শ্রীমদ্বাল্মীকীয় রামাযণে অয়োধ্য়াকাংডম্ ।
অথ দ্বিতীযস্সর্গঃ ।
ততঃ পরিষদং সর্বামামংত্র্য় বসুধাধিপঃ ।
হিতমুদ্ধর্ষণং চৈবমুবাচ প্রথিতং বচঃ ॥ 1 ॥
দুংদুভিস্বনকল্পেন গংভীরেণানুনাদিনা ।
স্বরেণ মহতা রাজা জীমূত ইব নাদযন্ ॥ 2 ॥
রাজলক্ষণয়ুক্তেন কাংতেনানুপমেন চ ।
উবাচ রসয়ুক্তেন স্বরেণ নৃপতির্নৃপান্ ॥ 3 ॥
বিদিতং ভবতামেতদ্যথা মে রাজ্যমুত্তমম্ ।
পূর্বকৈর্মম রাজেংদ্রৈস্সুতবত্পরিপালিতম্ ॥ 4 ॥
সোঽহমিক্ষ্বাকুভি স্সর্বৈর্নরেংদ্রৈঃ পরিপালিতম্ ।
শ্রেযসা যোক্তুকামোঽস্মি সুখার্হমখিলং জগত্ ॥ 5 ॥
ময়াপ্য়াচরিতং পূর্বৈঃ পংথানমনুগচ্ছতা ।
প্রজা নিত্যমনিদ্রেণ যথাশক্ত্যভিরক্ষিতাঃ ॥ 6 ॥
ইদং শরীরং কৃত্স্নস্য় লোকস্য় চরতা হিতম্ ।
পাংডুরস্য়াঽতপত্রস্যচ্ছায়ায়াং জরিতং ময়া ॥ 7 ॥
প্রাপ্য় বর্ষসহস্রাণি বহূন্য়ায়ূংষি জীবতঃ ।
জীর্ণস্য়াস্য় শরীরস্য় বিশ্রাংতিমভিরোচয়ে ॥ 8 ॥
রাজপ্রভাবজুষ্টাং হি দুর্বহামজিতেংদ্রিয়ৈঃ ।
পরিশ্রাংতোঽস্মি লোকস্য় গুর্বীং ধর্মধুরং বহন্ ॥ 9 ॥
সোঽহং বিশ্রমমিচ্ছামি পুত্রং কৃত্বা প্রজাহিতে ।
সন্নিকৃষ্টানিমান্সর্বাননুমান্য় দ্বিজর্ষভান্ ॥ 10 ॥
অনুজাতো হি মাং সর্বৈর্গুণৈর্জ্য়েষ্ঠো মমাত্মজঃ ।
পুরংদরসমো বীর্য়ে রামঃ পরপুরংজয়ঃ ॥ 11 ॥
তং চংদ্রমিব পুষ্য়েণ যুক্তং ধর্মভৃতাং বরম্ ।
যৌবরাজ্য়ে নিয়োক্তাঽস্মি প্রীতঃ পুরুষপুংগবম্ ॥ 12 ॥
অনুরূপস্স বৈ নাথো লক্ষ্মীবান্ লক্ষ্মণাগ্রজঃ ।
ত্রৈলোক্যমপি নাথেন যেন স্য়ান্নাথবত্তরম্ ॥ 13 ॥
অনেন শ্রেযসা সদ্যস্সংয়োজ্য়ৈবমিমাং মহীম্ ।
গতক্লেশো ভবিষ্য়ামি সুতে তস্মিন্নিবেশ্য় বৈ ॥ 14 ॥
যদিদং মেঽনুরূপার্থং ময়া সাধু সুমংত্রিতম্ ।
ভবংতো মেঽনুমন্য়ংতাং কথং বা করবাণ্যহম্ ॥ 15 ॥
যদ্যপ্য়েষা মম প্রীতির্হিতমন্যদ্বিচিংত্যতাম্ ।
অন্য়া মধ্যস্থচিংতা হি বিমর্দাভ্যধিকোদয়া ॥ 16 ॥
ইতি ব্রুবংতং মুদিতাঃ প্রত্যনংদন্নৃপা নৃপম্ ।
বৃষ্টিমংতং মহামেঘং নর্দংত ইব বর্হিণঃ ॥ 17 ॥
স্নিগ্ধোঽনুনাদী সংজজ্ঞে তত্র হর্ষসমীরিতঃ ।
জনৌঘোদ্ঘুষ্টসন্নাদো বিমানং কংপযন্নিব ॥ 18 ॥
