ශ්රීමද්වාල්මීකීය රාමායණේ අයෝධ්යාකාංඩම් ।
අථ ද්වාවිංශස්සර්ගඃ ।
අථ තං ව්යථයා දීනං සවිශේෂමමර්ෂිතම් ।
ශ්වසංතමිව නාගේංද්රං රෝෂවිස්ඵාරිතේක්ෂණම් ॥ 1 ॥
ආසාද්ය රාමස්සෞමිත්රිං සුහෘදං භ්රාතරං ප්රියම් ।
උවාචේදං ස ධෛර්යේණ ධාරයන්සත්ත්වමාත්මවාන් ॥ 2 ॥
අථ තං ව්යථයා දීනං සවිශේෂමමර්ෂිතම් ।
ශ්වසංතමිව නාගේංද්රං රෝෂවිස්ඵාරිතේක්ෂණම් ॥ 3 ॥
ආසාද්ය රාමස්සෞමිත්රිං සුහෘදං භ්රාතරං ප්රියම් ।
උවාචේදං ස ධෛර්යේණ ධාරයන්සත්ත්වමාත්මවාන් ॥ 4 ॥
නිගෘහ්ය රෝෂං ශෝකං ච ධෛර්යමාශ්රිත්ය කේවලම් ।
අවමානං නිරස්යේමං ගෘහීත්වා හර්ෂමුත්තමම් ॥ 5 ॥
උපක්ලෘප්තං හි යත්කිංචිදභිෂේකාර්ථමද්ය මේ සර්වං විසර්ජය ක්ෂිප්රං කුරු කාර්යං නිරත්යයම් ॥ 6 ॥
සෞමිත්රේ යෝऽභිෂේකාර්ථේ මම සංභාර සංභ්රමඃ ।
අභිෂේකනිවෘත්ත්යර්ථේ සෝऽස්තු සංභාරසංභ්රමඃ ॥ 7 ॥
යස්යා මදභිෂේකාර්ථේ මානසං පරිතප්යතේ ।
මාතා මේ සා යථා න ස්යාත්සවිශංකා තථා කුරු ॥ 8 ॥
තස්යාශ්ශංකාමයං දුඃඛං මුහූර්තමපි නෝත්සහේ ।
මනසි ප්රතිසංජාතං සෞමිත්රේऽහමුපේක්ෂිතුම් ॥ 9 ॥
න බුද්ධිපූර්වං නාබුද්ධං ස්මරාමීහ කදාචන ।
මාතෘණාං වා පිතුර්වාऽහං කෘතමල්පං ච විප්රියම් ॥ 10 ॥
සත්යස්සත්යාභිසංධශ්ච නිත්යං සත්යපරාක්රමඃ ।
පරලෝකභයාද්භීතෝ නිර්භයෝऽස්තු පිතා මම ॥ 11 ॥
තස්යාऽපි හි භවේදස්මින්කර්මණ්යප්රතිසංහෘතේ ।
සත්යං නේති මනස්තාපස්තස්ය තාපස්තපේච්ච මාම් ॥ 12 ॥
අභිෂේකවිධානං තු තස්මාත්සංහෘත්ය ලක්ෂ්මණ ।
අන්වගේවාහමිච්ඡාමි වනං ගංතුමිතඃපුනඃ ॥ 13 ॥
මම ප්රව්රාජනාදද්ය කෘතකෘත්යා නෘපාත්මජා ।
සුතං භරතමව්යග්රමභිෂේචයිතා තතඃ ॥ 14 ॥
මයි චීරාජිනධරේ ජටාමංඩලධාරිණි ।
ගතේऽරණ්යං ච කෛකේය්යා භවිෂ්යති මනස්සුඛම් ॥ 15 ॥
බුද්ධිඃ ප්රණීතා යේනේයං මනශ්ච සුසමාහිතම් ।
තං තු නාර්හාමි සංක්ලේෂ්ටුං ප්රව්රජිෂ්යාමි මා චිරම් ॥ 16 ॥
කෘතාංතස්ත්වේව සෞමිත්රේ ද්රෂ්ටව්යෝ මත්ප්රවාසනේ ।
