ශ්රීමද්වාල්මීකීය රාමායණේ අයෝධ්යාකාංඩම් ।
අථ ත්රයෝදශාධිකශතතමස්සර්ගඃ ।
තත ශ්ශිරසි කෘත්වා තු පාදුකේ භරතස්තදා ।
ආරුරෝහ රථං හෘෂ්ටඃ ශත්රුඝ්නේන සමන්විතඃ ॥ 1 ॥
වසිෂ්ඨෝ වාමදේවශ්ච ජාබාලිශ්ච දෘඪව්රතඃ ।
අග්රතඃ ප්රයයු ස්සර්වේ මංත්රිණෝ මංත්රපූජිතාඃ ॥ 2 ॥
මංදාකිනීං නදීං රම්යාං ප්රාඞ්මුඛාස්තේ යයුස්තදා ।
ප්රදක්ෂිණං ච කුර්වාණාශ්චිත්රකූටං මහාගිරිම් ॥ 3 ॥
පශ්යංධාතුසහස්රාණි රම්යාණි විවිධානි ච ।
ප්රයයෞ තස්ය පාර්ශ්වේන සසෛන්යෝ භරතස්තදා ॥ 4 ॥
අදූරාච්චිත්රකූටස්ය දදර්ශ භරතස්තදා ।
ආශ්රමං යත්ර ස මුනිර්භරද්වාජඃ කෘතාලයඃ ॥ 5 ॥
ස තමාශ්රමමාගම්ය භරද්වාජස්ය බුද්ධිමාන් ।
අවතීර්ය රථාත්පාදෞ වවංදේ භරතස්තදා ॥ 6 ॥
තතෝ හෘෂ්ටෝ භරද්වාජෝ භරතං වාක්යමබ්රවීත් ।
අපි කෘත්යං කෘතං තාත රාමේණ ච සමාගතම් ॥ 7 ॥
ඒවමුක්ත ස්ස තු තතෝ භරද්වාජේන ධීමතා ।
ප්රත්යුවාච භරද්වාජං භරතෝ ධර්මවත්සලඃ ॥ 8 ॥
ස යාච්යමානෝ ගුරුණා මයා ච දෘඪවික්රමඃ ।
රාඝවඃ පරමප්රීතෝ වසිෂ්ඨං වාක්යමබ්රවීත් ॥ 9 ॥
පිතුඃ ප්රතිජ්ඤාං තාමේව පාලයිෂ්යාමි තත්ත්වතඃ ।
චතුර්දශ හි වර්ෂාණි යා ප්රතිජ්ඤා පිතුර්මම ॥ 10 ॥
ඒවමුක්තෝ මහාප්රාජ්ඤෝ වසිෂ්ඨඃ ප්රත්යුවාච හ ।
වාක්යජ්ඤෝ වාක්යකුශලං රාඝවං වචනං මහත් ॥ 11 ॥
ඒතේ ප්රයච්ඡ සංහෘෂ්ටඃ පාදුකේ හේමභූෂිතේ ।
අයෝධ්යායාං මහාප්රාජ්ඤ යෝගක්ෂේමකරේ තව ॥ 12 ॥
ඒවමුක්තෝ වසිෂ්ඨේන රාඝවඃ ප්රාඞ්මුඛඃ ස්ථිතඃ ।
පාදුකේ හ්යධිරුහ්යෛතේ මම රාජ්යාය වෛ දදෞ ॥ 13 ॥
නිවෘත්තෝऽහමනුජ්ඤාතෝ රාමේණ සුමහාත්මනා ।
අයෝධ්යාමේව ගච්ඡාමි ගෘහීත්වා පාදුකේ ශුභේ ॥ 14 ॥
ඒතච්ඡ්රුත්වා ශුභං වාක්යං භරතස්ය මහාත්මනඃ ।
භරද්වාජශ්ශුභතරං මුනිර්වාක්යමුවාච තම් ॥ 15 ॥
නෛතච්චිත්රං නරව්යාඝ්ර ශීලවෘත්තවතාං වර ।
යදාර්යං ත්වයි තිෂ්ඨේත්තු නිම්නේ සෘෂ්ටමිවෝදකම් ॥ 16 ॥
අමෘත ස්සමහාබාහුඃ පිතා දශරථස්තව ।
යස්ය ත්වමීදෘශඃ පුත්රෝ ධර්මජ්ඤෝ ධර්මවත්සලඃ ॥ 17 ॥
තමෘෂිං තු මහාත්මානමුක්තවාක්යං කෘතාංජලිඃ ।
ආමංත්රයිතුමාරේභේ චරණාවුපගෘහ්ය ච ॥ 18 ॥
තතඃ ප්රදක්ෂිණං කෘත්වා භරද්වාජං පුනඃ පුනඃ ।
භරතස්තු යයෞ ශ්රීමානයෝධ්යාං සහ මංත්රිභිඃ ॥ 19 ॥
යානෛශ්ච ශකටෛශ්චෛව හයෛර්නාගෛශ්ච සා චමූඃ ।
පුනර්නිවෘත්තා විස්තීර්ණා භරතස්යානුයායිනී ॥ 20 ॥
තතස්තේ යමුනාං දිව්යාං නදීං තීර්ත්වෝර්මිමාලිනීම් ।
දදෘශුස්තාං පුන ස්සර්වේ ගංගාං ශුභජලාං නදීම් ॥ 21 ॥
තාං රම්යජලසංපූර්ණාං සංතීර්ය සහබාංධවඃ ශෘංගිබේරපුරං රම්යං ප්රවිවේශ සසෛනිකඃ ।
ශෘංගිබේරපුරාද්භූය ස්ත්වයෝධ්යාං සංදදර්ශ හ ॥ 22 ॥
අයෝධ්යාං ච තතෝ දෘෂ්ට්වා පිත්රා භ්රාත්රා විවර්ජිතාම් ।
භරතෝ දුඃඛ සංතප්ත ස්සාරථිං චේදමබ්රවීත් ॥ 23 ॥
සාරථේ පශ්ය විධ්වස්තා සාऽයෝධ්යා න ප්රකාශතේ ।
නිරාකාරා නිරානංදා දීනා ප්රතිහතස්වරා ॥ 24 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ අයෝධ්යාකාංඩේ ත්රයෝදශාධිකශතතමස්සර්ගඃ ॥
