ශ්රීමද්වාල්මීකීය රාමායණේ බාලකාංඩම් ।
අථ චතුඃෂෂ්ටිතමස්සර්ගඃ ।
සුරකාර්යමිදං රංභේ කර්තව්යං සුමහත්ත්වයා ।
ලෝභනං කෞශිකස්යේහ කාමමෝහසමන්විතම් ॥ 1 ॥
තථෝක්තා සාऽප්සරා රාම සහස්රාක්ෂේණ ධීමතා ।
ව්රීඩිතා ප්රාංජලිර්වාක්යං ප්රත්යුවාච සුරේශ්වරම් ॥ 2 ॥
අයං සුරපතේ ඝෝරෝ විශ්වාමිත්රෝ මහාමුනිඃ ।
ඝෝරමුත්සෘජතේ ක්රෝධං මයි දේව න සංශයඃ ॥ 3 ॥
තතෝ හි මේ භයං දේව ප්රාසාදං කර්තුමර්හසි ।
ඒවමුක්තස්තයා රාම රංභයා භීතයා තදා ॥ 4 ॥
තාමුවාච සහස්රාක්ෂෝ වේපමානාං කෘතාංජලිම් ।
මාභෛෂී රංභේ භද්රං තේ කුරුෂ්ව මම ශාසනම් ॥ 5 ॥
කෝකිලෝ හෘදයග්රාහී මාධවේ රුචිරද්රුමේ ।
අහං කංදර්පසහිත ස්ස්ථාස්යාමි තව පාර්ශ්වතඃ ॥ 6 ॥
ත්වං හි රූපං බහුගුණං කෘත්වා පරමභාස්වරම් ।
තමෘෂිං කෞශිකං රංභේ භේදයස්ව තපස්විනම් ॥ 7 ॥
සා ශ්රුත්වා වචනං තස්ය කෘත්වා රූපමනුත්තමම් ।
ලෝභයාමාස ලලිතා විශ්වාමිත්රං ශුචිස්මිතා ॥ 8 ॥
කෝකිලස්ය ච ශුශ්රාව වල්ගු ව්යාහරතඃ ස්වනම් ।
සංප්රහෘෂ්ටේන මනසා තත ඒනාමුදෛක්ෂත ॥ 9 ॥
අථ තස්ය ච ශබ්දේන ගීතේනාප්රතිමේන ච ।
දර්ශනේන ච රංභායා මුනිස්සංදේහමාගතඃ ॥ 10 ॥
සහස්රාක්ෂස්ය තත්කර්ම විජ්ඤාය මුනිපුංගවඃ ।
රංභාං ක්රෝධසමාවිෂ්ට ශ්ශශාප කුශිකාත්මජඃ ॥ 11 ॥
යන්මාං ලෝභයසේ රංභේ කාමක්රෝධජයෛෂිණම් ।
දශවර්ෂසහස්රාණි ශෛලී ස්ථාස්යසි දුර්භගේ ॥ 12 ॥
බ්රාහ්මණ ස්සුමහාතේජා ස්තපෝබලසමන්විතඃ ।
උද්ධරිෂ්යති රංභේ ත්වාං මත්ක්රෝධකලුෂීකෘතාම් ॥ 13 ॥
ඒවමුක්ත්වා මහාතේජා විශ්වාමිත්රෝ මහාමුනිඃ ।
අශක්නුවන් ධාරයිතුං ක්රෝධං සංතාපමාගතඃ ॥ 14 ॥
තස්ය ශාපේන මහතා රංභා ශෛලී තදාऽභවත් ।
වචශ්ශෘත්වා ච කංදර්පෝ මහර්ෂේස්ස ච නිර්ගතඃ ॥ 15 ॥
කෝපේන ස මහාතේජාස්තපෝऽපහරණේ කෘතේ ।
ඉංද්රියෛරජිතෛ රාම න ලේභේ ශාංතිමාත්මනඃ ॥ 16 ॥
බභූවාස්ය මනශ්චිංතා තපෝऽපහරණේ කෘතේ ।
නෛව ක්රෝධං ගමිෂ්යාමි න ච වක්ෂ්යේ කථංචන ॥ 17 ॥
අථවා නෝච්ඡවසිෂ්යාමි සංවත්සරශතාන්යපි ।
අහං විශෝෂයිෂ්යාමි හ්යාත්මානං විජිතේංද්රියඃ ॥ 18 ॥
තාවද්යාවද්ධි මේ ප්රාප්තං බ්රාහ්මණ්යං තපසාऽऽර්ජිතම් ।
අනුච්ඡවසන්නභුංජාන ස්තිෂ්ඨේයං ශාශ්වතීස්සමාඃ ॥ 19 ॥
න හි මේ තප්යමානස්ය ක්ෂයං යාස්යංති මූර්තයඃ ।
ඒවං වර්ෂසහස්රස්ය දීක්ෂාං ස මුනිපුංගවඃ ॥ 20 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ බාලකාංඩේ චතුඃෂෂ්ටිතමස්සර්ගඃ ॥
