শ্রীমদ্বাল্মীকীয় রামাযণে অয়োধ্য়াকাংডম্ ।
অথ দ্বাবিংশস্সর্গঃ ।
অথ তং ব্যথয়া দীনং সবিশেষমমর্ষিতম্ ।
শ্বসংতমিব নাগেংদ্রং রোষবিস্ফারিতেক্ষণম্ ॥ 1 ॥
আসাদ্য় রামস্সৌমিত্রিং সুহৃদং ভ্রাতরং প্রিযম্ ।
উবাচেদং স ধৈর্য়েণ ধারযন্সত্ত্বমাত্মবান্ ॥ 2 ॥
অথ তং ব্যথয়া দীনং সবিশেষমমর্ষিতম্ ।
শ্বসংতমিব নাগেংদ্রং রোষবিস্ফারিতেক্ষণম্ ॥ 3 ॥
আসাদ্য় রামস্সৌমিত্রিং সুহৃদং ভ্রাতরং প্রিযম্ ।
উবাচেদং স ধৈর্য়েণ ধারযন্সত্ত্বমাত্মবান্ ॥ 4 ॥
নিগৃহ্য় রোষং শোকং চ ধৈর্যমাশ্রিত্য় কেবলম্ ।
অবমানং নিরস্য়েমং গৃহীত্বা হর্ষমুত্তমম্ ॥ 5 ॥
উপক্লৃপ্তং হি যত্কিংচিদভিষেকার্থমদ্য় মে সর্বং বিসর্জয় ক্ষিপ্রং কুরু কার্য়ং নিরত্যযম্ ॥ 6 ॥
সৌমিত্রে যোঽভিষেকার্থে মম সংভার সংভ্রমঃ ।
অভিষেকনিবৃত্ত্যর্থে সোঽস্তু সংভারসংভ্রমঃ ॥ 7 ॥
যস্য়া মদভিষেকার্থে মানসং পরিতপ্যতে ।
মাতা মে সা যথা ন স্য়াত্সবিশংকা তথা কুরু ॥ 8 ॥
তস্য়াশ্শংকাময়ং দুঃখং মুহূর্তমপি নোত্সহে ।
মনসি প্রতিসংজাতং সৌমিত্রেঽহমুপেক্ষিতুম্ ॥ 9 ॥
ন বুদ্ধিপূর্বং নাবুদ্ধং স্মরামীহ কদাচন ।
মাতৃণাং বা পিতুর্বাঽহং কৃতমল্পং চ বিপ্রিযম্ ॥ 10 ॥
সত্যস্সত্য়াভিসংধশ্চ নিত্য়ং সত্যপরাক্রমঃ ।
পরলোকভয়াদ্ভীতো নির্ভয়োঽস্তু পিতা মম ॥ 11 ॥
তস্য়াঽপি হি ভবেদস্মিন্কর্মণ্যপ্রতিসংহৃতে ।
সত্য়ং নেতি মনস্তাপস্তস্য় তাপস্তপেচ্চ মাম্ ॥ 12 ॥
অভিষেকবিধানং তু তস্মাত্সংহৃত্য় লক্ষ্মণ ।
অন্বগেবাহমিচ্ছামি বনং গংতুমিতঃপুনঃ ॥ 13 ॥
মম প্রব্রাজনাদদ্য় কৃতকৃত্য়া নৃপাত্মজা ।
সুতং ভরতমব্যগ্রমভিষেচয়িতা ততঃ ॥ 14 ॥
ময়ি চীরাজিনধরে জটামংডলধারিণি ।
গতেঽরণ্য়ং চ কৈকেয়্য়া ভবিষ্যতি মনস্সুখম্ ॥ 15 ॥
বুদ্ধিঃ প্রণীতা যেনেয়ং মনশ্চ সুসমাহিতম্ ।
তং তু নার্হামি সংক্লেষ্টুং প্রব্রজিষ্য়ামি মা চিরম্ ॥ 16 ॥
কৃতাংতস্ত্বেব সৌমিত্রে দ্রষ্টব্য়ো মত্প্রবাসনে ।
