শ্রীমদ্বাল্মীকীয় রামাযণে অয়োধ্য়াকাংডম্ ।
অথ পংচবিংশস্সর্গঃ ।
সাঽবনীয় তমায়াসমুপস্পৃশ্য় জলং শুচিঃ ।
চকার মাতা রামস্য় মংগলানি মনস্বিনী ॥ 1 ॥
ন শক্যসে বারয়িতুং গচ্ছেদানীং রঘূত্তম ।
শীঘ্রং চ বিনিবর্তস্ব বর্তস্ব চ সতাং ক্রমে ॥ 2 ॥
যং পালযসি ধর্মং ত্বং ধৃত্য়া চ নিযমেন চ ।
স বৈ রাঘবশার্দূল ধর্মস্ত্বামভিরক্ষতু ॥ 3 ॥
যেভ্য়ঃ প্রণমসে পুত্র চৈত্য়েষ্বাযতনেষু চ ।
তে চ ত্বামভিরক্ষংতু বনে সহ মহর্ষিভিঃ ॥ 4 ॥
যানি দত্তানি তেঽস্ত্রাণি বিশ্বামিত্রেণ ধীমতা ।
তানি ত্বামভিরক্ষংতু গুণৈস্সমুদিতং সদা ॥ 5 ॥
পিতৃশুশ্রূষয়া পুত্র মাতৃশুশ্রূষয়া তথা ।
সত্য়েন চ মহাবাহো চিরং জীবাভিরক্ষিতঃ ॥ 6 ॥
সমিত্কুশ পবিত্রাণি বেদ্যশ্চাযতনানি চ ।
স্থংডিলানি বিচিত্রাণি শৈলা বৃক্ষাঃ ক্ষুপা হ্রদাঃ ॥ 7 ॥
পতংগাঃ পন্নগাস্সিংহাস্ত্বাং রক্ষংতু নরোত্তম ।
স্বস্তিসাধ্য়াশ্চ বিশ্বে চ মরুতশ্চ মহর্ষয়ঃ ।
স্বস্তি ধাতা বিধাতা চ স্বস্তি পূষা ভগোঽর্যমা ॥ 8 ॥
লোকপালাশ্চ তে সর্বে বাসবপ্রমুখাস্তথা ।
ঋতবশ্চৈব পক্ষাশ্চ মাসা স্সংবত্সরাঃ ক্ষপাঃ ॥ 9 ॥
দিনানি চ মুহূর্তাশ্চ স্বস্তি কুর্বংতু তে সদা ।
স্মৃতির্ধৃতিশ্চ ধর্মশ্চ পাতু ত্বাং পুত্র সর্বতঃ ॥ 10 ॥
স্কংদশ্চ ভগবাংদেব স্সোমশ্চ স বৃহস্পতিঃ ।
সপ্তর্ষয়ো নারদশ্চ তে ত্বাং রক্ষংতু সর্বতঃ ॥ 11 ॥
যাশ্চাপি সর্বতস্সিধ্দা দিশশ্চ সদিগীশ্বরাঃ ।
স্তুতা ময়া বনে তস্মিন্পাংতু ত্বাং পুত্র নিত্যশঃ ॥ 12 ॥
শৈলাস্সর্বে সমুদ্রাশ্চ রাজা বরুণ এব চ ।
দ্য়ৌরংতরিক্ষং পৃথিবী নদ্যস্সর্বাস্তথৈব চ ॥ 13 ॥
নক্ষত্রাণি চ সর্বাণি গ্রহাশ্চ সহদেবতাঃ ।
অহোরাত্রে তথা সংধ্য়ে পাংতু ত্বাং বনমাশ্রিতম্ ॥ 14 ॥
ঋতবশ্চৈব ষট্পুণ্য়া মাসাস্সংবত্সরাস্তথা ।
কলাশ্চ কাষ্ঠাশ্চ তথা তব শর্ম দিশংতু তে ॥ 15 ॥
মহাবনে বিচরতো মুনিবেষস্য় ধীমতঃ ।
