শ্রীমদ্বাল্মীকীয় রামাযণে অয়োধ্য়াকাংডম্ ।
অথ সপ্তমস্সর্গঃ ।
জ্ঞাতিদাসী যতো জাতা কৈকেয়্য়াস্তু সহোষিতা ।
প্রাসাদং চংদ্রসংকাশমারুরোহ যদৃচ্ছয়া ॥ 1 ॥
সিক্তরাজপথাং কৃত্স্নাং প্রকীর্ণকুসুমোত্করাম্ ।
অয়োধ্য়াং মংথরা তস্মাত্প্রাসাদাদন্ববৈক্ষত ॥ 2 ॥
পতাকাভির্বরার্হাভির্ধ্বজৈশ্চ সমলংকৃতাম্ ।
বৃতাং ছংদপথৈশ্চাপি শিরস্স্নাতজনৈর্বৃতাম্ ॥ 3 ॥
মাল্যমোদকহস্তৈশ্চ দ্বিজেংদ্রৈরভিনাদিতাম্ ।
শুক্লদেবগৃহদ্বারাং সর্ববাদিত্রনিস্বনাম্ ॥ 4 ॥
সংপ্রহৃষ্টজনাকীর্ণাং ব্রহ্মঘোষাভিনাদিতাম্ ।
প্রহৃষ্টবরহস্ত্যশ্বাং সংপ্রণর্দিতগোবৃষাম্ ॥ 5 ॥
প্রহৃষ্টমুদিতৈঃ পৌরৈরুচ্ছ্রিতধ্বজমালিনীম্ ।
অয়োধ্য়াং মংথরা দৃষ্ট্বা পরং বিস্মযমাগতা ॥ 6 ॥
প্রহর্ষোত্ফুল্লনযনাং পাংডুরক্ষৌমবাসিনীম্ ।
অবিদূরে স্থিতাং দৃষ্ট্বা ধাত্রীং পপ্রচ্ছ মংথরা ॥ 7 ॥
উত্তমেনাভিসংয়ুক্তা হর্ষেণার্থপরা সতী ।
রামমাতা ধনং কিন্নু জনেভ্যস্সংপ্রযচ্ছতি ॥ 8 ॥
অতিমাত্রপ্রহর্ষোঽয়ং কিং জনস্য় চ শংস মে ।
কারয়িষ্যতি কিং বাপি সংপ্রহৃষ্টো মহীপতিঃ ॥ 9 ॥
বিদীর্যমাণা হর্ষেণ ধাত্রী তু পরয়া মুদা ।
আচচক্ষেঽথ কুব্জায়ৈ ভূযসীং রাঘব শ্রিযম্ ॥ 10 ॥
শ্বঃ পুষ্য়েণ জিতক্রোধং যৌবরাজ্য়েন রাঘবম্ ।
রাজা দশরথো রামমভিষেচয়িতাঽনঘম্ ॥ 11 ॥
ধাত্র্য়াস্তু বচনং শৃত্বা কুব্জা ক্ষিপ্রমমর্ষিতা ।
কৈলাসশিখরাকারা ত্প্রাসাদাদবরোহত ॥ 12 ॥
সা দহ্যমানা কোপেন মংথরা পাপদর্শিনী ।
শয়ানামেত্য় কৈকেয়ীমিদং বচনমব্রবীত্ ॥ 13 ॥
উত্তিষ্ঠ মূঢে কিং শেষে ভয়ং ত্বামভিবর্ততে ।
উপপ্লুতামৌঘেন কিমাত্মানং ন বুধ্যসে ॥ 14 ॥
অনিষ্টে সুভগাকারে সৌভাগ্য়েন বিকত্থসে ।
চলং হি তব সৌভাগ্য়ং নদ্য়াস্স্রোত ইবোষ্ণগে ॥ 15 ॥
এবমুক্তা তু কৈকেয়ী রুষ্টয়া পরুষং বচঃ ।
কুব্জয়া পাপদর্শিন্য়া বিষাদমগমত্পরম্ ॥ 16 ॥
কৈকেয়ী ত্বব্রবীত্কুব্জাং কচ্চিত্ক্ষেমং নু মংথরে ।
বিষণ্ণবদনাং হি ত্বাং লক্ষয়ে ভৃশদুঃখিতাম্ ॥ 17 ॥
মংথরা তু বচ শ্শ্রুত্বা কৈকেয়্য়া মধুরাক্ষরম্ ।
উবাচ ক্রোধসংয়ুক্তা বাক্য়ং বাক্যবিশারদা ॥ 18 ॥
সা বিষণ্ণতরা ভূত্বা কুব্জা তস্য়া হিতৈষিণী ।
