শ্রীমদ্বাল্মীকীয় রামাযণে অয়োধ্য়াকাংডম্ ।
অথ সপ্তদশস্সর্গঃ ।
স রামো রথমাস্থায় সংপ্রহৃষ্টসুহৃজ্জনঃ ।
পতাকাধ্বজসংপন্নং মহার্হাগরুধূপিতম্ ॥ 1 ॥
অপশ্যন্নগরং শ্রীমান্নানাজনসমাকুলম্ ।
স গৃহৈরভ্রসংকাশৈঃ পাংডুরৈরুপশোভিতম্ ॥ 2 ॥
রাজমার্গং যয়ৌ রামো মধ্য়েনাগরুধূপিতম্ ।
চংদনানাং চ মুখ্য়ানামগরূণাং চ সংচয়ৈঃ ॥ 3 ॥
উত্তমানাং চ গংধানাং ক্ষৌমকোশাংবরস্য় চ ।
অবিদ্ধাভিশ্চ মুক্তাভিরুত্তমৈস্স্ফাটিকৈরপি ॥ 4 ॥
শোভমানমসংবাধৈস্তং রাজপথমুত্তমম্ ।
সংবৃতং বিবিধৈঃপুষ্পৈর্ভক্ষ্য়ৈরুচ্চাবচৈরপি ॥ 5 ॥
দদর্শ তং রাজপথং দিবি দেবপথং যথা ।
দধ্যক্ষতহবির্লাজৈর্ধূপৈরগরুচংদনৈঃ ॥ 6 ॥
নানামাল্য়োপগংধৈশ্চ সদাঽভ্যর্চিতচত্বরম্ ।
অশীর্বাদান্বহূন্ শৃণ্বন্সুহৃদ্ভিস্সমুদীরিতান্ ॥ 7 ॥
যথার্হং চাপি সংপূজ্য় সর্বানেব নরান্যয়ৌ ।
পিতামহৈরাচরিতং তথৈব প্রপিতামহৈঃ ॥ 8 ॥
অদ্য়োপাদায় তং মার্গমভিষিক্তোঽনুপালয় ।
যথাস্ম পোষিতাঃ পিত্রা যথা সর্বৈঃ পিতামহৈঃ ॥ 9 ॥
ততস্সুখতরং রামে বত্স্য়ামস্সতি রাজনি ।
অলমদ্য় হি ভুক্তেন পরমার্থৈরলং চ নঃ ॥ 10 ॥
যদি পশ্য়াম নির্য়াংতং রামং রাজ্য়ে প্রতিষ্ঠিতম্ ।
অতো হি নঃ প্রিযতরং নান্যত্কিংচিদ্ভবিষ্যতি ॥ 11 ॥
যথাঽভিষেকো রামস্য় রাজ্য়েনামিততেজসঃ ।
এতাশ্চান্য়াশ্চ সুহৃদামুদাসীনঃ কথাশ্শুভাঃ ॥ 12 ॥
আত্মসংপূজনীশ্শৃণ্বন্যয়ৌ রামো মহাপথম্ ।
ন হি তস্মান্মনঃ কশ্চিচ্চক্ষুষী বা নরোত্তমাত্ ॥ 13 ॥
নর শ্শক্নোত্যপাক্রষ্টুমতিক্রাংতেঽপি রাঘবে ।
যশ্চ রামং ন পশ্য়েত্তু যং চ রামো ন পশ্যতি ॥ 14 ॥
নিংদিত স্সর্বল্লোকেষু স্বাত্মাঽপ্য়েনং বিগর্হতে ।
সর্বেষু হি স ধর্মাত্মা বর্ণানাং কুরুতে দয়াম্ ॥ 15 ॥
চতুর্ণাং হি বয়ঃ স্থানাং তেন তে তমনুব্রতাঃ ।
চতুষ্পথাংদেবপথাংশ্চৈত্য়ান্য়াযতনানি চ ॥ 16 ॥
প্রদক্ষিণং পরিহরন্ জগাম নৃপতে স্সুতঃ ।
স রাজকুলমাসাদ্য় মেঘসংঘোপমৈ শ্শুভৈঃ ॥ 17 ॥
প্রাসাদশৃংগৈর্বিবিধৈঃকৈলাস শিখরোপমৈঃ ।
আবারযদ্ভির্গগনং বিমানৈরিব পাংডুরৈঃ ॥ 18 ॥
বর্ধমানগৃহৈশ্চাপি রত্নজালপরিষ্কৃতৈঃ ।
তত্পৃথিব্য়াং গৃহবরং মহেংদ্রসদনোপমম্ ॥ 19 ॥
রাজপুত্রঃ পিতুর্বেশ্ম প্রবিবেশ শ্রিয়া জ্বলন্ ।
স কক্ষ্য়া ধন্বিভির্গুপ্তাস্তিস্রোঽতিক্রম্য় বাজিভিঃ ॥ 20 ॥
পদাতিরপরে কক্ষ্য়ে দ্বে জগাম নরোত্তমঃ ।
স সর্বা স্সমতিক্রম্য় কক্ষ্য়া দশরথাত্মজঃ ।
সন্নিবর্ত্য় জনং সর্বং শুদ্ধাংতঃ পুরমভ্যগাত্ ॥ 21 ॥
তস্মিন্ প্রবিষ্টে পিতুরংতিকং তদা জন স্স সর্বো মুদিতো নৃপাত্মজে ।
প্রতীক্ষতে তস্য় পুনঃ স্ম নির্গমং যথোদয়ং চংদ্রমসস্সরিত্পতিঃ ॥ 22 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে সপ্তদশস্সর্গঃ ॥
