ശ്രീമദ്വാല്മീകീയ രാമായണേ അയോധ്യാകാംഡമ് ।
അഥ സപ്താധികശതതമസ്സര്ഗഃ ।
പുനരേവം ബ്രുവാണം തം ഭരതം ലക്ഷ്മണാഗ്രജഃ ।
പ്രത്യുവാച തത ശ്ശ്രീമാന് ജ്ഞാതിമധ്യേഽഭിസത്കൃതഃ ॥ 1 ॥
ഉപപന്നമിദം വാക്യം യത്ത്വമേവമഭാഷഥാഃ ।
ജാതഃ പുത്രോ ദശരഥാത്കൈകേയ്യാം രാജസത്തമാത് ॥ 2 ॥
പുരാ ഭ്രാതഃ പിതാ ന സ്സ മാതരം തേ സമുദ്വഹന് ।
മാതാമഹേ സമാശ്രൌഷീദ്രാജ്യശുല്കമനുത്തമമ് ॥ 3 ॥
ദൈവാസുരേ ച സംഗ്രാമേ ജനന്യൈ തവ പാര്ഥിവഃ ।
സംപ്രഹൃഷ്ടോ ദദൌ രാജാ വരമാരാധിതഃ പ്രഭുഃ ॥ 4 ॥
തതസ്സാ സംപ്രതിശ്രാവ്യ തവ മാതാ യശസ്വിനീ ।
അയാചത നരശ്രേഷ്ഠം ദ്വൌ വരൌ വരവര്ണിനീ ॥ 5 ॥
തവ രാജ്യം നരവ്യാഘ്ര മമ പ്രവ്രാജനം തഥാ ।
തൌ ച രാജാ തദാ തസ്യൈ നിയുക്തഃ പ്രദദൌ വരൌ ॥ 6 ॥
തതഃ സാ സംപ്രതിശ്രാവ്യ തവ മാതാ യശസ്വിനീ ।
അയാചത നരശ്രേഷ്ഠം ദ്വൌ വരൌ വരവര്ണിനീ ॥ 7 ॥
തവ രാജ്യം നരവ്യാഘ്ര മമ പ്രവ്രാജനം തഥാ ।
തച്ച രാജാ തദാ തസ്യൈ നിയുക്തഃ പ്രദദൌ വരൌ ॥ 8 ॥
തേന പിത്രാഽഹമപ്യത്ര നിയുക്തഃ പുരുഷര്ഷഭ ।
ചതുര്ദശ വനേ വാസം വര്ഷാണി വരദാനികമ് ॥ 9 ॥
സോഽഹം വനമിദം പ്രാപ്തോ നിര്ജനം ലക്ഷ്മണാന്വിതഃ ।
സീതയാ ചാപ്രതിദ്വംദ്വ സ്സത്യവാദേ സ്ഥിതഃ പിതുഃ ॥ 10 ॥
ഭവാനപി തഥേത്യേവ പിതരം സത്യവാദിനമ് ।
കര്തുമര്ഹതി രാജേംദ്ര ക്ഷിപ്രമേവാഭിഷേചനാത് ॥ 11 ॥
ഋണാന്മോചയ രാജാനം മത്കൃതേ ഭരത പ്രഭുമ് ।
പിതരം ചാപി ധര്മജ്ഞം മാതരം ചാഭിനംദയ ॥ 12 ॥
ശ്രൂയതേ ധീമതാ താത ശ്രുതിര്ഗീതാ യശസ്വിനാ ।
ഗയേന യജമാനേന ഗയേഷ്വേവ പിതൄന് പ്രതി ॥ 13 ॥
പുന്നാമ്നോ നരകാദ് യസ്മാത് പിതരം ത്രായതേ സുതഃ ।
തസ്മാത് പുത്ര ഇതി പ്രോക്തഃ പിതൄന് യഃ പാതി സർവതഃ ॥ 14 ॥
ഏഷ്ടവ്യാ ബഹവഃ പുത്രാ ഗുണവംതോ ബഹുശ്രുതാഃ ।
തേഷാം വൈ സമവേതാനാമപി കശ്ചിദ്ഗയാം വ്രജേത് ॥ 15 ॥
ഏവം രാജര്ഷയ സ്സർവേ പ്രതീതാ രാജനംദന ।
തസ്മാത്രാഹി നരശ്രേഷ്ഠ പിതരം നരകാത്പ്രഭോ ॥ 16 ॥
അയോധ്യാം ഗച്ഛ ഭരത പ്രകൃതീരനുരംജയ ।
ശത്രുഘ്നസഹിതോ വീര സഹ സർവൈര്ദ്വിജാതിഭിഃ ॥ 17 ॥
പ്രവേക്ഷ്യേ ദംഡകാരണ്യമഹമപ്യവിലംബയന് ।
ആഭ്യാംതു സഹിതോ രാജന് വൈദേഹ്യാ ലക്ഷ്മണേന ച ॥ 18 ॥
ത്വം രാജാ ഭരത ഭവ സ്വയം നരാണാം വന്യാനാമഹമപി രാജരാണ്മൃഗാണാമ് ।
ഗച്ഛ ത്വം പുരവരമദ്യ സംപ്രഹൃഷ്ടസ്സംഹൃഷ്ടസ്ത്വഹമപി ദംഡകാന്പ്രവേക്ഷ്യേ ॥ 19 ॥
ഛായാം തേ ദിനകരഭാഃ പ്രബാധമാനാം വര്ഷത്രം ഭരത കരോതു മൂര്ധ്നി ശീതാമ് ।
ഏതേഷാമഹമപി കാനനദ്രുമാണാം ഛായാം താമതിശയിനീം സുഖീ ശ്രയിഷ്യേ ॥ 20 ॥
ശത്രുഘ്നഃ കുശലമതിസ്തു തേ സഹായസ്സൌമിത്രിര്മമ വിദിതഃ പ്രധാനമിത്രമ് ।
ചത്വാരസ്തനയവരാ വയം നരേംദ്രം സത്യസ്ഥം ഭരത ചരാമ മാ വിഷീദ ॥ 21 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ അയോധ്യാകാംഡേ സപ്താധികശതതമസ്സര്ഗഃ ॥