তবাদিত্য়াশ্চ দৈত্য়াশ্চ ভবংতু সুখদাস্সদা ॥ 16 ॥
রাক্ষসানাং পিশাচানাং রৌদ্রাণাং ক্রূরকর্মণাম্ ।
ক্রব্য়াদানাং চ সর্বেষাং মা ভূত্পুত্রক তে ভযম্ ॥ 17 ॥
প্লবগা বৃশ্চিকা দংশামশকাশ্চৈব কাননে ।
সরীসৃপাশ্চ কীটাশ্চ মা ভূবন্গহনে তব ॥ 18 ॥
মহাদ্বিপাশ্চ সিংহাশ্চ ব্য়াঘ্রা ঋক্ষাশ্চ দংষ্ট্রিণঃ ।
মহিষা শ্শৃংগিণো রৌদ্রা ন তে দ্রুহ্য়ংতু পুত্রক ॥ 19 ॥
নৃমাংসভোজনা রৌদ্রা যে চান্য়ে সত্বজাতয়ঃ ।
মা চ ত্বাং হিংসিষুঃ পুত্র ময়া সংপূজিতাস্ত্বিহ ॥ 20 ॥
আগমাস্তে শিবাস্সংতু সিধ্য়ংতু চ পরাক্রমাঃ ।
সর্বসংপত্তয়ে রাম স্বস্তিমান্গচ্ছ পুত্রক ॥ 21 ॥
স্বস্তি তে ঽস্ত্বংতরিক্ষেভ্য়ঃ পার্থিবেভ্য়ঃ পুনঃ পুনঃ ।
সর্বেভ্যশ্চৈব দেবেভ্য়ো যে চ বৈ পরিপংথিনঃ ॥ 22 ॥
গুরুস্সোমশ্চ সূর্যশ্চ ধনদোঽথ যমস্তথা ।
পাংতু ত্বামর্চিতা রাম দংডকারণ্যবাসিনম্ ॥ 23 ॥
অগ্নির্বায়ুস্তথা ধূমো মংত্রাশ্চর্ষিমুখাচ্চ্য়ুতাঃ ।
উপস্পর্শনকালে তু পাংতু ত্বাং রঘুনংদন ॥ 24 ॥
সর্বলোকপ্রভুর্ব্রহ্মা ভূতভর্তা তথর্ষয়ঃ ।
যে চ শেষাস্সুরাস্তে ত্বাং রক্ষংতু বনবাসিনম্ ॥ 25 ॥
ইতি মাল্য়ৈস্সুরগণান্গংধৈশ্চাপি যশস্বিনী ।
স্তুতিভিশ্চানুরূপাভিরানর্চাঽযতলোচনা ॥ 26 ॥
জ্বলনং সমুপাদায় ব্রাহ্মণেন মহাত্মনা ।
হাবয়ামাস বিধিনা রামমংগলকারণাত্ ॥ 27 ॥
ঘৃতং শ্বেতানি মাল্য়ানি সমিধশ্শ্বেতসর্ষপান্ ।
উপসংপাদয়ামাস কৌশল্য়া পরমাংগনা ॥ 28 ॥
উপাধ্য়ায় স্সবিধিনা হুত্বা শাংতিমনামযম্ ।
হুতহব্য়াবশেষেণ বাহ্য়ং বলিমকল্পযত্ ॥ 29 ॥
মধু দধ্যক্ষতঘৃতৈঃ স্বস্তিবাচ্যদ্বিজাংস্ততঃ ।
বাচয়ামাস রামস্য় বনেস্বস্ত্যযনক্রিয়াঃ ॥ 30 ॥
ততস্তস্মৈ দ্বিজেংদ্রায় রামমাতা যশস্বিনী ।
দক্ষিণাং প্রদদৌ কাম্য়াং রাঘবং চেদমব্রবীত্ ॥ 31 ॥
যন্মংগলং সহস্রাক্ষে সর্বদেবনমস্কৃতে ।
বৃত্রনাশে সমভবত্তত্তে ভবতু মংগলম্ ॥ 32 ॥
