শ্রীমদ্বাল্মীকীয় রামাযণে বালকাংডম্ ।
অথ সপ্তষষ্টিতমস্সর্গঃ ।
. জনকস্য় বচশ্শ্রুত্বা বিশ্বামিত্রো মহামুনিঃ ।
ধনুর্দর্শয় রামায় ইতি হোবাচ পার্থিবম্ ॥ 1 ॥
ততস্স রাজা জনকঃ সামংতান্ব্য়াদিদেশ হ ।
ধনুরানীযতাং দিব্য়ং গংধমাল্যবিভূষিতম্ ॥ 2 ॥
জনকেন সমাদিষ্টাঃ সচিবা প্রাবিশন্ পুরীম্ ।
তদ্ধনুঃ পুরতঃ কৃত্বা নির্জগ্মুঃ পার্থিবাজ্ঞয়া ॥ 3 ॥
নৃণাং শতানি পংচাশদ্ব্য়াযতানাং মহাত্মনাম্ ।
মংজূষামষ্টচক্রাং তাং সমূহুস্তে কথংচন ॥ 4 ॥
তামাদায় তু মংজূষামাযসীং যত্র তদ্ধনুঃ ।
সুরোপমং তে জনকমূচুর্নৃপতিমংত্রিণঃ ॥ 5 ॥
ইদং ধনুর্বরং রাজন্ পূজিতং সর্বরাজভিঃ ।
মিথিলাধিপ রাজেংদ্র দর্শনীয়ং যদিচ্ছসি ॥ 6 ॥
তেষাং নৃপো বচঃ শ্রুত্বা কৃতাংজলিরভাষত ।
বিশ্বামিত্রং মহাত্মানং তৌ চোভৌ রামলক্ষ্মণৌ ॥ 7 ॥
ইদং ধনুর্বরং ব্রহ্মন্ জনকৈরভিপূজিতম্ ।
রাজভিশ্চ মহাবীর্য়ৈঃ অশক্তৈঃ পূরিতুং পুরা ॥ 8 ॥
নৈতত্সুরগণাস্সর্বে নাসুরা ন চ রাক্ষসাঃ ।
গংধর্বযক্ষপ্রবরাঃ সকিন্নরমহোরগাঃ ॥ 9 ॥
ক্ব গতির্মানুষাণাং চ ধনুষোঽস্য় প্রপূরণে ।
আরোপণে সমায়োগে বেপনে তোলনেঽপি বা ॥ 10 ॥
তদেতদ্ধনুষাং শ্রেষ্ঠমানীতং মুনিপুংগব ।
দর্শয়ৈতন্মহাভাগ অনয়োঃ রাজপুত্রয়োঃ ॥ 11 ॥
বিশ্বামিত্রস্তু ধর্মাত্মা শ্রুত্বা জনকভাষিতম্ ।
বত্স রাম ধনুঃ পশ্য় ইতি রাঘবমব্রবীত্ ॥ 12 ॥
ব্রহ্মর্ষের্বচনাদ্রামো যত্র তিষ্ঠতি তদ্ধনুঃ ।
মংজূষাং তামপাবৃত্য় দৃষ্ট্বা ধনুরথাব্রবীত্ ॥ 13 ॥
ইদং ধনুর্বরং ব্রহ্মন্ সংস্পৃশামীহ পাণিনা ।
যত্নবাংশ্চ ভবিষ্য়ামি তোলনে পূরণেঽপি বা ॥ 14 ॥
বাঢমিত্য়েব তং রাজা মুনিশ্চ সমভাষত ।
লীলয়া স ধনুর্মধ্য়ে জগ্রাহ বচনান্মুনেঃ ॥ 15 ॥
পশ্যতাং নৃপসহস্রাণাং বহূনাং রঘুনংদনঃ ।
আরোপযত্স ধর্মাত্মা সলীলমিব তদ্ধনুঃ ॥ 16 ॥
আরোপয়িত্বা ধর্মাত্মা পূরয়ামাস তদ্ধনুঃ ।
তদ্বভংজ ধনুর্মধ্য়ে নরশ্রেষ্ঠো মহাযশাঃ ॥ 17 ॥
তস্য় শব্দো মহানাসীত্ নির্ঘাতসমনিস্বনঃ ।
ভূমিকংপশ্চ সুমহান্ পর্বতস্য়েব দীর্যতঃ ॥ 18 ॥
নিপেতুশ্চ নরা স্সর্বে তেন শব্দেন মোহিতাঃ ।
বর্জয়িত্বা মুনিবরং রাজানং তৌ চ রাঘবৌ ॥ 19 ॥
প্রত্য়াশ্বস্তে জনে তস্মিন্রাজা বিগতসাধ্বসঃ ।
উবাচ প্রাংজলির্বাক্য়ং বাক্যজ্ঞো মুনিপুংগবম্ ॥ 20 ॥
ভগবন্ দৃষ্টবীর্য়ো মে রামো দশরথাত্মজঃ ।
অত্যদ্ভুতমচিংত্য়ং চ ন তর্কিতমিদং ময়া ॥ 21 ॥
জনকানাং কুলে কীর্তিমাহরিষ্যতি মে সুতা ।
সীতা ভর্তারমাসাদ্য় রামং দশরথাত্মজম্ ॥ 22 ॥
মম সত্য়া প্রতিজ্ঞা চ বীর্যশুল্কেতি কৌশিক ।
সীতা প্রাণৈর্বহুমতা দেয়া রামায় মে সুতা ॥ 23 ॥
ভবতোঽনুমতে ব্রহ্মন্ শীঘ্রং গচ্ছংতু মংত্রিণঃ ।
মম কৌশিক ভদ্রং তে অয়োধ্য়াং ত্বরিতা রথৈঃ ॥ 24 ॥
রাজানং প্রশ্রিতৈর্বাক্য়ৈরানয়ংতু পুরং মম ।
প্রদানং বীর্যশুল্কায়াঃ কথয়ংতু চ সর্বশঃ ॥ 25 ॥
মুনিগুপ্তৌ চ কাকুত্স্থৌ কথয়ংতু নৃপায় বৈ ।
প্রীযমাণং তু রাজানমানয়ংতু সুশীঘ্রগাঃ ॥ 26 ॥
কৌশিকশ্চ তথেত্য়াহ রাজা চাভাষ্য় মংত্রিণঃ ॥ 27 ॥
অয়োধ্য়াং প্রেষয়ামাস ধর্মাত্মা কৃতশাসনান্ ।
যথাবৃত্তং সমাখ্য়াতুমানেতুং চ নৃপং তদা ॥ 28 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে সপ্তষষ্টিতমস্সর্গঃ ॥