তস্য় ধর্মার্থবিদুষো ভাবমাজ্ঞায় সর্বশঃ ।
ব্রাহ্মণা জনমুখ্য়াশ্চ পৌরজানপদৈ স্সহ ॥ 19 ॥
সমেত্য় মংত্রয়িত্বা তু সমতাগতবুদ্ধয়ঃ ।
ঊচুশ্চ মনসা জ্ঞাত্বা বৃদ্ধং দশরথং নৃপম্ ॥ 20 ॥
অনেকবর্ষসাহস্রো বৃদ্ধস্ত্বমসি পার্থিব ।
স রামং যুবরাজানমভিষিংচিস্ব পার্থিবম্ ॥ 21 ॥
ইচ্ছামো হি মহাবাহুং রঘুবীরং মহাবলম্ ।
গজেন মহতাঽয়াংতং রামং ছত্রাবৃতাননম্ ॥ 22 ॥
ইতি তদ্বচনং শ্রুত্বা রাজা তেষাং মনঃপ্রিযম্ ।
অজানন্নিব জিজ্ঞাসুরিদং বচনমব্রবীত্ ॥ 23 ॥
শ্রুত্বৈব বচনং যন্মে রাঘবং পতিমিচ্ছথ ।
রাজান স্সংশয়োঽয়ং মে কিমিদং ব্রূত তত্ত্বতঃ ॥ 24 ॥
কথং নু ময়ি ধর্মেণ পৃথিবীমনুশাসতি ।
ভবংতো দ্রষ্টুমিচ্ছংতি যুবরাজং মমাত্মজম্ ॥ 25 ॥
তে তমূচুর্মহাত্মানং পৌরজানপদৈস্সহ ।
বহবো নৃপ কল্য়াণা গুণাঃ পুত্রস্য় সংতি তে ॥ 26 ॥
গুণান্ গুণবতো দেব দেবকল্পস্য় ধীমতঃ ।
প্রিয়ানানংদনান্কৃত্স্নান্প্রবক্ষ্য়ামোঽদ্য় তান্ শৃণু ॥ 27 ॥
দিব্য়ৈর্গুণৈশ্শক্রসমো রামস্সত্যপরাক্রমঃ ।
ইক্ষ্বাকুভ্য়োঽপি সর্বেভ্য়ো হ্যতিরিক্তো বিশাংপতে ॥ 28 ॥
রাম স্সত্পুরুষো লোকে সত্যধর্মপরাযণঃ ।
সাক্ষাদ্রামাদ্বিনির্বৃত্তো ধর্মশ্চাপি শ্রিয়া সহ ॥ 29 ॥
প্রজাসুখত্ত্বে চংদ্রস্য় বসুধায়াঃ ক্ষমাগুণৈঃ ।
বুদ্ধ্য়া বৃহস্পতেস্তুল্য়ো বীর্য়ে সাক্ষাচ্ছচীপতেঃ ॥ 30 ॥
ধর্মজ্ঞঃ সত্যসংধশ্চ শীলবাননসূযকঃ ।
ক্ষাংতঃ সাংত্বয়িতা শ্লক্ষ্ণঃ কৃতজ্ঞো বিজিতেংদ্রিয়ঃ ॥ 31 ॥
মৃদুশ্চ স্থিরচিত্তশ্চ সদা ভব্য়োঽনসূযকঃ ।
প্রিযবাদী চ ভূতানাং সত্যবাদী চ রাঘবঃ ॥ 32 ॥
বহুশ্রুতানাং বৃদ্ধানাং ব্রাহ্মণানামুপাসিতা ।
তেনাস্য়েহাঽতুলা কীর্তির্যশস্তেজশ্চ বর্ধতে ॥ 33 ॥
দেবাসুরমনুষ্য়াণাং সর্বাস্ত্রেষু বিশারদঃ ।
সম্যগ্বিদ্য়াব্রতস্নাতো যথাবত্সাংগবেদবিত্ ॥ 34 ॥
গাংধর্বে চ ভুবি শ্রেষ্ঠো বভূব ভরতাগ্রজঃ ।
কল্য়াণাভিজন স্সাধুরদীনাত্মা মহামতিঃ ॥ 35 ॥
দ্বিজৈরভিবিনীতশ্চ শ্রেষ্ঠৈর্ধর্মার্থনৈপুণৈঃ ।
যদা ব্রজতি সংগ্রামং গ্রামার্থে নগরস্য় বা ॥ 36 ॥
গত্বা সৌমিত্রিসহিতো নাঽবিজিত্য় নিবর্ততে ।
সংগ্রামাত্পুনরাগম্য় কুংজরেণ রথেন বা ॥ 37 ॥
