শ্রীমদ্বাল্মীকীয় রামাযণে অয়োধ্য়াকাংডম্ ।
অথ সপ্তাধিকশততমস্সর্গঃ ।
পুনরেবং ব্রুবাণং তং ভরতং লক্ষ্মণাগ্রজঃ ।
প্রত্য়ুবাচ তত শ্শ্রীমান্ জ্ঞাতিমধ্য়েঽভিসত্কৃতঃ ॥ 1 ॥
উপপন্নমিদং বাক্য়ং যত্ত্বমেবমভাষথাঃ ।
জাতঃ পুত্রো দশরথাত্কৈকেয়্য়াং রাজসত্তমাত্ ॥ 2 ॥
পুরা ভ্রাতঃ পিতা ন স্স মাতরং তে সমুদ্বহন্ ।
মাতামহে সমাশ্রৌষীদ্রাজ্যশুল্কমনুত্তমম্ ॥ 3 ॥
দৈবাসুরে চ সংগ্রামে জনন্য়ৈ তব পার্থিবঃ ।
সংপ্রহৃষ্টো দদৌ রাজা বরমারাধিতঃ প্রভুঃ ॥ 4 ॥
ততস্সা সংপ্রতিশ্রাব্য় তব মাতা যশস্বিনী ।
অয়াচত নরশ্রেষ্ঠং দ্বৌ বরৌ বরবর্ণিনী ॥ 5 ॥
তব রাজ্য়ং নরব্য়াঘ্র মম প্রব্রাজনং তথা ।
তৌ চ রাজা তদা তস্য়ৈ নিয়ুক্তঃ প্রদদৌ বরৌ ॥ 6 ॥
ততঃ সা সংপ্রতিশ্রাব্য় তব মাতা যশস্বিনী ।
অয়াচত নরশ্রেষ্ঠং দ্বৌ বরৌ বরবর্ণিনী ॥ 7 ॥
তব রাজ্য়ং নরব্য়াঘ্র মম প্রব্রাজনং তথা ।
তচ্চ রাজা তদা তস্য়ৈ নিয়ুক্তঃ প্রদদৌ বরৌ ॥ 8 ॥
তেন পিত্রাঽহমপ্যত্র নিয়ুক্তঃ পুরুষর্ষভ ।
চতুর্দশ বনে বাসং বর্ষাণি বরদানিকম্ ॥ 9 ॥
সোঽহং বনমিদং প্রাপ্তো নির্জনং লক্ষ্মণান্বিতঃ ।
সীতয়া চাপ্রতিদ্বংদ্ব স্সত্যবাদে স্থিতঃ পিতুঃ ॥ 10 ॥
ভবানপি তথেত্য়েব পিতরং সত্যবাদিনম্ ।
কর্তুমর্হতি রাজেংদ্র ক্ষিপ্রমেবাভিষেচনাত্ ॥ 11 ॥
ঋণান্মোচয় রাজানং মত্কৃতে ভরত প্রভুম্ ।
পিতরং চাপি ধর্মজ্ঞং মাতরং চাভিনংদয় ॥ 12 ॥
শ্রূযতে ধীমতা তাত শ্রুতির্গীতা যশস্বিনা ।
গয়েন যজমানেন গয়েষ্বেব পিতৄন্ প্রতি ॥ 13 ॥
পুন্নাম্নো নরকাদ্ যস্মাত্ পিতরং ত্রাযতে সুতঃ ।
তস্মাত্ পুত্র ইতি প্রোক্তঃ পিতৄন্ যঃ পাতি সর্বতঃ ॥ 14 ॥
এষ্টব্য়া বহবঃ পুত্রা গুণবংতো বহুশ্রুতাঃ ।
তেষাং বৈ সমবেতানামপি কশ্চিদ্গয়াং ব্রজেত্ ॥ 15 ॥
এবং রাজর্ষয় স্সর্বে প্রতীতা রাজনংদন ।
তস্মাত্রাহি নরশ্রেষ্ঠ পিতরং নরকাত্প্রভো ॥ 16 ॥
অয়োধ্য়াং গচ্ছ ভরত প্রকৃতীরনুরংজয় ।
শত্রুঘ্নসহিতো বীর সহ সর্বৈর্দ্বিজাতিভিঃ ॥ 17 ॥
প্রবেক্ষ্য়ে দংডকারণ্যমহমপ্যবিলংবযন্ ।
আভ্য়াংতু সহিতো রাজন্ বৈদেহ্য়া লক্ষ্মণেন চ ॥ 18 ॥
ত্বং রাজা ভরত ভব স্বয়ং নরাণাং বন্য়ানামহমপি রাজরাণ্মৃগাণাম্ ।
গচ্ছ ত্বং পুরবরমদ্য় সংপ্রহৃষ্টস্সংহৃষ্টস্ত্বহমপি দংডকান্প্রবেক্ষ্য়ে ॥ 19 ॥
ছায়াং তে দিনকরভাঃ প্রবাধমানাং বর্ষত্রং ভরত করোতু মূর্ধ্নি শীতাম্ ।
এতেষামহমপি কাননদ্রুমাণাং ছায়াং তামতিশয়িনীং সুখী শ্রয়িষ্য়ে ॥ 20 ॥
শত্রুঘ্নঃ কুশলমতিস্তু তে সহাযস্সৌমিত্রির্মম বিদিতঃ প্রধানমিত্রম্ ।
চত্বারস্তনযবরা বয়ং নরেংদ্রং সত্যস্থং ভরত চরাম মা বিষীদ ॥ 21 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে সপ্তাধিকশততমস্সর্গঃ ॥
