শ্রীমদ্বাল্মীকীয় রামাযণে অয়োধ্য়াকাংডম্ ।
অথ ষট্ত্রিংশস্সর্গঃ ।
ততস্সুমংত্রমৈক্ষ্বাকঃ পীডিতোঽত্র প্রতিজ্ঞয়া ।
সবাষ্পমতিনিশ্শ্বশ্য় জগাদেদং পুনঃ পুনঃ ॥ 1 ॥
সূত রত্নসুসংপূর্ণা চতুর্বিধবলা চমূঃ ।
রাঘবস্য়ানুয়াত্রার্থং ক্ষিপ্রং প্রতিবিধীযতাম্ ॥ 2 ॥
রূপাজীবাশ্চ বাদিন্য়ো বণিজশ্চ মহাধনাঃ ।
শোভয়ংতু কুমারস্য় বাহিনীং সুপ্রসারিতাঃ ॥ 3 ॥
আয়ুধানি চ মুখ্য়ানি নাগরা শ্শকটানি চ ।
অনুগচ্ছংতু কাকুত্স্থং ব্য়াধাশ্চারণ্য় গোচরাঃ ॥ 4 ॥
নিঘ্নন্ মৃগান্ কুংজরাংশ্চ পিবংশ্চারণ্যকং মধু ।
নদীশ্চ বিবিধাঃ পশ্যন্ন রাজ্যস্য় স্মরিষ্যতি ॥ 5 ॥
ধান্যকোশশ্চ যঃ কশ্চিদ্ধনকোশশ্চ মামকঃ ।
তৌ রামমনুগচ্ছেতাং বসংতং নির্জনে বনে ॥ 6 ॥
যজন্ পুণ্য়েষু দেশেষু বিসৃজং শ্চাপ্তদক্ষিণাঃ ।
ঋষিভিশ্চ সমাগম্য় প্রবত্স্যতি সুখং বনে ॥ 7 ॥
ভরতশ্চ মহাবাহুরয়োধ্য়াং পালয়িষ্যতি ।
সর্বকামৈঃ সহ শ্রীমান্ রামঃ সংসাধ্যতামিতি ॥ 8 ॥
এবং ব্রুবতি কাকুত্স্থে কৈকেয়্য়া ভয় মাগতম্ ।
মুখং চাপ্যগমচ্ছোষং স্বরশ্চাপি ন্যরুধ্যত ॥ 9 ॥
সা বিষণ্ণা চ সংত্রস্তা মুখেন পরিশুষ্যতা ।
রাজানমেবাভিমুখী কৈকেয়ী বাক্যমব্রবীত্ ॥ 10 ॥
রাজ্য়ং গতজনং সাধো পীতমংডাং সুরামিব ।
নিরাস্বাদ্যতমং শূন্য়ং ভরতো নাভিপত্স্যতে ॥ 11 ॥
কৈকেয়্য়াং মুক্তলজ্জায়াং বদংত্য়ামতিদারুণাম্ ।
রাজা দশরথো বাক্যমুবাচাযতলোচনাম্ ॥ 12 ॥
বহংতং কিং তুদসি মাং নিয়ুজ্য় ধুরি মাঽহিতে ।
অনার্য়ে কৃত্যমারব্ধং কিং ন পূর্বমুপারুধঃ ॥ 13 ॥
তস্য়ৈতত্ক্রোধসংয়ুক্তমুক্তং শ্রুত্বা বরাংগনা ।
কৈকেয়ী দ্বিগুণং ক্রুদ্ধা রাজানমিদমব্রবীত্ ॥ 14 ॥
বৈব বংশে সগরো জ্য়েষ্ঠং পুত্রমুপারুধত্ ।
অসমংজ ইতি খ্য়াতং তথায়ং গংতুমর্হতি ॥ 15 ॥
এবমুক্তো ধিগিত্য়েব রাজা দশরথোঽব্রবীত্ ।
ব্রীডিতশ্চ জনস্সর্ব স্সা চ তং নাববুধ্যত ॥ 16 ॥
