শ্রীমদ্বাল্মীকীয় রামাযণে অয়োধ্য়াকাংডম্ ।
অথ শততমস্সর্গঃ ।
জটিলং চীরবসনং প্রাংজলিং পতিতং ভুবি ।
দদর্শ রামো দুর্দর্শং যুগাংতে ভাস্করংযথা ॥ 1 ॥
কথংচিদভিবিজ্ঞায় বিবর্ণবদনং কৃশম্ ।
ভ্রাতরং ভরতং রামঃ পরিজগ্রাহ বাহুনা ॥ 2 ॥
আঘ্রায় রামস্তং মূর্ধ্নি পরিষ্বজ্য় চ রাঘবঃ ।
অংকে ভরতমারোপ্য় পর্যপৃচ্ছত্সমাহিতঃ ॥ 3 ॥
ক্ব নু তেঽভূত্পিতা তাত যদরণ্য়ং ত্বমাগতঃ ।
ন হি ত্বং জীবতস্তস্য় বনমাগংতুমর্হসি ॥ 4 ॥
চিরস্য় বত পশ্য়ামি দূরাদ্ভরতমাগতম্ ।
দুষ্প্রতীকমরণ্য়েঽস্মিন্ কিং তাত বনমাগতঃ ॥ 5 ॥
কচ্চিদ্ধারযতে তাত রাজা যত্ত্বমিহাঽগতঃ ।
কচ্চিন্ন দীন স্সহসা রাজা লোকাংতরং গতঃ ॥ 6 ॥
কচ্চিত্সৌম্য় ন তে রাজ্য়ং ভ্রষ্টং বালস্য় শাশ্বতম্ ।
কচ্চিচ্ছুশ্রূষসে তাত পিতরং সত্যবিক্রমম্ ॥ 7 ॥
কচ্চিদ্ধশরথো রাজা কুশলী সত্যসংংগরঃ ।
রাজসূয়াশ্বমেধানামাহর্তা ধর্মনিশ্চয়ঃ ॥ 8 ॥
স কচ্চিদ্ব্রাহ্মণো বিদ্বান্ ধর্মনিত্য়ো মহাদ্য়ুতিঃ ।
ইক্ষ্বাকূণামুপাধ্য়ায়ো যথাবত্তাত পূজ্যতে ॥ 9 ॥
সা তাত কচ্চিত্কৌসল্য়া সুমিত্রা চ প্রজাবতী ।
সুখিনী কচ্চিদার্য়া চ দেবী নংদতি কৈকয়ী ॥ 10 ॥
কচ্চিদ্বিনযসংপন্নঃ কুলপুত্রো বহুশ্রুতঃ ।
অনসূয়ুরনুদ্রষ্টা সত্কৃতস্তে পুরোহিতঃ ॥ 11 ॥
কচ্চিদগ্নিষু তে যুক্তো বিধিজ্ঞো মতিমানৃজুঃ ।
হুতং চ হোষ্যমাণং চ কালে বেদযতে সদা ॥ 12 ॥
কচ্চিদ্দেবান্পিত্রূন্ মাতৃর্গুরূন্পিতৃসমানপি ।
বৃদ্ধাংশ্চ তাত বৈদ্য়াংশ্চ ব্রাহ্মণাংশ্চাভিমন্যসে ॥ 13 ॥
ইষ্বস্ত্রবরসংপন্নমর্থশাস্ত্র বিশারদম্ ।
সুধন্বানমুপাধ্য়ায়ং কচ্চিত্ত্বং তাত মন্যসে ॥ 14 ॥
কচ্চিদাত্মসমা শ্শূরা শ্শ্রুতবংতো জিতেংদ্রিয়াঃ ।
কুলীনাশ্চেংগিতজ্ঞাশ্চ কৃতাস্তে তাত মংত্রিণঃ ॥ 15 ॥
মংত্রো বিজযমূলং হি রাজ্ঞাং ভবতি রাঘব ।
