වේ සුකෘතකර්මාණස්සර්වේ ධර්මපරායණාඃ ।
පශුභූතා නරේංද්රස්ය තෘප්තිමග්නේඃ ප්රයච්ඡත ॥ 11 ॥
නාථවාංශ්ච ශුනශ්ශේඵෝ යජ්ඤශ්චාවිඝ්නිතෝ භවේත් ।
දේවතාස්තර්පිතාශ්චස්යුර්මම චාපි කෘතං වචඃ ॥ 12 ॥
මුනේස්තු වචනං ශ්රුත්වා මධුච්ඡංදාදය ස්සුතාඃ ।
සාභිමානං නරශ්රේෂ්ඨ සලීලමිදමබ්රුවන් ॥ 13 ॥
කථමාත්මසුතාන් හිත්වා ත්රායසේऽන්යසුතං විභෝ ।
අකාර්යමිව පශ්යාම ශ්ශ්වමාංස ඉව භෝජනේ ॥ 14 ॥
තේෂාං තද්වචනං ශ්රුත්වා පුත්රාණාං මුනිපුංගවඃ ।
ක්රෝධසංරක්තනයනෝ ව්යාහර්තුමුපචක්රමේ ॥ 15 ॥
නිස්සාධ්වසමිදං ප්රෝක්තං ධර්මාදපි විගර්හිතම් ।
අතික්රම්ය තු මද්වාක්යං දාරුණං රෝමහර්ෂණම් ॥ 16 ॥
ශ්වමාංසභෝජිනස්සර්වේ වාසිෂ්ඨා ඉව ජාතිෂු ।
පූර්ණං වර්ෂසහස්රං තු පෘථිව්යාමනුවත්ස්යථ ॥ 17 ॥
කෘත්වා ශාපසමායුක්තාන් පුත්රාන් මුනිවරස්තථා ।
ශුනශ්ශේඵමුවාචාර්තං කෘත්වා රක්ෂාං නිරාමයම් ॥ 18 ॥
පවිත්රපාශෛරාසක්තෝ රක්තමාල්යානුලේපනඃ ।
වෛෂ්ණවං යූපමාසාද්ය වාග්භිරග්නිමුදාහර ॥ 19 ॥
ඉමේ තු ගාථේ ද්වේ දිව්යේ ගායේථා මුනිපුත්රක ।
අංබරීෂස්ය යජ්ඤේऽස්මිංස්තත ස්සිද්ධිමවාප්ස්යසි ॥ 20 ॥
ශුනශ්ශේඵෝ ගෘහීත්වා තේ ද්වේ ගාථේ සුසමාහිතඃ ।
ත්වරයා රාජසිංහං තමංබරීෂමුවාච හ ॥ 21 ॥
රාජසිංහ මහාසත්ත්ව ශීඝ්රං ගච්ඡාවහේ සදඃ ।
නිර්වර්තයස්ව රාජේංද්ර දීක්ෂාං ච සමුපාවිශ ॥ 22 ॥
තද්වාක්යමෘෂිපුත්රස්ය ශ්රුත්වා හර්ෂසමුත්සුකඃ ।
ජගාම නෘපති ශ්ශීඝ්රං යජ්ඤවාටමතංද්රිතඃ ॥ 23 ॥
සදස්යානුමතේ රාජා පවිත්රකෘතලක්ෂණම් ।
පශුං රක්තාංබරං කෘත්වා යූපේ තං සමබංධයත් ॥ 24 ॥
සබද්ධෝ වාග්භිරග්ය්රාභිරභිතුෂ්ටාව වෛ සුරෞ ।
ඉංද්රමිංද්රානුජං චෛව යථාවන්මුනිපුත්රකඃ ॥ 25 ॥
තතඃ ප්රීත ස්සහස්රාක්ෂෝ රහස්යස්තුතිතර්පිතඃ ।
දීර්ඝමායුස්තදා ප්රාදාච්ඡුනශ්ශේඵාය රාඝව ॥ 26 ॥
ස ච රාජා නරශ්රේෂ්ඨ යජ්ඤස්ය ච සමාප්තවාන් ।
ඵලං බහුගුණං රාම සහස්රාක්ෂප්රසාදජම් ॥ 27 ॥
විශ්වාමිත්රෝ ऽපි ධර්මාත්මා භූයස්තේපේ මහාතපාඃ ।
පුෂ්කරේෂු නරශ්රේෂ්ඨ දශවර්ෂශතානි ච ॥ 28 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ බාලකාංඩේ ද්විෂෂ්ටිතමස්සර්ගඃ ॥
