শ্রীমদ্বাল্মীকীয় রামাযণে অয়োধ্য়াকাংডম্ ।
অথ পংচাশস্সর্গঃ ।
বিশালান্ কোসলান্ রম্য়ান্ যাত্বা লক্ষ্মণপূর্বজঃ ।
অয়োধ্য়াভিমুখো ধীমান্ প্রাংজলির্বাক্যমব্রবীত্ ॥ 1 ॥
আপৃচ্ছে ত্বাং পুরীশ্রেষ্ঠে কাকুত্স্থপরিপালিতে ।
দৈবতানি চ যানি ত্বাং পালয়ংতি বসংতি চ ॥ 2 ॥
নিবৃত্তবনবাসস্ত্বামনৃণো জগতীপতেঃ ।
পুনর্দ্রক্ষ্য়ামি মাত্রা চ পিত্রা চ সহ সংগতঃ ॥ 3 ॥
ততো রুধিরতাম্রাক্ষো ভুজমুদ্যম্য় দক্ষিণম্ ।
অশ্রুপূর্ণমুখো দীনোঽব্রবীজ্জানপদং জনম্ ॥ 4 ॥
অনুক্রোশো দয়া চৈব যথার্হং ময়ি বঃ কৃতঃ ।
চিরং দুঃখস্য় পাপীয়ো গম্যতামর্থসিদ্ধয়ে ॥ 5 ॥
তেঽভিবাদ্য় মহাত্মানং কৃত্বা চাপি প্রদক্ষিণম্ ।
বিলপংতো নরা ঘোরং ব্যতিষ্ঠংত ক্বচিত্ ক্বচিত্ ॥ 6 ॥
তথা বিলপতাং তেষামতৃপ্তানাং চ রাঘবঃ ।
অচক্ষুর্বিষয়ং প্রায়াদ্যথার্কঃ ক্ষণদামুখে ॥ 7 ॥
ততো ধান্যধনোপেতান্ দানশীলজনান্ শিবান্ ।
অকুতশ্চিদ্ভয়ান্ রম্য়াংশ্চৈত্যয়ূপসমাবৃতান্ ॥ 8 ॥
উদ্য়ানাম্রবনোপেতান্ সংপন্নসলিলাশয়ান্ ।
তুষ্টপুষ্টজনাকীর্ণান্ গোকুলাকুলসেবিতান্ ॥ 9 ॥
লক্ষণীয়ান্নরেংদ্রাণাং ব্রহ্মঘোষাভিনাদিতান্ ।
রথেন পুরুষব্য়াঘ্রঃ কোসলানত্যবর্তত ॥ 10 ॥
মধ্য়েনমুদিতং স্ফীতং রম্য়োদ্য়ানসমাকুলম্ ।
রাজ্য়ং ভোগ্য়ং নরেংদ্রাণাং যয়ৌ ধৃতিমতাং বরঃ ॥ 11 ॥
তত স্ত্রিপথগাং দিব্য়াং শিবতোয়ামশৈবলাম্ ।
দদর্শ রাঘবো গংগাং পুণ্য়ামৃষিনিষেবিতাম্ ॥ 12 ॥
আশ্রমৈরবিদূরস্থৈঃ শ্রীমদ্ভিস্সমলংকৃতাম্ ।
কালেঽপ্সরোভির্হৃষ্টাভি স্সেবিতাংভোহ্রদাং শিবাম্ ॥ 13 ॥
দেবদানবগংধর্বৈঃ কিন্নরৈরুপশোভিতাম্ ।
নানাগংধর্বপত্নীভি স্সেবিতাং সততং শিবাম্ ॥ 14 ॥
দেবাঽঽক্রীডশতাকীর্ণাং দেবোদ্য়ানশতায়ুতাম্ ।
দেবার্থমাকাশগমাং বিখ্য়াতাং দেবপদ্মিনীম্ ॥ 15 ॥
জলাঘাতাট্টহাসোগ্রাং ফেননির্মলহাসিনীম্ ।
ক্বচিদ্বেণীকৃতজলাং ক্বচিদাবর্তশোভিতাম্ ॥ 16 ॥
ক্বচিত্ স্তিমিতগংভীরাং ক্বচিদ্বেগজলাকুলাম্ ।
ক্বচিদ্গংভীরনির্ঘোষাং ক্বচিদ্ভৈরবনিস্বনাম্ ॥ 17 ॥