যন্মংগলং সুপর্ণস্য় বিনতাঽকল্পযত্পুরা ।
অমৃতং প্রার্থয়ানস্য় তত্তে ভবতু মংগলম্ ॥ 33 ॥
অমৃতোত্পাদনে দৈত্য়ান্ ঘ্নতো বজ্রধরস্য় যত্ ।
অদিতির্মংগলং প্রাদাত্তত্তে ভবতু মংগলম্ ॥ 34 ॥
ত্রীন্বিক্রমান্প্রক্রমতো বিষ্ণোরমিততেজসঃ ।
যদাসীন্মংগলং রাম তত্তে ভবতু মংগলম্ ॥ 35 ॥
ঋতবস্সাগরা দ্বীপা বেদা লোকা দিশশ্চ তে ।
মংগলানি মহাবাহো দিশংতু শুভমংগলাঃ ॥ 36 ॥
ইতি পুত্রস্য় শেষাংশ্চ কৃত্বা শিরসি ভামিনী ।
গংধৈশ্চাপি সমালভ্য় রামমাযতলোচনা ॥ 37 ॥
ওষধীং চাপি সিদ্ধার্থাং বিশল্যকরণীং শুভাম্ ।
চকার রক্ষাং কৌশল্য়া মংত্রৈরভিজজাপ চ ॥ 38 ॥
উবাচাতিপ্রহৃষ্টেব সা দুঃখবশবর্তিনী ।
বাংগ্মাত্রেণ ন ভাবেন বাচাঽসংসজ্জমানয়া ॥ 39 ॥
আনম্য় মূর্ধ্নি চাঘ্রায় পরিষ্বজ্য় যশস্বিনী ।
অবদত্পুত্র সিদ্ধার্থো গচ্ছ রাম যথাসুখম্ ॥ 40 ॥
অরোগং সর্বসিদ্ধার্থময়োধ্য়াং পুনরাগতম্ ।
পশ্য়ামি ত্বাং সুখং বত্স সুস্থিতং রাজবর্ত্মনি ॥ 41 ॥
প্রণষ্টদুঃখসংকল্পা হর্ষবিদ্য়োতিতাননা ।
দ্রক্ষ্য়ামি ত্বাং বনাত্প্রাপ্তং পূর্ণচংদ্রমিবোদিতম্ ॥ 42 ॥
ভদ্রাসনগতং রাম বনবাসাদিহাগতম্ ।
দ্রক্ষ্য়ামি চ পুনস্ত্বাং তু তীর্ণবংতং পিতুর্বচঃ ॥ 43 ॥
মংগলৈরুপসপন্নো বনবাসাদিহাগতঃ ।
বধ্বা মম চ নিত্য়ং ত্বং কামান্সংবর্ধ যাহি ভোঃ ॥ 44 ॥
ময়াঽর্চিতা দেবগণাশ্শিবাদয়ো মহর্ষয়ো ভূতমহাসুরোরগাঃ ।
অভিপ্রয়াতস্য় বনং চিরায় তে হিতানি কাংক্ষংতু দিশশ্চ রাঘব ॥ 45 ॥
ইতীব সাঽশ্রুপ্রতিপূর্ণলোচনা সমাপ্য় চ স্বস্ত্যযনং যথাবিধি ।
প্রদক্ষিণং চৈব চকার রাঘবং পুনঃ পুনশ্চাপি নিপীড্য় সস্বজে ॥ 46 ॥
তথা তু দেব্য়া স কৃতপ্রদক্ষিণো নিপীড্য় মাতুশ্চরণৌ পুনঃ পুনঃ ।
জগাম সীতানিলয়ং মহাযশা স্স রাঘবঃ প্রজ্বলিত স্স্বয়া শ্রিয়া ॥ 47 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে পংচবিংশস্সর্গঃ ॥
