শ্রীমদ্বাল্মীকীয় রামাযণে অয়োধ্য়াকাংডম্ ।
অথ ত্রিপংচাশস্সর্গঃ ।
স তং বৃক্ষং সমাসাদ্য় সংধ্য়ামন্বাস্যপশ্চিমাম্ ।
রামো রমযতাং শ্রেষ্ঠ ইতি হোবাচ লক্ষ্মণম্ ॥ 1 ॥
অদ্য়েয়ং প্রথমা রাত্রির্য়াতা জনপদাদ্বহিঃ ।
যা সুমংত্রেণ রহিতা তাং নোত্কংঠিতুমর্হসি ॥ 2 ॥
জাগর্তব্যমতংদ্রিভ্য়ামদ্যপ্রভৃতি রাত্রিষু ।
যোগক্ষেমৌ হি সীতায়া বর্তেতে লক্ষ্মণাবয়োঃ ॥ 3 ॥
রাত্রিং কথংচিদেবেমাং সৌমিত্রে বর্তয়ামহে ।
অপাবর্তামহে ভূমাবাস্তীর্য় স্বযমার্জিতৈঃ ॥ 4 ॥
স তু সংবিশ্য় মেদিন্য়াং মহার্হশযনোচিতঃ ।
ইমাঃ সৌমিত্রয়ে রামো ব্য়াজহার কথাঃ শুভাঃ ॥ 5 ॥
ধ্রুবমদ্য় মহারাজো দুঃখং স্বপিতি লক্ষ্মণ ।
কৃতকামা তু কৈকেয়ী তুষ্টা ভবিতুমর্হতি ॥ 6 ॥
সা হি দেবী মহারাজং কৈকেয়ী রাজ্যকারণাত্ ।
অপি ন চ্য়াবয়েত্প্রাণান্ দৃষ্ট্বা ভরতমাগতম্ ॥ 7 ॥
অনাথশ্চ হি বৃদ্ধশ্চ ময়া চৈব বিনাকৃতঃ ।
কিং করিষ্যতি কামাত্মা কৈকেয়ী বশমাগতঃ ॥ 8 ॥
ইদং ব্যসনমালোক্য় রাজ্ঞশ্চ মতিবিভ্রমম্ ।
কাম এবার্থধর্মাভ্য়াং গরীয়ানিতি মে মতিঃ ॥ 9 ॥
কো হ্যবিদ্বানপি পুমান্ প্রমদায়াঃ কৃতে ত্যজেত্ ।
ছংদানুবর্তিনং পুত্রং তাতো মামিব লক্ষ্মণ ॥ 10 ॥
সুখী বত সভার্যশ্চ ভরতঃ কেকয়ীসুতঃ ।
মুদিতান্ কোসলানেকো যো ভোক্ষ্যত্যধিরাজবত্ ॥ 11 ॥
স হি সর্বস্য় রাজ্যস্য় মুখমেকং ভবিষ্যতি ।
তাতে চ বযসাঽতীতে ময়ি চারণ্যমাস্থিতে ॥ 12 ॥
অর্থধর্মৌ পরিত্যজ্য় য কামমনুবর্ততে ।
এবমাপদ্যতে ক্ষিপ্রং রাজা দশরথো যথা ॥ 13 ॥
মন্য়ে দশরথাংতায় মম প্রব্রাজনায় চ ।
কৈকেয়ী সৌম্য় সংপ্রাপ্তা রাজ্য়ায় ভরতস্য় চ ॥ 14 ॥
অপীদানীং তু কৈকেয়ী সৌভাগ্যমদমোহিতা ।
কৌসল্য়াং চ সুমিত্রাং চ সংপ্রবাধেত মত্কৃতে ॥ 15 ॥
মা স্ম মত্কারণাদ্দেবী সুমিত্রা দুঃখমাবসেত্ ।
অয়োধ্য়ামিত এব ত্বং কাল্য়ে প্রবিশ লক্ষ্মণ ॥ 16 ॥
অহমেকো গমিষ্য়ামি সীতয়া সহ দংডকান্ ।
অনাথায়া হি নাথস্ত্বং কৌশল্য়ায়া ভবিষ্যসি ॥ 17 ॥
ক্ষুদ্রকর্মা হি কৈকেয়ী দ্বেষ্যমন্য়ায়্যমাচরেত্ ।