সুসংবৃতো মংত্রধরৈরমাত্য়ৈ শ্শাস্ত্রকোবিদৈঃ ॥ 16 ॥
কচ্চিন্নিদ্রাবশং নৈষীঃ কচ্চিত্ কালেঽববুধ্যসে ।
কচ্চিচ্চাপররাত্রেষু চিংতিযস্যর্থনৈপুণম্ ॥ 17 ॥
কচ্চিন্মংত্রযসে নৈকঃ কচ্চিন্ন বহুভিস্সহ ।
কচ্চিত্তে মংত্রিতো মংত্রো রাষ্ট্রং ন পরিধাবতি ॥ 18 ॥
কচ্চিদর্থং বিনিশ্চিত্য় লঘুমূলং মহোদযম্ ।
ক্ষিপ্রমারভসে কর্তুং ন দীর্ঘযসি রাঘব ॥ 19 ॥
কচ্চিত্তু সুকৃতান্য়েব কৃতরূপাণি বা পুনঃ ।
বিদুস্তে সর্বকার্য়াণি ন কর্তব্য়ানি পার্থিবাঃ ॥ 20 ॥
কচ্চিন্নতর্কৈর্য়ুক্ত্য়া বা যে চাপ্যপরিকীর্তিতাঃ ।
ত্বয়া বা তবামাত্য়ৈর্বুধ্যতে তাত মংত্রিতম্ ॥ 21 ॥
কচ্চিত্সহস্রান্মূর্খাণামেকমিচ্ছসি পংডিতম্ ।
পংডিতো হ্যর্থকৃচ্ছ্রেষু কুর্য়ান্নিশ্রেযসং মহত্ ॥ 22 ॥
সহস্রাণ্যপি মূর্খাণাং যুদ্য়ুপাস্তে মহীপতিঃ ।
অথবাপ্যয়ুতান্য়েব নাস্তি তেষু সহাযতা ॥ 23 ॥
একোঽপ্যমাত্য়ো মেধাবী শূরো দক্ষো বিচক্ষণঃ ।
রাজানং রাজপুত্রং বা প্রাপয়েন্মহতীং শ্রিযম্ ॥ 24 ॥
কচ্চিন্মুখ্য়া মহাত্স্বেব মধ্যমেষু চ মধ্যমাঃ ।
জঘন্য়াশ্চ জঘন্য়েষু ভৃত্য়াঃ কর্মসু যোজিতাঃ ॥ 25 ॥
অমাত্য়ানুপধাতীতান্পিতৃপৈতামহাংছুচীন্ ।
শ্রেষ্ঠাংছ্রেষ্ঠেষুকচ্চিত্বং নিয়োজযসি কর্মসু ॥ 26 ॥
কচ্চিন্নোগ্রেণ দংডেন ভৃশমুদ্বেজিতপ্রজম্ ।
রাষ্ট্রং তবানুজানংতি মংত্রিণঃ কৈকয়ীসুত ॥ 27 ॥
কচ্চিত্ত্বাং নাবজানংতি যাজকাঃ পতিতং যথা ।
উগ্রপ্রতিগ্রহীতারং কাময়ানমিব স্ত্রিয়ঃ ॥ 28 ॥
উপাযকুশলং বৈদ্য়ং ভৃত্যসংদূষণে রতম্ ।
শূরমৈশ্বর্যকামং চ যো ন হংতি স হন্যতে ॥ 29 ॥
কচ্চিদ্ধৃষ্টশ্চ শূরশ্চ মতিমান্ ধৃতিমান্ শুচিঃ ।
কুলীনশ্চানুরক্তশ্চ দক্ষস্সেনাপতিঃ কৃতঃ ॥ 30 ॥
বলবংতশ্চ কচ্চিত্তে মুখ্য়া যুধ্দবিশারদাঃ ।
দৃষ্টাপদানা বিক্রাংতাস্ত্বয়া সত্কৃত্যমানিতাঃ ॥ 31 ॥
