শ্রীমদ্বাল্মীকীয় রামাযণে অয়োধ্য়াকাংডম্ ।
অথ পংচসপ্ততিতমস্সর্গঃ ।
দীর্ঘকালাত্সমুত্থায় সংজ্ঞাং লব্ধ্বা চ বীর্যবান্ ।
নেত্রাভ্য়ামশ্রুপূর্ণাভ্য়াং দীনামুদ্বীক্ষ্য় মাতরম্ ॥ 1 ॥
সোঽমাত্যমধ্য়ে ভরতো জননীমভ্যকুত্সযত্ ।
রাজ্য়ং ন কাময়ে জাতু মংত্রয়ে নাপি মাতরম্ ॥ 2 ॥
অভিষেকং ন জানামি যোঽভূদ্রাজ্ঞা সমীক্ষিতঃ ।
বিপ্রকৃষ্টেহ্যহং দেশে শত্রুঘ্নসহিতোঽবসম্ ॥ 3 ॥
বনবাসং ন জানামি রামস্য়াহং মহাত্মনঃ ।
বিবাসনং বা সৌমিত্রে স্সীতায়াশ্চ যথাঽভবত্ ॥ 4 ॥
তথৈব ক্রোশতস্তস্য় ভরতস্য় মহাত্মনঃ ।
কৌসল্য়া শব্দমাজ্ঞায় সুমিত্রামিদমব্রবীত্ ॥ 5 ॥
আগতঃ ক্রূরকার্য়ায়াঃ কৈকেয়্য়া ভরতস্সুতঃ ।
তমহং দ্রষ্টুমিচ্ছামি ভরতং দীর্ঘদর্শিনম্ ॥ 6 ॥
এবমুক্ত্বা সুমিত্রাং সা বিবর্ণা মলিনা কৃশা ।
প্রতস্থে ভরতো যত্র বেপমানা বিচেতনা ॥ 7 ॥
স তু রামানুজশ্চাপি শত্রুঘ্নসহিতস্তদা ।
প্রতস্থে ভরতো যত্র কৌসল্য়ায়া নিবেশনম্ ॥ 8 ॥
তত শ্শত্রুঘ্নভরতৌ কৌসল্য়াং প্রেক্ষ্য় দুঃখিতৌ ।
পর্যষ্বজেতাং দুঃখার্তাং পতিতাং নষ্টচেতসাম্ ॥ 9 ॥
রুদংতৌ রুদতীং দুঃখাত্সমেত্য়ার্য়াং মনস্স্বিনীম্ ।
ভরতং প্রত্য়ুবাচেদং কৌসল্য়া ভৃশদুঃখিতা ॥ 10 ॥
ইদং তে রাজ্যকামস্য় রাজ্য়ং প্রাপ্তমকংটকম্ ।
সংপ্রাপ্তং বত কৈকেয়্য়া শশীঘ্রং ক্রূরেণ কর্মণা ॥ 11 ॥
প্রস্থাপ্য় চীরবসনং পুত্রং মে বনবাসিনম্ ।
কৈকেয়ী কং গুণং তত্র পশ্যতি ক্রূরদর্শিনী ॥ 12 ॥
ক্ষিপ্রং মামপি কৈকেয়ী প্রস্থাপয়িতুমর্হতি ।
হিরণ্যনাভো যত্রাস্তে সুতো মে সুমহাযশাঃ ॥ 13 ॥
অথবা স্বযমেবাহং সুমিত্রানুচরা সুখম্ ।
অগ্নিহোত্রং পুরস্কৃত্য় প্রস্থাস্য়ে যত্র রাঘবঃ ॥ 14 ॥
কামং বা স্বযমেবাদ্য় তত্র মাং নেতুমর্হসি ।
যত্রাসৌ পুরুষব্য়াঘ্রঃ পুত্রো মে তপ্যতে তপঃ ॥ 15 ॥
ইদং হি তব বিস্তীর্ণং ধনধান্যসমাচিতম্ ।
হস্ত্বশ্বরথসংপূর্ণং রাজ্য়ং নির্য়াতিতং তয়া ॥ 16 ॥
