শ্রীমদ্বাল্মীকীয় রামাযণে বালকাংডম্ ।
অথ দ্বিষষ্টিতমস্সর্গঃ ।
শুনশ্শেফং নরশ্রেষ্ঠ গৃহীত্বা তু মহাযশাঃ ।
ব্যশ্রাম্যত্ পুষ্করে রাজা মধ্য়াহ্নে রঘুনংদন ॥ 1 ॥
তস্য় বিশ্রমমাণস্য় শুনশ্শেফো মহাযশাঃ ।
পুষ্করক্ষেত্রমাগম্য় বিশ্বামিত্রং দদর্শ হ ॥ 2 ॥
তপ্য়ংতমৃষিভিস্সার্ধং মাতুলং পরমাতুরঃ ।
বিবর্ণবদনো দীনস্তৃষ্ণয়া চ শ্রমেণ চ ॥ 3 ॥
পপাতাংকে মুনেরাশু বাক্য়ং চেদমুবাচ হ ।
ন মেঽস্তি মাতা ন পিতা জ্ঞাতয়ো বাংধবাঃ কুতঃ ॥ 4 ॥
ত্রাতুমর্হসি মাং সৌম্য় ধর্মেণ মুনিপুংগব ।
ত্রাতা ত্বং হি মুনিশ্রেষ্ঠ সর্বেষাং ত্বং হি ভাবনঃ ॥ 5 ॥
রাজা চ কৃতকার্যস্স্য়াদহং দীর্ঘায়ুরব্যয়ঃ ।
স্বর্গলোকমুপাশ্নীয়াং তপস্তপ্ত্বাহ্যনুত্তমম্ ॥ 6 ॥
ত্বং মে নাথো হ্যনাথস্য় ভব ভব্য়েন চেতসা ।
পিতেব পুত্রং ধর্মাত্মং স্ত্রাতুমর্হসি কিল্বিষাত্ ॥ 7 ॥
তস্য় তদ্বচনং শ্রুত্বা বিশ্বামিত্রো মহাতপাঃ ।
সাংত্বয়িত্বা বহুবিধং পুত্রানিদমুবাচ হ ॥ 8 ॥
যত্কৃতে পিতরঃ পুত্রান্ জনয়ংতি শুভার্থিনঃ ।
পরলোকহিতার্থায় তস্য় কালোঽযমাগতঃ ॥ 9 ॥
অয়ং মুনিসুতো বালো মত্তশ্শরণমিচ্ছতি ।
অস্য় জীবিতমাত্রেণ প্রিয়ং কুরুত পুত্রকাঃ ॥ 10 ॥
সর্বে সুকৃতকর্মাণস্সর্বে ধর্মপরাযণাঃ ।
পশুভূতা নরেংদ্রস্য় তৃপ্তিমগ্নেঃ প্রযচ্ছত ॥ 11 ॥
নাথবাংশ্চ শুনশ্শেফো যজ্ঞশ্চাবিঘ্নিতো ভবেত্ ।
দেবতাস্তর্পিতাশ্চস্য়ুর্মম চাপি কৃতং বচঃ ॥ 12 ॥
মুনেস্তু বচনং শ্রুত্বা মধুচ্ছংদাদয় স্সুতাঃ ।
সাভিমানং নরশ্রেষ্ঠ সলীলমিদমব্রুবন্ ॥ 13 ॥
কথমাত্মসুতান্ হিত্বা ত্রাযসেঽন্যসুতং বিভো ।
অকার্যমিব পশ্য়াম শ্শ্বমাংস ইব ভোজনে ॥ 14 ॥
তেষাং তদ্বচনং শ্রুত্বা পুত্রাণাং মুনিপুংগবঃ ।
ক্রোধসংরক্তনযনো ব্য়াহর্তুমুপচক্রমে ॥ 15 ॥
নিস্সাধ্বসমিদং প্রোক্তং ধর্মাদপি বিগর্হিতম্ ।
অতিক্রম্য় তু মদ্বাক্য়ং দারুণং রোমহর্ষণম্ ॥ 16 ॥
শ্বমাংসভোজিনস্সর্বে বাসিষ্ঠা ইব জাতিষু ।
পূর্ণং বর্ষসহস্রং তু পৃথিব্য়ামনুবত্স্যথ ॥ 17 ॥
কৃত্বা শাপসমায়ুক্তান্ পুত্রান্ মুনিবরস্তথা ।
শুনশ্শেফমুবাচার্তং কৃত্বা রক্ষাং নিরামযম্ ॥ 18 ॥
পবিত্রপাশৈরাসক্তো রক্তমাল্য়ানুলেপনঃ ।
বৈষ্ণবং যূপমাসাদ্য় বাগ্ভিরগ্নিমুদাহর ॥ 19 ॥
ইমে তু গাথে দ্বে দিব্য়ে গায়েথা মুনিপুত্রক ।
অংবরীষস্য় যজ্ঞেঽস্মিংস্তত স্সিদ্ধিমবাপ্স্যসি ॥ 20 ॥
শুনশ্শেফো গৃহীত্বা তে দ্বে গাথে সুসমাহিতঃ ।
ত্বরয়া রাজসিংহং তমংবরীষমুবাচ হ ॥ 21 ॥
রাজসিংহ মহাসত্ত্ব শীঘ্রং গচ্ছাবহে সদঃ ।
নির্বর্তযস্ব রাজেংদ্র দীক্ষাং চ সমুপাবিশ ॥ 22 ॥
তদ্বাক্যমৃষিপুত্রস্য় শ্রুত্বা হর্ষসমুত্সুকঃ ।
জগাম নৃপতি শ্শীঘ্রং যজ্ঞবাটমতংদ্রিতঃ ॥ 23 ॥
সদস্য়ানুমতে রাজা পবিত্রকৃতলক্ষণম্ ।
পশুং রক্তাংবরং কৃত্বা যূপে তং সমবংধযত্ ॥ 24 ॥
সবদ্ধো বাগ্ভিরগ্য়্রাভিরভিতুষ্টাব বৈ সুরৌ ।
ইংদ্রমিংদ্রানুজং চৈব যথাবন্মুনিপুত্রকঃ ॥ 25 ॥
ততঃ প্রীত স্সহস্রাক্ষো রহস্যস্তুতিতর্পিতঃ ।
দীর্ঘমায়ুস্তদা প্রাদাচ্ছুনশ্শেফায় রাঘব ॥ 26 ॥
স চ রাজা নরশ্রেষ্ঠ যজ্ঞস্য় চ সমাপ্তবান্ ।
ফলং বহুগুণং রাম সহস্রাক্ষপ্রসাদজম্ ॥ 27 ॥
বিশ্বামিত্রো ঽপি ধর্মাত্মা ভূযস্তেপে মহাতপাঃ ।
পুষ্করেষু নরশ্রেষ্ঠ দশবর্ষশতানি চ ॥ 28 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে দ্বিষষ্টিতমস্সর্গঃ ॥