কচ্চিদ্বলস্য় ভক্তং চ বেতনং চ যথোচিতম্ ।
সংপ্রাপ্তকালং দাতব্য়ং দদাসি ন বিলংবসে ॥ 32 ॥
কালাতিক্রমণাচ্চৈব ভক্তবেতনয়োর্ভৃতাঃ ।
ভর্তুঃ কুপ্য়ংতি দুষ্য়ংতি সোঽনর্থ স্সুমহান্ স্মৃতঃ ॥ 33 ॥
কচ্চিত্সর্বেঽনুরক্তাস্ত্বাং কুলপুত্রাঃ প্রধানতঃ ।
কচ্চিত্প্রাণাং স্তবার্থেষু সংত্যজংতি সমাহিতাঃ ॥ 34 ॥
কচ্চিজ্জানপদো বিদ্বাংদক্ষিণঃ প্রতিভানবান্ ।
যথোক্তবাদী দূতস্তে কৃতো ভরত পংডিতঃ ॥ 35 ॥
কচ্চিদষ্টাদশান্য়েষু স্বপক্ষে দশ পংচ চ ।
ত্রিভিস্ত্রিভিরবিজ্ঞাতৈর্বেত্সি তীর্থানি চারকৈঃ ॥ 36 ॥
কচ্চিদ্ব্যপাস্তানহিতান্প্রতিয়াতাংশ্চ সর্বদা ।
দুর্বলাননবজ্ঞায় বর্তসে রিপুসূদন ॥ 37 ॥
কচ্চিন্ন লৌকাযতিকান্ব্রাহ্মণাংস্তাত সেবসে ।
অনর্থকুশলা হ্য়েতে বালাঃ পংডিতমানিনঃ ॥ 38 ॥
ধর্মশাস্ত্রেষু মুখ্য়েষু বিদ্যমানেষু দুর্বুধাঃ ।
বুদ্ধিমান্বীক্ষিকীং প্রাপ্য় নিরর্থং প্রবদংতি তে ॥ 39 ॥
বীরৈরধ্য়ুষিতাং পূর্বমস্মাকং তাত পূর্বকৈঃ ।
সত্যনামাং দৃঢ দ্বারাং হস্ত্যশ্বরথসংকুলাম্ ॥ 40 ॥
ব্রাহ্মণৈঃ ক্ষত্রিয়ৈর্বৈশ্য়ৈ স্স্বকর্মনিরতৈস্সদা ।
জিতেংদ্রিয়ৈর্মহোত্সাহৈর্বৃতামার্য়ৈ স্সহস্রশঃ ॥ 41 ॥
প্রাসাদৈর্বিবিধাকারৈর্বৃতাং বৈদ্যজনাকুলাম্ ।
কচ্চিত্সুমুদিতাং স্ফীতাময়োধ্য়াং পরিরক্ষসি ॥ 42 ॥
কচ্চিচ্চৈত্যশতৈর্জুষ্ট স্সুনিবিষ্টজনাকুলঃ ।
দেবস্থানৈঃ প্রপাভিশ্চ তটাকৈশ্চোপশোভিতঃ ॥ 43 ॥
প্রহৃষ্টনরনারীকস্সমাজোত্সবশোভিতঃ ।
সুকৃষ্টসীমা পশুমান্হিংসাভিঃ পরিবর্জিতঃ ॥ 44 ॥
অদেবমাতৃকো রম্য় শ্শ্বাপদৈঃ পরিবর্জিতঃ ।
পরিত্যক্তো ভয়ৈস্সর্বৈঃ খনিভিশ্চোপশোভিতঃ ॥ 45 ॥
বিবর্জিতো নরৈঃ পাপৈর্মম পূর্বৈ স্সুরক্ষিতঃ ।
কচ্চিজ্জনপদস্স্ফীতঃ সুখং বসতি রাঘব ॥ 46 ॥
কচ্চিত্তে দয়িতাস্সর্বে কৃষিগোরক্ষজীবিনঃ ।
