শ্রীমদ্বাল্মীকীয় রামাযণে অয়োধ্য়াকাংডম্ ।
অথ একোনপংচাশস্সর্গঃ ।
রামোঽপি রাত্রিশেষেণ তেনৈব মহদংতরম্ ।
জগাম পুরুষব্য়াঘ্রঃ পিতুরাজ্ঞামনুস্মরন্ ॥ 1 ॥
তথৈব গচ্ছতস্তস্য় ব্যপায়াদ্রজনী শিবা ।
উপাস্য় শিবাং সংধ্য়াং বিষয়াংতং ব্যগাহত ॥ 2 ॥
গ্রামান্ বিকৃষ্টসীমাংতান্ পুষ্পিতানি বনানি চ ।
পশ্যন্নতিযয়ৌ শীঘ্রং শনৈরিব হয়োত্তমৈঃ ॥ 3 ॥
শৃণ্বন্ বচো মনুষ্য়াণাং গ্রামসংবাসবাসিনাম্ ।
রাজানং ধিগ্দশরথং কামস্য় বশমাগতম্ ॥ 4 ॥
হা নৃশংসাদ্য় কৈকেয়ী পাপা পাপানুবংধিনী ।
তীক্ষ্ণা সংভিন্নমর্য়াদা তীক্ষ্ণকর্মণি বর্ততে ॥ 5 ॥
যা পুত্রমীদৃশং রাজ্ঞঃ প্রবাসযতি ধার্মিকম্ ।
বনবাসে মহাপ্রাজ্ঞং সানুক্রোশং জিতেংদ্রিযম্ ॥ 6 ॥
কথং নাম মহাভাগা সীতা জনকনংদিনী ।
সদা সুখেষ্বভিরতা দুঃখান্যনুভবিষ্যতি ॥ 7 ॥
অহো দশরথো রাজা নিস্নেহঃ স্বসুতং প্রিযম্ ।
প্রজানামনঘং রামং পরিত্যক্তুমিহেচ্ছতি ॥ 8 ॥
এতা বাচো মনুষ্য়াণাং গ্রামসংবাসবাসিনাম্ ।
শৃণ্বন্নতিযয়ৌ বীরঃ কোসলান্ কোসলেশ্বরঃ ॥ 9 ॥
ততো বেদশ্রুতিং নাম শিববারিবহাং নদীম্ ।
উত্তীর্য়াভিমুখঃ প্রায়াদগস্ত্য়াধ্য়ুষিতাং দিশম্ ॥ 10 ॥
গত্বা তু সুচিরং কালং ততঃ শীতজলাং নদীম্ ।
গোমতীং গোয়ুতানূপামতরত্সাগরংগমাম্ ॥ 11 ॥
গোমতীং চাপ্যতিক্রম্য় রাঘবঃ শীঘ্রগৈর্হয়ৈঃ ।
ময়ূরহংসাভিরুতাং ততার স্য়ংদিকাং নদীম্ ॥ 12 ॥
স মহীং মনুনা রাজ্ঞা দত্তামিক্ষ্বাকবে পুরা ।
স্ফীতাং রাষ্ট্রাবৃতাং রামো বৈদেহীমন্বদর্শযত্ ॥ 13 ॥
কদাঽহং পুনরাগম্য় সরয়্বা পুষ্পিতে বনে ।
মৃগয়াং পর্যটিষ্য়ামি মাত্রা পিত্রা চ সংগতঃ ॥ 14 ॥
নাত্যর্থমভিকাংক্ষামি মৃগয়াং সরয়ূবনে ।
রতির্হ্য়েষাতুলা লোকে রাজর্ষিগণসম্মতা ॥ 15 ॥
রাজর্ষীণাং হি লোকেঽস্মিন্ রত্যর্থং মৃগয়া বনে ।
কালে কৃতাং তাং মনুজৈর্ঘন্বিনামভিকাংক্ষিতাম্ ॥ 16 ॥
স তমধ্বানমৈক্ষ্বাকস্সূতং মধুরয়া গিরা ।
তং তমর্থমভিপ্রেত্য় যয়ৌ বাক্যমুদীরযন্ ॥ 17 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে একোনপংচাশস্সর্গঃ ॥