দেবসংঘাপ্লুতজলাং নির্মলোত্পলশোভিতাম্ ।
ক্বচিদাভোগপুলিনাং ক্বচিন্নির্মলবালুকাম্ ॥ 18 ॥
হংসসারসসংঘুষ্টাং চক্রবাকোপকূজিতাম্ ।
সদা মদৈশ্চ বিহগৈরভিসন্নাদিতাংতরাম্ ॥ 19 ॥
ক্বচিত্তীররুহৈর্বৃক্ষৈর্মালাভিরিবশোভিতাম্ ।
ক্বচিত্ফুল্লোত্পলচ্ছন্নাং ক্বচিত্পদ্মবনাকুলাম্ ॥ 20 ॥
ক্বচিত্কুমুদষংডৈশ্চ কুড্মলৈরুপশোভিতাম্ ।
নানাপুষ্পরজোধ্বস্তাং সমদামিব চ ক্বচিত্ ॥ 21 ॥
ব্যপেতমলসংঘাতাং মণিনির্মলদর্শনাম্ ।
দিশাগজৈর্বনগজৈ র্মত্তৈশ্চ বরবারণৈঃ ॥ 22 ॥
দেবোপবাহ্য়ৈশ্চ মুহুস্সন্নাদিতবনাংতরাম্ ।
প্রমদামিব যত্নেন ভূষিতাং ভূষণোত্তমৈঃ ॥ 23 ॥
ফলৈঃ পুষ্পৈঃ কিসলয়ৈর্বৃতাং গুল্মৈর্দ্বিজৈস্তথা ।
শিংশুমারৈশ্চ নক্রৈশ্চ ভুজংগৈশ্চ নিষেবিতাম্ ॥ 24 ॥
বিষ্ণুপাদচ্য়ুতাং দিব্য়ামপাপাং পাপনাশিনীম্ ।
তাং শংকরজটাজূটাদ্ভ্রষ্টাং সাগরতেজসা ॥ 25 ॥
সমুদ্রমহিষীং গংগাং সারসক্রৌংচনাদিতাম্ ।
আসসাদ মহাবাহুঃ শৃংগিবেরপুরং প্রতি ॥ 26 ॥
তামূর্মিকলিলাবর্তামন্ববেক্ষ্য় মহারথঃ ।
সুমংত্রমব্রবীত্সূতমিহৈবাদ্য় বসামহে ॥ 27 ॥
অবিদূরাদয়ং নদ্য়া বহুপুষ্পপ্রবালবান্ ।
সুমহানিংগুদীবৃক্ষো বসামোঽত্রৈব সারথে ॥ 28 ॥
দ্রক্ষ্য়াম স্সরিতাং শ্রেষ্ঠাং সম্মান্যসলিলাং শিবাম্ ।
দেবদানবগংধর্বমৃগমানুষপক্ষিণাম্ ॥ 29 ॥
লক্ষ্মণশ্চ সুমংত্রশ্চ বাঢমিত্য়েব রাঘবম্ ।
উক্ত্বা তমিংগুদীবৃক্ষং তদোপযযতুর্হয়ৈঃ ॥ 30 ॥
রামোঽভিয়ায় তং রম্য়ং বৃক্ষমিক্ষ্বাকুনংদনঃ ।
রথাদবাতরত্তস্মাত্সভার্য় স্সহলক্ষ্মণঃ ॥ 31 ॥
সুমংত্রোঽপ্যবতীর্য়াস্মান্মোচয়িত্বা হয়োত্তমান্ ।
বৃক্ষমূলগতং রামমুপতস্থে কৃতাংজলিঃ ॥ 32 ॥
তত্র রাজা গুহো নাম রামস্য়াত্মসমস্সখা ।
নিষাদজাত্য়ো বলবান্ স্থপতিশ্চেতি বিশ্রুতঃ ॥ 33 ॥
স শৃত্বা পুরুষব্য়াঘ্রং রামং বিষযমাগতম্ ।
বৃদ্ধৈঃ পরিবৃতোঽমাত্য়ৈঃ জ্ঞাতিভিশ্চাভ্য়ুপাগতঃ ॥ 34 ॥
ততো নিষাদাধিপতিং দৃষ্ট্বা দূরাদুপস্থিতম্ ।
সহ সৌমিত্রিণা রাম স্সমাগচ্ছদ্গুহেন সঃ ॥ 35 ॥