বার্তায়াং সংশ্রিতস্তাত লোকো হি সুখমেধতে ॥ 47 ॥
তেষাং গুপ্তিপরীহারৈঃ কচ্চিত্তে ভরণং কৃতম্ ।
রক্ষ্য়া হি রাজ্ঞা ধর্মেণ সর্বে বিষযবাসিনঃ ॥ 48 ॥
কচ্চিস্ত্রিয় স্সাংত্বযসি কচ্চিত্তাশ্চ সুরক্ষিতাঃ ।
কচ্চিন্ন শ্রদ্ধাস্য়াসাং কচ্চিদ্গুহ্য়ং ন ভাষসে ॥ 49 ॥
কচ্চিন্নাগবনং গুপ্তং কচ্চিত্তে সংতি ধেনুকাঃ ।
কচ্চিন্ন গণিকাশ্বানাং কুংজরাণাং চ তৃপ্যসি ॥ 50 ॥
কচ্চিদ্দর্শযসে নিত্য়ং মনুষ্য়াণাং বিভূষিতম্ ।
উত্থায়োত্থায় পূর্বাহ্ণে রাজপুত্র মহাপথে ॥ 51 ॥
কচ্চিন্ন সর্বে কর্মাংতাঃ প্রত্যক্ষাস্তেঽবিশংকয়া ।
সর্বে বা পুনরুত্সৃষ্টা মধ্যমেবাত্র কারণম্ ॥ 52 ॥
কচ্চিত্সর্বাণি দুর্গাণি ধনধান্য়ায়ুধোদকৈঃ ।
যংত্রৈশ্চ পরিপূর্ণানি তথা শিল্পিধনুর্ধরৈঃ ॥ 53 ॥
আযস্তে বিপুলঃ কচ্চিত্কচ্চিদল্পতরো ব্যয়ঃ ।
অপাত্রেষু ন তে কচ্চিত্কোশো গচ্ছতি রাঘব ॥ 54 ॥
দেবতার্থে চ পিত্রর্থেব্রাহ্মণাভ্য়াগতেষু চ ।
যোধেষু মিত্রবর্গেষু কচ্চিদ্গচ্ছতি তে ব্যয়ঃ ॥ 55 ॥
কচ্চিদার্য়ো বিশুদ্ধাত্মা ক্ষারিত শ্চাপরকর্মণা ।
অপৃষ্ট শ্শাস্ত্রকুশলৈর্ন লোভাদ্বধ্যতে শুচিঃ ॥ 56 ॥
গৃহীতশ্চৈব পৃষ্টশ্চ কালে দৃষ্টস্সকারণঃ ।
কচ্চিন্ন মুচ্যতে চোরো ধনলোভান্নরর্ষভ ॥ 57 ॥
ব্যসনে কচ্চিদাঢ্যস্য় দুর্গতস্য় চ রাঘব ।
অর্থং বিরাগাঃ পশ্য়ংতি তবামাত্য়া বহুশ্রুতাঃ ॥ 58 ॥
যানি মিথ্য়াভিশস্তানাং পতংত্যশ্রূণি রাঘব ।
তানি পুত্রান্পশূন্ঘ্নংতি প্রীত্যর্থমনুশাসতঃ ॥ 59 ॥
কচ্চিদ্বৃদ্ধাংশ্চ বালাংশ্চ বৈদ্য়ামুখ্য়াংশ্চ রাঘব ।
দানেন মনসা বাচা ত্রিভিরেতৈর্বুভূষসে ॥ 60 ॥
কচ্চিদ্গুরূংশ্চ বৃদ্ধাংশ্চ তাপসান্ দেবতাতিথীন্ ।
চৈত্য়াংশ্চ সর্বান্সিধ্দার্থান্ব্রাহ্মণাংশ্চ নমস্যসি ॥ 61 ॥
কচ্চিদর্থেন বা ধর্মমর্থং ধর্মেণ বা পুনঃ ।
