শ্রীমদ্বাল্মীকীয় রামাযণে অয়োধ্য়াকাংডম্ ।
অথ চতুশ্চত্বারিংশস্সর্গঃ ।
বিলপংতী তথা তাং তু কৌসল্য়াং প্রমদোত্তমাম্ ।
ইদং ধর্মে স্থিতা ধর্ম্য়ং সুমিত্রা বাক্যমব্রবীত্ ॥ 1 ॥
তবার্য়ে সদ্গুণৈর্য়ুক্তঃ পুত্র স্স পুরুষোত্তমঃ ।
কিং তে বিলপিতেনৈবং কৃপণং রুদিতেন বা ॥ 2 ॥
যস্তবার্য়ে গতঃ পুত্রস্ত্যক্ত্বা রাজ্য়ং মহাবলঃ ।
সাধু কুর্বন্ মহাত্মানং পিতরং সত্যবাদিনম্ ॥ 3 ॥
শিষ্টৈরাচরিতে সম্যক্ছশ্বত্প্রেত্যফলোদয়ে ।
রামো ধর্মে স্থিত শ্রেষ্ঠো ন স শোচ্য়ঃ কদাচন ॥ 4 ॥
বর্ততে চোত্তমাং বৃত্তিং লক্ষ্মণোঽস্মিন্ সদানঘঃ ।
দয়াবান্ সর্বভূতেষু লাভস্তস্য় মহাত্মনঃ ॥ 5 ॥
অরণ্যবাসে যদ্দুঃখং জানতী বৈ সুখোচিতা ।
অনুগচ্ছতি বৈদেহী ধর্মাত্মানং তবাত্মজম্ ॥ 6 ॥
কীর্তিভূতাং পতাকাং যো লোকে ভ্রমযতি প্রভুঃ ।
ধর্মসত্যব্রতধনঃ কিং ন প্রাপ্তস্তবাত্মজঃ ॥ 7 ॥
ব্যক্তং রামস্য় বিজ্ঞায় শৌচং মাহাত্ম্যমুত্তমম্ ।
ন গাত্রমংশুভি স্সূর্য় স্সংতাপয়িতুমর্হতি ॥ 8 ॥
শিবস্সর্বেষু কালেষু কাননেভ্য়ো বিনিস্সৃতঃ ।
রাঘবং যুক্তশীতোষ্ণস্সেবিষ্যতি সুখোঽনিলঃ ॥ 9 ॥
শয়ানমনঘং রাত্রৌ পিতেবাভিপরিষ্বজন্ ।
রশ্মিভি স্সংস্পৃশন্ শীতৈশ্চংদ্রমাহ্লাদয়িষ্যতি ॥ 10 ॥
দদৌ চাস্ত্রাণি দিব্য়ানি যস্মৈ ব্রহ্মা মহৌজসে ।
দানবেংদ্রং হতং দৃষ্ট্বা তিমিধ্বজসুতং রণে ॥ 11 ॥
স শূরঃ পুরুষব্য়াঘ্রঃ স্ববাহুবলমাশ্রিতঃ ।
অসংত্রস্তোঽপ্যরণস্থো বেশ্মনীব নিবত্স্যতি ॥ 12 ॥
যস্য়েষুপথমাসাদ্য় বিনাশং যাংতি শত্রবঃ ।
কথং ন পৃথিবী তস্য় শাসনে স্থাতুমর্হতি ॥ 13 ॥
যা শ্রী শ্শৌর্য়ং চ রামস্য় যা চ কল্য়াণসত্বতা ।
নিবৃত্তারণ্যবাস স্স ক্ষিপ্রং রাজ্যমবাপ্স্যতি ॥ 14 ॥
সূর্যস্য়াপি ভবেত্সূর্য়ো হ্যগ্নেরগ্নি প্রভোঃ প্রভুঃ ।
শ্রিয়ঃ শ্রীশ্চ ভবেদগ্র্য়া কীর্তিঃ কীর্ত্য়াঃ ক্ষমাক্ষমা ॥ 15 ॥
দৈবতং দৈবতানাং চ ভূতানাং ভূতসত্তমঃ ।
তস্য় কে হ্যগুণা দেবি বনে বাপ্যথবা পুরে ॥ 16 ॥