ইত্য়াদিবহুভির্বাক্য়ৈঃ ক্রূরৈঃ সংভর্ত্সিতোঽনঘঃ ।
বিব্যথে ভরতস্তীব্রং ব্রণে তুদ্য়েব সূচিনা ॥ 17 ॥
পপাত চরণৌ তস্য়াস্তদা সংভ্রাংতচেতনঃ ।
বিলপ্য় বহুধাঽসংজ্ঞো লব্ধসংজ্ঞস্ততঃ স্থিতঃ ॥ 18 ॥
এবং বিলপমানাং তাং ভরতঃ প্রাংজলিস্তদা ।
কৌসল্য়াং প্রত্য়ুবাচেদং শোকৈর্বহুভিরাবৃতাম্ ॥ 19 ॥
আর্য়ে কস্মাদজানংতং গর্হসে মামকিল্বিষম্ ।
বিপুলাং চ মম প্রীতিং স্থিরাং জানাসি রাঘবে ॥ 20 ॥
কৃতা শাস্ত্রানুগা বুদ্ধির্মাভূত্তস্য় কদাচন ।
সত্যসংধ স্সতাং শ্রেষ্ঠো যস্য়াঽর্য়োঽনুমতে গতঃ ॥ 21 ॥
প্রেষ্য়ং পাপীযসাং যাতু সূর্য়ংচ প্রতিমেহতু ।
হংতু পাদেন গাং সুপ্তাং যস্য়াঽর্য়োঽনুমতে গতঃ ॥ 22 ॥
কারয়িত্বা মহত্কর্ম ভর্তা ভৃত্যমনর্থকম্ ।
অধর্মো যোঽস্য় সোঽস্য়াস্তু যস্য়াঽর্য়োঽনুমতেগতঃ ॥ 23 ॥
পরিপালযমানস্য় রাজ্ঞো ভূতানি পুযত্রবত্ ।
ততস্নু দুহ্যতাং পাপং যস্য়াঽর্য়োঽনুমতে গতঃ ॥ 24 ॥
বলিষড্ভাগমুদ্ধৃত্য় নৃপস্য়ারক্ষতঃ প্রজাঃ ।
অধর্মো যোঽস্য় সোঽস্য়াস্তু যস্য়ার্থোঽনুমতে গতঃ ॥ 25 ॥
সংশ্রুত্য় চ তপস্বিভ্যস্সত্রে বৈ যজ্ঞদক্ষিণাম্ ।
তাং বিপ্রলপতাং পাপং যস্য়ার্য়োঽনুমতে গতঃ ॥ 26 ॥
হস্ত্যশ্বরথসংবাধে যুদ্ধে শস্ত্রসমাকুলে ।
মা স্ম কার্ষীত্সতাং ধর্মং যস্য়ার্য়োঽনুমতে গতঃ ॥ 27 ॥
উপদিষ্টং সুসূক্ষ্মার্থং শাস্ত্রং যত্নেন ধীমতা ।
স নাশযতু দুষ্টাত্মা যস্য়াঽর্য়োঽনুমতে গতঃ ॥ 28 ॥
মা চ তং ব্য়ূঢবাহ্বংসং চংদ্রার্কসমতেজসম্ ।
দ্রাক্ষীদ্রাজ্যস্থমাসীনং যস্য়ার্য়োঽনুমতেগতঃ ॥ 29 ॥
পাযসং কৃসরং ছাগং বৃথা সোঽশ্নাতু নির্ঘৃণঃ ।
গুরূংশ্চাপ্যবজানাতু যস্য়াঽর্য়োঽনুমতে গতঃ ॥ 30 ॥
গাশ্চ স্পৃশতু পাদেন গুরূন্পরিবদেত্স্বযম্ ।
মিত্রে দ্রুহ্য়েত সোঽত্য়ংতং যস্য়াঽর্য়োঽনুমতে গতঃ ॥ 31 ॥
বিশ্বাসাত্কথিতং কিংচিত্পরিবাদং মিথঃ ক্বচিত্ ।
বিবৃণোতু স দুষ্টাত্মা যস্য়াঽর্য়োঽমতে গতঃ ॥ 32 ॥