পৌরান্ স্বজনবন্নিত্য়ং কুশলং পরিপৃচ্ছতি ।
পুত্রেষ্বগ্নিষু দারেষু প্রেষ্যশিষ্যগণেষু চ ॥ 38 ॥
নিখিলেনানুপূর্ব্য়াচ্চ পিতাপুত্রানিবৌরসান্ ।
শুশ্রূষংতে চ ব শ্শিষ্য়াঃ কচ্চিত্কর্মসু দংশিতাঃ ॥ 39 ॥
ইতি নঃ পুরুষব্য়াঘ্র স্সদা রামোঽভিভাষতে ।
ব্যসনেষু মনুষ্য়াণাং ভৃশং ভবতি দুঃখিতঃ ॥ 40 ॥
উত্সবেষু চ সর্বেষু পিতেব পরিতুষ্যতি ।
সত্যবাদী মহেষ্বাসো বৃদ্ধসেবী জিতেংদ্রিয়ঃ ॥ 41 ॥
স্মিতপূর্বাভিভাষী চ ধর্মং সর্বাত্মনা শ্রিতঃ ।
সম্যগ্য়োক্তা শ্রেযসাং চ ন বিগৃহ্য় কথারুচিঃ ॥ 42 ॥
উত্তরোত্তরয়ুক্তৌ চ বক্তা বাচস্পতির্যথা ।
সুভ্রূঃ আযততাম্রাক্ষঃ সাক্ষাদ্বিষ্ণুরিব স্বযম্ ॥ 43 ॥
রামো লোকাভিরামোঽয়ং শৌর্যবীর্যপরাক্রমৈঃ ।
প্রজাপালনতত্ত্বজ্ঞো ন রাগোপহতেংদ্রিয়ঃ ॥ 44 ॥
শক্তস্ত্রৈলোক্যমপ্য়েকো ভোক্তুং কিন্নু মহীমিমাম্ ।
নাস্য় ক্রোধঃ প্রসাদশ্চ নিরর্থোঽস্তি কদাচন ॥ 45 ॥
হংত্য়েব নিযমাদ্বধ্য়ানবধ্য়ে ন চ কুপ্যতি ।
যুনক্ত্যর্থৈঃ প্রহৃষ্টশ্চ তমসৌ যত্র তুষ্যতি ॥ 46 ॥
শাংতৈ স্সর্বপ্রজাকাংতৈঃ প্রীতিসংজননৈর্নৃণাম্ ।
গুণৈর্বিরুরুচে রামো দীপ্ত স্সূর্য় ইবাংশুভিঃ ॥ 47 ॥
তমেবংগুণসংপন্নং রামং সত্যপরাক্রমম্ ।
লোকপালোপমং নাথমকামযত মেদিনী ॥ 48 ॥
বত্সশ্শ্রেযসি জাতস্তে দিষ্ট্য়াঽসৌ তব রাঘব ।
দিষ্ট্য়া পুত্রগুণৈর্য়ুক্তো মারীচ ইব কাশ্যপঃ ॥ 49 ॥
বলমারোগ্যমায়ুশ্চ রামস্য় বিদিতাত্মনঃ ।
দেবাসুরমনুষ্য়েষু সগংধর্বোরগেষু চ ॥ 50 ॥
আশংসতে জনস্সর্বো রাষ্ট্রে পুরবরে তথা ।
আভ্য়ংতরশ্চ বাহ্যশ্চ পৌরজানপদো জনঃ ॥ 51 ॥
স্ত্রিয়ো বৃদ্ধাস্তরুণ্যশ্চ সায়ং প্রাতস্সমাহিতাঃ ।
সর্বান্ দেবান্ নমস্য়ংতি রামস্য়ার্থে যশস্বিনঃ ॥ 52 ॥
তেষামায়াচিতং দেব ত্বত্প্রসাদাত্সমৃদ্ধ্যতাম্ ।
রামমিংদীবরশ্য়ামং সর্বশত্রুনিবর্হণম্ ॥ 53 ॥
পশ্য়ামো যৌবরাজ্যস্থং তব রাজোত্তমাত্মজম্ ।
তং দেব দেবোপমমাত্মজং তে সর্বস্য় লোকস্য় হিতে নিবিষ্টম্ ।
হিতায় নঃ ক্ষিপ্রমুদারজুষ্টং মুদাঽভষেক্তুং বরদ ত্বমর্হসি ॥ 54 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে দ্বিতীযস্সর্গঃ ॥