বিষাদয়ংতী প্রোবাচ ভেদয়ংতী চ রাঘবম্ ॥ 19 ॥
অক্ষয়্য়ং সুমহদ্দেবি প্রবৃত্তং ত্বদ্বিনাশনম্ ।
রামং দশরথো রাজা যৌবরাজ্য়েঽভিষেক্ষ্যতি ॥ 20 ॥
সাঽস্ম্যগাধে ভয়ে মগ্না দুঃখশোকসমন্বিতা ।
দহ্যমানাঽনলেনেব ত্বদ্ধিতার্থমিহাগতা ॥ 21 ॥
তব দুঃখেন কৈকেয়ি মম দুঃখং মহদ্ভবেত্ ।
ত্বদ্বৃদ্ধৌ মম বৃদ্ধিশ্চ ভবেদত্র ন সংশয়ঃ ॥ 22 ॥
নরাধিপকুলে জাতা মহিষী ত্বং মহীপতেঃ ।
উগ্রত্বং রাজধর্মাণাং কথং দেবি ন বুধ্যসে ॥ 23 ॥
ধর্মাবাদী শঠো ভর্তা শ্লক্ষ্ণবাদী চ দারুণঃ ।
শুদ্ধভাবে ন জানীষে তেনৈব মতিসংধিতা ॥ 24 ॥
উপস্থিতঃ প্রয়ুংজানস্ত্বয়ি সাংত্বমনর্থকম্ ।
অর্থেনৈবাদ্য় তে ভর্তা কৌসল্য়াং যোজয়িষ্যতি ॥ 25 ॥
উপবাহ্য় স দুষ্টাত্মা ভরতং তব বংধুষু ।
কাল্য়ে স্থাপয়িতা রামং রাজ্য়ে নিহতকংটকে ॥ 26 ॥
শত্রুঃ পতিপ্রবাদেন মাত্রেব হিতকাম্যয়া ।
আশীবিষ ইবাংকেন বালে পরিধৃতস্ত্বয়া ॥ 27 ॥
যথা হি কুর্য়াত্সর্পো বা শত্রুর্বা প্রত্য়ুপেক্ষিতঃ ।
রাজ্ঞা দশরথেনাদ্য় সপুত্রা ত্বং তথা কৃতা ॥ 28 ॥
পাপেনানৃতসাংত্বেন বালে নিত্যসুখোচিতে ।
রামং স্থাপযতা রাজ্য়ে সানুবংধা হতা হ্যসি ॥ 29 ॥
সা প্রাপ্তকালং কৈকেয়ি ক্ষিপ্রং কুরু হিতং তব ।
ত্রাযস্ব পুত্রমাত্মানং মাং চ বিস্মযদর্শনে ॥ 30 ॥
মংথারায়া বচশ্শ্রুত্বা শয়ানা সা শুভাননা ।
উত্তস্থৌ হর্ষসংপূর্ণা চংদ্রলেখেব শারদী ॥ 31 ॥
অতীব সা তু সংহৃষ্টা কৈকেয়ী বিস্ময়ান্বিতা ।
একমাভরণং তস্য়ৈ কুব্জায়ৈ প্রদদৌ শুভম্ ॥ 32 ॥
দত্বা ত্বাভরণং তস্য়ৈ কুব্জায়ৈ প্রমদোত্তমা ।
কৈকেয়ী মংথরাং দৃষ্ট্বা পুনরেবাব্রবীদিদম্ ॥ 33 ॥
ইদং তু মংথরে মহ্যমাখ্য়াসি পরমং প্রিযম্ ।
এতন্মে প্রিযমাখ্য়াতুঃ কিং বা ভূয়ঃ করোমি তে ॥ 34 ॥
রামে বা ভরতে বাঽহং বিশেষং নোপলক্ষয়ে ।
তস্মাত্তুষ্টাঽস্মি যদ্রাজা রামং রাজ্য়েঽভিষেক্ষ্যতি ॥ 35 ॥
ন মে পরং কিংচিদিতস্ত্বয়া পুনঃ প্রিয়ং প্রিয়ার্হে সুবচং বচঃপরম্ ।
তথা হ্যবোচস্ত্বমতঃ প্রিয়োত্তরং বরং পরং তে প্রদদামি তং বৃণু ॥ 36 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে সপ্তমস্সর্গঃ ॥