অসমংজো গৃহীত্বা তু ক্রীডতঃ পথি বালকান্ ।
সরয়্বাঃ প্রক্ষিপন্নপ্সু রমতে তেন দুর্মতিঃ ॥ 17 ॥
তং দৃষ্ট্বা নাগরা স্সর্বে কৃদ্ধা রাজানমব্রুবন্ ।
অসমংজং বৃণীষ্বৈকমস্মান্বা রাষ্ট্রবর্ধন ॥ 18 ॥
তানুবাচ ততো রাজা কিন্নিমিত্তমিদং ভযম্ ।
তাশ্চাপি রাজ্ঞা সংপৃষ্টা বাক্য়ং প্রকৃতয়োঽব্রুবন্ ॥ 19 ॥
ডক্রীডতস্ত্বেষ নঃ পুত্রান্ বালানুদ্ভ্রাংতচেতনঃ ।
সরয়্বাং প্রক্ষিপন্মৌর্খ্য়াদতুলাং প্রীতিমশ্নুতে ॥ 20 ॥
স তাসাং বচনং শ্রুত্বা প্রকৃতীনাং নরাধিপঃ ।
তং তত্য়াজাহিতং পুত্রং তেষাং প্রিযচিকীর্ষয়া ॥ 21 ॥
তং যানং শীঘ্রমারোপ্য় সভার্য়ং সপরিচ্ছদম্ ।
যাবজ্জীবং বিবাস্য়োঽযমিতি স্বানন্বশাত্পিতা ॥ 22 ॥
স ফালপিটকং গৃহ্য় গিরিদুর্গাণ্যলোডযত্ ।
দিশ স্সর্বাস্ত্বনুচরন্ স যথা পাপকর্মকৃত্ ॥ 23 ॥
ইত্য়েনমত্যজদ্রাজা সগরো বৈ সুধার্মিকঃ ।
রামঃ কিমকরোত্পাপং যেনৈবমুপরুধ্যতে ॥ 24 ॥
ন হি কংচন পশ্য়ামো রাঘবস্য়াগুণং বযম্ ।
দুর্লভো হ্যস্য় নিরয় শ্শশাংকস্য়েব কল্মষম্ ॥ 25 ॥
অথবা দেবি দোষং ত্বং কংচিত্পশ্যসি রাঘবে ।
তমদ্য় ব্রূহি তত্বেন তদা রামো বিবাস্যতাম্ ॥ 26 ॥
অদুষ্টস্য় হি সংত্য়াগঃ সত্পথে নিরতস্য় চ ।
নির্দহেদপি শক্রস্য় দ্য়ুতিং ধর্মনিরোধনাত্ ॥ 27 ॥
তদলং দেবি রামস্য় শ্রিয়া বিহতয়া ত্বয়া ।
লোকতোঽপি হি তে রক্ষ্য়ঃ পরিবাদঃ শুভাননে ॥ 28 ॥
শ্রুত্বা তু সিদ্ধার্থবচো রাজা শ্রাংততরস্বনঃ ।
শোকোপহতয়া বাচা কৈকেয়ীমিদমব্রবীত্ ॥ 29 ॥
এতদ্বচো নেচ্ছসি পাপবৃত্তে হিতং ন জানাসি মমাত্মনো বা ।
আস্থায় মার্গং কৃপণং কুচেষ্টা চেষ্টা হি তে সাধুপথাদপেতা ॥ 30 ॥
অনুব্রজিষ্য়াম্যহমদ্য় রামং রাজ্য়ং পরিত্যজ্য় সুখং ধনং চ ।
সহৈব রাজ্ঞা ভরতেন চ ত্বং যথাসুখং ভুংক্ষ্ব চিরায় রাজ্যম্ ॥ 31 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে ষট্ত্রিংশস্সর্গঃ ॥