পরিদদ্য়াহি ধর্মজ্ঞে ভরতে মম মাতরম্ ॥ 18 ॥
নূনং জাত্য়ংতরে কস্মিন্ স্ত্রিয়ঃ পুত্রৈর্বিয়োজিতাঃ ।
জনন্য়া মম সৌমিত্রে তস্মাদেতদুপস্থিতম্ ॥ 19 ॥
ময়া হি চিরপুষ্টেন দুখসংবর্ধিতেন চ ।
বিপ্রয়ুজ্যত কৌশল্য়া ফলকালে ধিগস্তু মাম্ ॥ 20 ॥
মা স্ম সীমংতিনী কাচিজ্জনয়েত্পুত্রমীদৃশম্ ।
সৌমিত্রে যোঽহমংবায়া দদ্মি শোকমনংতকম্ ॥ 21 ॥
মন্য়ে প্রীতিবিশিষ্টা সা মত্তো লক্ষ্মণ শারিকা ।
যস্য়াস্তচ্ছ্রূযতে বাক্য়ং শুক পাদমরের্দশ ॥ 22 ॥
শোচংত্য়া অল্পভাগ্য়ায়া ন কিংচিদুপকুর্বতা ।
পুত্রেণ কিমপুত্রায়া ময়া কার্যমরিংদম ॥ 23 ॥
অল্পভাগ্য়া হি মে মাতা কৌশল্য়া রহিতা ময়া ।
শেতে পরমদুঃখার্তা পতিতা শোকসাগরে ॥ 24 ॥
একো হ্যহময়োধ্য়াং চ পৃথিবীং চাপি লক্ষ্মণ ।
তরেযমিষুভিঃ ক্রুদ্ধো ননু বীর্যমকারণম্ ॥ 25 ॥
অধর্মভযভীতশ্চ পরলোকস্য় চানঘ ।
তেন লক্ষ্মণ নাদ্য়াহ মাত্মানমভিষেচয়ে ॥ 26 ॥
এতদন্যশ্চ করুণং বিলপ্য় বিজনে বনে ।
অশ্রুপূর্ণমুখো রামো নিশি তূষ্ণীমুপাবিশত্ ॥ 27 ॥
বিলপ্য়োপরতং রামং গতার্চিষমিবানলম্ ।
সমুদ্রমিব নির্বেগমাশ্বাসযত লক্ষ্মণঃ ॥ 28 ॥
ধ্রুবমদ্য় পুরী রাজন্নয়োধ্য়ায়ুধিনাং বর ।
নিষ্প্রভা ত্বয়ি নিষ্ক্রাংতে গতচংদ্রেব শর্বরী ॥ 29 ॥
নৈতদৌপয়িকং রাম যদিদং পরিতপ্যতে ।
বিষাদযসি সীতাং চ মাং চৈব পুরুষর্ষভ ॥ 30 ॥
ন চ সীতা ত্বয়া হীনা ন চাহমপি রাঘব ।
মুহূর্তমপি জীবাবো জলান্মত্স্য়াবিনোদ্ধৃতৌ ॥ 31 ॥
নহি তাতং ন শত্রুঘ্নং ন সুমিত্রাং পরংতপ ।
দ্রষ্টুমিচ্ছেযমদ্য়াহং স্বর্গং চাপি ত্বয়া বিনা ॥ 32 ॥
ততস্তত্র সুখাসীনৌ নাতিদূরে নিরীক্ষ্য় তাম্ ।
ন্যগ্রোধে সুকৃতাং শয়্য়াং ভেজাতে ধর্মবত্সলৌ ॥ 33 ॥
স লক্ষ্মণস্য়োত্তমপুষ্কলং বচো নিশম্য় চৈবং বনবাসমাদরাত্ ।
সমাঃ সমস্তা বিদধে পরংতপঃ প্রপদ্য় ধর্মং সুচিরায় রাঘবঃ ॥ 34 ॥
ততস্তু তস্মিন্ বিজনে বনে তদা মহাবলৌ রাঘববংশবর্ধনৌ ।
ন তৌ ভয়ং সংভ্রমমভ্য়ুপেযতু র্যথৈব সিংহৌ গিরিসানুগোচরৌ ॥ 35 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে ত্রিপংচাশস্সর্গঃ ॥
