শ্রীমদ্বাল্মীকীয় রামাযণে অয়োধ্য়াকাংডম্ ।
অথ ত্রিসপ্ততিতমস্সর্গঃ ।
সশ্রূত্বা তু পিতরং বৃত্তং ভ্রাতরৌ চ বিবাসিতৌ ।
ভরতো দুঃখসংতপ্ত ইদং বচনমব্রবীত্ ॥ 1 ॥
কিং নু কার্য়ং হতস্য়েহ মম রাজ্য়েন শোচতঃ ।
বিহীনস্য়াথ পিত্রা চ ভ্রাত্রা পিতৃসমেন চ ॥ 2 ॥
দুঃখে মে দুঃখমকরোর্ব্রণে ক্ষারমিবাদধাঃ ।
রাজানং প্রেতভাবস্থং কৃত্বা রামং চ তাপসম্ ॥ 3 ॥
কুলস্য় ত্বমভাবায় কালরাত্রিরিবাঽগতা ।
অংগারমুপগূহ্য় স্ম পিতা মে নাববুদ্ধবান্ ॥ 4 ॥
মৃত্য়ুমাপাদিতো পিতা ত্বয়া মে পাপদর্শিনি ।
সুখং পরিহৃতং মোহাত্কুলেঽস্মিন্কুলপাংসনি ॥ 5 ॥
ত্বাং প্রাপ্য় হি পিতা মেঽদ্য় সত্যসংধো মহাযশাঃ ।
তীব্রদুঃখাভিসংতপ্তো বৃত্তো দশরথো নৃপঃ ॥ 6 ॥
বিনাশিতো মহারাজঃ পিতা মে ধর্মবত্সলঃ ।
কস্মাত্প্রব্রাজিতো রামঃ কস্মাদেব বনং গতঃ ॥ 7 ॥
কৌসল্য়া চ সুমিত্রা চ পুত্রশোকাভিপীডিতে ।
দুষ্করং যদি জীবেতাং প্রাপ্য় ত্বাং জননীং মম ॥ 8 ॥
ননুত্বার্য়োঽপি ধর্মাত্মা ত্বয়ি বৃতিমনুত্তমাম্ ।
বর্ততে গুরুবৃত্তিজ্ঞো যথা মাতরি বর্ততে ॥ 9 ॥
তস্য়াঃ পুত্রং কৃতাঽত্মানং চীরবল্কলবাসসম্ ।
প্রস্থাপ্য় বনবাসায় কথং পাপে ন শোচসি ॥ 10 ॥
অপাপদর্শনং শূরং কৃতাত্মানং যশস্বিনম্ ।
প্রব্রাজ্য় চীরবসনং কিন্নু পশ্যসি কারণম্ ॥ 11 ॥
লুব্ধায়া বিদিতো মন্য়ে ন তেঽহং রাঘবং প্রতি ।
তথাহ্যনর্ধো রাজ্য়ার্থং ত্বয়াঽনীতো মহানযম্ ॥ 12 ॥
অহং হি পুরুষব্য়াঘ্রাবপশ্যন্রামলক্ষ্মণৌ ।
কেন শক্তিপ্রভাবেন রাজ্য়ং রক্ষিতুমুত্সহে ॥ 13 ॥
তং হি নিত্য়ং মহারাজো বলবংতং মহাবলঃ ।
উপাশ্রিতোঽভূদ্ধর্মাত্মা মেরুর্মেরুবনং যথা ॥ 14 ॥
সোঽহং কথমিমং ভারং মহাধুর্যসমুদ্ধৃতম্ ।
দম্য়োধুরমিবাঽঽসাদ্য় বহেয়ং কেনচৌজসা ॥ 15 ॥
অথবা মে ভবেচ্ছক্তির্য়োগৈর্বুদ্ধিবলেন বা ।
সকামাং ন করিষ্য়ামি ত্বামহং পুত্রগর্ধিনীম্ ॥ 16 ॥
ন মে বিকাংক্ষা জায়েত ত্যক্তুং ত্বাং পাপনিশ্চয়াম্ ।
যদি রামস্য় নাবেক্ষা ত্বয়ি স্য়ান্মাতৃবত্সদা ॥ 17 ॥
উত্পন্নাতু কথং বুদ্ধিস্তবেয়ং পাপদর্শিনি ।
সাধুচারিত্রবিভ্রষ্টে পূর্বেষাং নো বিগর্হিতা ॥ 18 ॥
অস্মিন্কুলে হি পূর্বেষাং জ্য়েষ্ঠো রাজ্য়েঽভিষিচ্যতে ।
অপরে ভ্রাতরস্তস্মিন্প্রবর্তংতে সমাহিতাঃ ॥ 19 ॥
ন হি মন্য়ে নৃশংসে ত্বং রাজধর্মমবেক্ষসে ।
গতিং বা ন বিজানাসি রাজবৃত্তস্য় শাশ্বতীম্ ॥ 20 ॥
সততং রাজবৃত্তে হি জ্য়েষ্ঠো রাজ্য়েঽভিষিচ্যতে ।
রাজ্ঞামেতত্সমং তত্স্য়াদিক্ষ্বাকূণাং বিশেষতঃ ॥ 21 ॥
তেষাং ধর্মৈকরক্ষাণাং কুলচারিত্রশোভিনাম্ ।
অদ্য় চারিত্রশৌংডীর্য়ং ত্বাং প্রাপ্য় বিনিবর্তিতম্ ॥ 22 ॥
তবাপি সুমহাভাগা জনেংদ্রাঃ কুলপূর্বগাঃ ।
বুদ্ধের্মোহঃ কথময়ং সংভূতস্ত্বয়ি গর্হিতঃ ॥ 23 ॥
ন তু কামং করিষ্য়ামি তবাঽহং পাপনিশ্চয়ে ।
ত্বয়া ব্যসনমারব্ধং জীবিতাংতকরং মম ॥ 24 ॥
এষত্বিদানীমেবাহমপ্রিয়ার্থং তবানঘম্ ।
নিবর্তয়িষ্য়ামি বনাদ্ভ্রাতরং স্বজনপ্রিযম্ ॥ 25 ॥
নিবর্তয়িত্বা রামং চ তস্য়াহং দীপ্ততেজসঃ ।
দাসভূতো ভবিষ্য়ামি সুস্থিরেণাংতরাত্মনা ॥ 26 ॥
ইত্য়েবমুক্ত্বা ভরতো মহাত্মা প্রিয়েতরৈর্বাক্যগণৈস্তুদংস্তাম্ ।
শোকাতুরশ্চাপি ননাদ ভূয়ঃ সিংহো যথা পর্বতগহ্বরস্থঃ ॥ 27 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে ত্রিসপ্ততিতমস্সর্গঃ ॥