রাজ্যস্য় চ বিতীর্ণস্য় পুনরেব নিবর্তনে ॥ 17 ॥
কৈকেয়্য়াঃ প্রতিপত্তির্হি কথং স্য়ান্মম পীডনে ।
যদি ভাবো ন দৈবোঽয়ং কৃতাংতবিহিতো ভবেত্ ॥ 18 ॥
জানাসি হি যথা সৌম্য় ন মাতৃষু মমাংতরম্ ।
ভূতপূর্বং বিশেষো বা তস্য়া ময়ি সুতেঽপি বা ॥ 19 ॥
সোঽভিষেকনিবৃত্ত্যর্থৈপ্রবাসার্থৈশ্চ দুর্বচৈঃ ।
উগ্রৈর্বাক্য়ৈরহং তস্য়া নান্যদ্দৈবাত্সমর্থয়ে ॥ 20 ॥
কথং প্রকৃতিসংপন্না রাজপুত্রী তথাগুণা ।
ব্রূয়াত্সা প্রাকৃতেব স্ত্রী মত্পীডাং ভর্তৃসন্নিধৌ ॥ 21 ॥
যদচিংত্য়ংতু তদ্দৈবং ভূতেষ্বপি ন বিহন্যতে ।
ব্যক্তং ময়ি চ তস্য়াং চ পতিতো হি বিপর্যয়ঃ ॥ 22 ॥
কশ্চিদ্দৈবেন সৌমিত্রে যোদ্ধুমুত্সহতে পুমান্ ।
যস্য় ন গ্রহণং কিংচিত্কর্মণোঽন্যত্র দৃশ্যতে ॥ 23 ॥
সুখদুঃখে ভযক্রোধৌ লাভালাভৌ ভবাভবৌ ।
যচ্চ কিংচিত্তথাভূতং ননু দৈবস্য় কর্ম তত্ ॥ 24 ॥
ঋষয়োঽপ্য়ুগ্রতপসো দৈবেনাভিপ্রপীডিতাঃ ।
উত্সৃজ্য় নিযমাংস্তীব্রান্ভ্রশ্য়ংতে কামমন্য়ুভিঃ ॥ 25 ॥
অসংকল্পিতমেবেহ যদকস্মাত্প্রবর্ততে ।
নিবর্ত্য়ারংভমারব্ধং ননু দৈবস্য় কর্ম তত্ ॥ 26 ॥
এতয়া তত্ত্বয়া বুদ্ধ্য়া সংস্তভ্য়াত্মানমাত্মনা ।
ব্য়াহতেঽপ্যভিষেকে মে পরিতাপো ন বিদ্যতে ॥ 27 ॥
তস্মাদপরিতাপস্সংস্ত্বমপ্যনুবিধায় মাম্ ।
প্রতিসংহারয় ক্ষিপ্রমাভিষেচনিকীং ক্রিয়াম্ ॥ 28 ॥
এভিরেব ঘটৈ স্সর্বৈরভিষেচনসংভৃতৈঃ ।
মম লক্ষ্মণ তাপস্য়ে ব্রতস্নানং ভবিষ্যতি ॥ 29 ॥
অথবা কিং মমৈতেন রাজদ্রব্যময়েন তু ।
উদ্ধৃতং মে স্বয়ং তোয়ং ব্রতাদেশং করিষ্যতি ॥ 30 ॥
মা চ লক্ষ্মণ সংতাপং কার্ষীর্লক্ষ্ম্য়া বিপর্যয়ে ।
রাজ্য়ং বা বনবাসো বা বনবাসো মহোদয়ঃ ॥ 31 ॥
ন লক্ষ্মণাস্মিন্খলু কর্মবিঘ্নে মাতা যবীযস্যতিশংকনীয়া ।
দৈবাভিপন্না হি বদত্যনিষ্টং জানাসি দৈবং চ তথা প্রভাবম্ ॥ 32 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে দ্বাবিংশস্সর্গঃ ॥