পৃথিব্য়া সহ বৈদেহ্য়া শ্রিয়া চ পুরুষর্ষভঃ ।
ক্ষিপ্রং তিসৃভিরেতাভি স্সহ রামোঽভিষেক্ষ্যতে ॥ 17 ॥
দুঃখজং বিসৃজংত্যস্রং নিষ্ক্রামংতমুদীক্ষ্য় যম্ ।
অয়োধ্য়ায়াং জনাস্সর্বে শোকবেগসমাহতাঃ ॥ 18 ॥
কুশচীরধরং দেবং গচ্ছংতমপরাজিতম্ ।
সীতেবানুগতা লক্ষ্মী স্তস্য় কিং নাম দুর্লভম্ ॥ 19 ॥
ধনুর্গ্রহবরো যস্য় বাণখড্গাস্ত্রভৃত্স্বযম্ ।
লক্ষ্মণো ব্রজতি হ্যগ্রে তস্য় কিং নাম দুর্লভম্ ॥ 20 ॥
নিবৃত্তবনবাসং তং দ্রষ্টাসি পুনরাগতম্ ।
জহিশোকং চ মোহং চ দেবি সত্য়ং ব্রবীমি তে ॥ 21 ॥
শিরসা চরণাবেতৌ বংদমানমনিংদিতে পুনর্দ্রক্ষ্যসি কল্য়াণি পুত্রং চংদ্রমিবোদিতম্ ॥ 22 ॥
পুনঃ প্রবিষ্টং দৃষ্ট্বা তমভিষিক্তং মহাশ্রিযম্ ।
সমুত্স্রক্ষ্যসি নেত্রাভ্য়াং ক্ষিপ্রমানংদজং পয়ঃ ॥ 23 ॥
মা শোকো দেবি দুঃখং বা ন রামে দৃশ্যতেঽশিবম্ ।
ক্ষিপ্রং দ্রক্ষ্যসি পুত্রং ত্বং সসীতং সহলক্ষ্মণম্ ॥ 24 ॥
ত্বয়া শেষো জনশ্চৈব সমাশ্বাস্য়ো যদাঽনঘে ।
কিমিদানীমিদং দেবি করোষি হৃদি বিক্লবম্ ॥ 25 ॥
নার্হা ত্বং শোচিতুং দেবি যস্য়াস্তে রাঘবস্সুতঃ ।
ন হি রামাত্পরো লোকে বিদ্যতে সত্পথে স্থিতঃ ॥ 26 ॥
অভিবাদযমানং তং দৃষ্ট্বা সসুহৃদং সুতম্ ।
মুদাঽশ্রৃ মোক্ষ্যসে ক্ষিপ্রং মেঘলেখেব বার্ষিকী ॥ 27 ॥
পুত্রস্তে বরদঃ ক্ষিপ্রময়োধ্য়াং পুনরাগতঃ ।
পাণিভ্য়াং মৃদুপীনাভ্য়াং চরণৌ পীডয়িষ্যতি ॥ 28 ॥
অভিবাদ্য় নমস্য়ংতং শূরং সসুহৃদং সুতম্ ।
মুদাঽস্রৈঃ প্রোক্ষ্যসি পুনর্মেঘরাজিরিবাচলম্ ॥ 29 ॥
আশ্বাসয়ংতী বিবিধৈশ্চ বাক্য়ৈ র্বাক্য়োপচারে কুশলাঽনবদ্য়া ।
রামস্য় তাং মাতরমেবমুক্ত্বা দেবী সুমিত্রা বিররাম রামা ॥ 30 ॥
নিশম্য় তল্লক্ষ্মণমাতৃবাক্য়ং রামস্য় মাতুর্নরদেবপত্ন্য়াঃ ।
সদ্যশ্শরীরে বিননাশ শোকঃ শরদ্গতো মেঘ ইবাল্পতোয়ঃ ॥ 31 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে চতুশ্চত্বারিংশস্সর্গঃ ॥