তমার্তস্সংপরিষ্বজ্য় গুহো রাঘবমব্রবীত্ ।
যথাঽয়োধ্য়া তথেয়ং তে রাম কিং করবাণি তে ॥ 36 ॥
ঈদৃশং হি মহাবাহো কঃ প্রাপ্স্যত্যতিথিং প্রিযম্ ।
ততো গুণবদন্নাদ্যমুপাদায় পৃথগ্বিধম্ ॥ 37 ॥
অর্ঘ্য়ং চোপানযত্ক্ষিপ্রং বাক্য়ং চেদমুবাচ হ ।
স্বাগতং তে মহাবাহো তবেযমখিলা মহী ॥ 38 ॥
বয়ং প্রেষ্য়া ভবান্ভর্তা সাধু রাজ্য়ং প্রশাধি নঃ ।
ভক্ষ্য়ং ভোজ্য়ং চ পেয়ং চ লেহ্য়ংচেদমুপস্থিতম্ ॥ 39 ॥
শযনানি চ মুখ্য়ানি বাজিনাং খাদনং চ তে ।
এবং ব্রুবাণং তু গুহং রাঘবঃ প্রত্য়ুবাচ হ ॥ 40 ॥
অর্চিতাশ্চৈব হৃষ্টাশ্চ ভবতা সর্বথা বযম্ ।
পদ্ভ্য়ামভিগমাচ্চৈব স্নেহসংদর্শনেন চ ॥ 41 ॥
ভুজাভ্য়াং সাধু পীনাভ্য়াং পীডযন্বাক্যমব্রবীত্ ।
দিষ্ট্য়া ত্বাং গুহ পশ্য়ামি হ্যরোগং সহ বাংধবৈঃ ।
অপি তে কুশলং রাষ্ট্রে মিত্রেষু চ ধনেষু চ ॥ 42 ॥
যত্ত্বিদং ভবতা কিংচিত্প্রীত্য়া সমুপকল্পিতম্ ।
সর্বং তদনুজানামি ন হি বর্তে প্রতিগ্রহে ॥ 43 ॥
কুশচীরাজিনধরং ফলমূলাশিনং চ মাম্ ।
বিদ্ধি প্রণিহিতং ধর্মে তাপসং বনগোচরম্ ॥ 44 ॥
অশ্বানাং খাদনেনাহমর্থী নান্য়েন কেনচিত্ ।
এতাবতাঽত্র ভবতা ভবিষ্য়ামি সুপূজিতঃ ॥ 45 ॥
এতে হি দয়িতা রাজ্ঞঃ পিতুর্দশরথস্য় মে ।
এতৈস্সুবিহিতৈরশ্বৈ ভবিষ্য়াম্যহমর্চিতঃ ॥ 46 ॥
অশ্বানাং প্রতিপানং চ খাদনং চৈব সোঽন্বশাত্ ।
গুহস্তত্রৈব পুরুষাং স্ত্বরিতং দীযতামিতি ॥ 47 ॥
ততশ্চীরোত্তরাসংগঃ সংধ্য়ামন্বাস্য় পশ্চিমাম্ ।
জলমেবাদদে ভোজ্য়ং লক্ষ্মণেনাঽঽহৃতং স্বযম্ ॥ 48 ॥
তস্য় ভূমৌ শয়ানস্য় পাদৌ প্রক্ষাল্য় লক্ষ্মণঃ ।
সভার্যস্য় ততোঽভ্য়েত্য় তস্থৌ বৃক্ষমুপাশ্রিতঃ ॥ 49 ॥
গুহোঽপি সহ সূতেন সৌমিত্রিমনুভাষযন্ ।
অন্বজাগ্রত্ততো রামমপ্রমত্তো ধনুর্ধরঃ ॥ 50 ॥
তথা শয়ানস্য় ততোঽস্য় ধীমতো যশস্বিনো দাশরথের্মহাত্মনঃ ।
অদৃষ্টদুঃখস্য় সুখোচিতস্য় সা তদাব্যতীয়ায় চিরেণ শর্বরী ॥ 51 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে পংচাশস্সর্গঃ ॥