රාජ්යස්ය ච විතීර්ණස්ය පුනරේව නිවර්තනේ ॥ 17 ॥
කෛකේය්යාඃ ප්රතිපත්තිර්හි කථං ස්යාන්මම පීඩනේ ।
යදි භාවෝ න දෛවෝऽයං කෘතාංතවිහිතෝ භවේත් ॥ 18 ॥
ජානාසි හි යථා සෞම්ය න මාතෘෂු මමාංතරම් ।
භූතපූර්වං විශේෂෝ වා තස්යා මයි සුතේऽපි වා ॥ 19 ॥
සෝऽභිෂේකනිවෘත්ත්යර්ථෛප්රවාසාර්ථෛශ්ච දුර්වචෛඃ ।
උග්රෛර්වාක්යෛරහං තස්යා නාන්යද්දෛවාත්සමර්ථයේ ॥ 20 ॥
කථං ප්රකෘතිසංපන්නා රාජපුත්රී තථාගුණා ।
බ්රූයාත්සා ප්රාකෘතේව ස්ත්රී මත්පීඩාං භර්තෘසන්නිධෞ ॥ 21 ॥
යදචිංත්යංතු තද්දෛවං භූතේෂ්වපි න විහන්යතේ ।
ව්යක්තං මයි ච තස්යාං ච පතිතෝ හි විපර්යයඃ ॥ 22 ॥
කශ්චිද්දෛවේන සෞමිත්රේ යෝද්ධුමුත්සහතේ පුමාන් ।
යස්ය න ග්රහණං කිංචිත්කර්මණෝऽන්යත්ර දෘශ්යතේ ॥ 23 ॥
සුඛදුඃඛේ භයක්රෝධෞ ලාභාලාභෞ භවාභවෞ ।
යච්ච කිංචිත්තථාභූතං නනු දෛවස්ය කර්ම තත් ॥ 24 ॥
ඍෂයෝऽප්යුග්රතපසෝ දෛවේනාභිප්රපීඩිතාඃ ।
උත්සෘජ්ය නියමාංස්තීව්රාන්භ්රශ්යංතේ කාමමන්යුභිඃ ॥ 25 ॥
අසංකල්පිතමේවේහ යදකස්මාත්ප්රවර්තතේ ।
නිවර්ත්යාරංභමාරබ්ධං නනු දෛවස්ය කර්ම තත් ॥ 26 ॥
ඒතයා තත්ත්වයා බුද්ධ්යා සංස්තභ්යාත්මානමාත්මනා ।
ව්යාහතේऽප්යභිෂේකේ මේ පරිතාපෝ න විද්යතේ ॥ 27 ॥
තස්මාදපරිතාපස්සංස්ත්වමප්යනුවිධාය මාම් ।
ප්රතිසංහාරය ක්ෂිප්රමාභිෂේචනිකීං ක්රියාම් ॥ 28 ॥
ඒභිරේව ඝටෛ ස්සර්වෛරභිෂේචනසංභෘතෛඃ ।
මම ලක්ෂ්මණ තාපස්යේ ව්රතස්නානං භවිෂ්යති ॥ 29 ॥
අථවා කිං මමෛතේන රාජද්රව්යමයේන තු ।
උද්ධෘතං මේ ස්වයං තෝයං ව්රතාදේශං කරිෂ්යති ॥ 30 ॥
මා ච ලක්ෂ්මණ සංතාපං කාර්ෂීර්ලක්ෂ්ම්යා විපර්යයේ ।
රාජ්යං වා වනවාසෝ වා වනවාසෝ මහෝදයඃ ॥ 31 ॥
න ලක්ෂ්මණාස්මින්ඛලු කර්මවිඝ්නේ මාතා යවීයස්යතිශංකනීයා ।
දෛවාභිපන්නා හි වදත්යනිෂ්ටං ජානාසි දෛවං ච තථා ප්රභාවම් ॥ 32 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ අයෝධ්යාකාංඩේ ද්වාවිංශස්සර්ගඃ ॥