উভৌ বা প্রীতিলোভেন কামেন চ ন বাধসে ॥ 62 ॥
কচ্চিদর্থং চ ধর্মং চ কামং চ জযতাং বর ।
বিভজ্য় কালে কালজ্ঞ সর্বান্বরদ সেবসে ॥ 63 ॥
কচ্চিত্তে ব্রাহ্মণা শ্শর্ম সর্বশাস্ত্রার্থকোবিদাঃ ।
আশংসংতে মহাপ্রাজ্ঞ পৌরজানপদৈস্সহ ॥ 64 ॥
নাস্তিক্যমনৃতং ক্রোধং প্রমাদং দীর্ঘসূত্রতাম্ ।
অদর্শনং জ্ঞানবতামালস্য়ং পংচবৃত্তিতাম্ ॥ 65 ॥
একচিংতনমর্থানামনর্থজ্ঞৈশ্চ মংত্রণম্ ।
নিশ্চিতানামনারংভং মংত্রস্য়াপরিরক্ষণম্ ॥ 66 ॥
মংগলাদ্যপ্রয়োগং চ প্রত্য়ুত্থানং চ সর্বতঃ ।
কচ্চিত্বং বর্জযস্য়েতান্রাজদোষাংশ্চতুর্দশ ॥ 67 ॥
দশপংচচতুর্বর্গান্সপ্তবর্গং চ তত্ত্বতঃ ।
অষ্টবর্গং ত্রিবর্গং চ বিদ্য়াস্তিস্রশ্চ রাঘব ॥ 68 ॥
ইংদ্রিয়াণাং জয়ং বুদ্ধ্য়া ষাড্গুণ্য়ং দৈবমানুষম্ ।
কৃত্য়ং বিংশতিবর্গং চ তথা প্রকৃতিমংডলম্ ॥ 69 ॥
যাত্রাদংডবিধানং চ দ্বিয়োনী সংধিবিগ্রহৌ ।
কচ্চিদেতান্মহাপ্রাজ্ঞ যথাবদনুমন্যসে ॥ 70 ॥
মংত্রিভিস্ত্বং যথোদ্দিষ্টৈশ্চতুর্ভিস্ত্রিভিরেব বা ।
কচ্চিত্সমস্তৈর্ব্যস্তৈশ্চ মংত্রং মংত্রযসে মিথঃ ॥ 71 ॥
কচ্চিত্তে সফলা বেদাঃ কচ্চিত্তে সফলাঃ ক্রিয়াঃ ।
কচ্চিত্তে সফলা দারাঃ কচ্চিত্তে সফলং শ্রুতম্ ॥ 72 ॥
কচ্চিদেষৈব তে বুদ্ধির্যথোক্তা মম রাঘব ।
আয়ুষ্য়া চ যশস্য়া চ ধর্মকামার্থ সংহিতা ॥ 73 ॥
যাং বৃত্তিং বর্ততে তাতো যাং চ নঃ প্রপিতামহাঃ ।
তাং বৃত্তিং বর্তসে কচ্চিদ্য়াচ সত্পথগা শুভা ॥ 74 ॥
কচ্চিত্স্বাদু কৃতং ভোজ্যমেকো নাশ্নাসি রাঘব ।
কচ্চিদাশংসমানেভ্য়ো মিত্রেভ্য় স্সংপ্রযচ্ছসি ॥ 75 ॥
রাজা তু ধর্মেণ হি পালয়িত্বা মহামতির্দংডধরঃ প্রজানাম্ ।
অবাপ্য় কৃত্স্নাং বসুধাং যথাবদিতশ্চ্য়ুত স্স্বর্গমুপৈতি বিদ্বান্ ॥ 76 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে শততমস্সর্গঃ ॥