অকর্তা হ্যকৃতজ্ঞশ্চ ত্যক্তাচাঽত্মা নিরপত্রপঃ ।
লোকে ভবতু বিদ্বিষ্টো যস্য়ার্য়োঽনুমতে গতঃ ॥ 33 ॥
পুত্রৈর্দারৈশ্চ ভৃত্য়ৈশ্চ স্বগৃহে পরিবারিতঃ ।
স একো মৃষ্টমশ্নাতু যস্য়ার্য়োঽনুমতে গতঃ ॥ 34 ॥
অপ্রাপ্য় সদৃশান্ দারাননপত্য়ঃ প্রমীযতাম্ ।
অনবাপ্য় ক্রিয়াং ধর্ম্য়াং যস্য়াঽর্য়োঽনুমতে গতঃ ॥ 35 ॥
মাঽত্মনস্সংততিং দ্রাক্ষীত্স্বেষু দারেষু দুঃখিতঃ ।
আয়ুস্সমগ্রমপ্রাপ্য় যঽস্য়ার্য়োঽনুমতে গতঃ ॥ 36 ॥
রাজস্ত্রীবালবৃদ্ধানাং বধে যত্পাপমুচ্যতে ।
ভৃত্যত্য়াগে চ যত্পাপং তত্পাপং প্রতিপদ্যতাম্ ॥ 37 ॥
লাক্ষয়া মধুমাংসেন লোহেন চ বিষেণ চ ।
সদৈব বিভৃয়াদ্ভৃত্য়ান্যস্য়ার্য়োঽনুমতে গতঃ ॥ 38 ॥
সংগ্রমে সমুপোঢে স্ম শত্রুপক্ষভয়ংকরে ।
পলায়ামানো বধ্য়েত যস্য়ার্য়োঽনুমতে গতঃ ॥ 39 ॥
কপালপাণিঃ পৃথিবীমটতাং চীরসংবৃতঃ ।
ভিক্ষমাণো যথোন্মত্তো যস্য়ার্য়োঽনুমতে গতঃ ॥ 40 ॥
মদ্য়ে প্রসক্তো ভবতু স্ত্রীষ্বক্ষেষু চ নিত্যশঃ ।
কামক্রোধাভিভূতস্তু যস্য়ার্য়োঽনুমতে গতঃ ॥ 41 ॥
মাস্ম ধর্মে মনো ভূয়াদধর্মং স নিষেবতাম্ ।
অপাত্রবর্ষী ভবতু যস্য়ার্য়োঽনুমতে গতঃ ॥ 42 ॥
সংচিতান্যস্য় বিত্তনি বিবিধানি সহস্রশঃ ।
দস্য়ুভির্বিপ্রলুপ্য়ংতাং যস্য়ার্য়োঽনুমতে গতঃ ॥ 43 ॥
উভে সংধ্য়ে শয়ানস্য় যত্পাপং পরিকল্প্যতে ।
তচ্চপাপং ভবেত্তস্য় যস্য়ার্য়োঽনুমতে গতঃ ॥ 44 ॥
যদগ্নিদাযকে পাপং যত্পাপং গুরতল্পগে ।
মিত্রদ্রোহে চ যত্পাপং তত্পাপং প্রতিপদ্যতাম্ ॥ 45 ॥
দেবতানাং পিত্রূণাং চ মাতাপিত্রোস্তথৈব চ ।
মা স্ম কার্ষীত্স শুশ্রূষাং যস্য়ার্য়োঽনুমতে গতঃ ॥ 46 ॥
সতাং লোকাত্সতাং কীর্ত্য়া স্সংজুষ্টাত্কর্মণস্তথা ।
ভ্রশ্যতু ক্ষিপ্রমদ্য়ৈব যস্য়ার্য়োঽনুমতে গতঃ ॥ 47 ॥
অপাস্য় মাতৃশুশ্রূষামনর্থে সোঽবতিষ্ঠতাম্ ।
দীর্ঘবাহুর্মহাবক্ষাঃ যস্য়ার্য়োঽনুমতে গতঃ ॥ 48 ॥
বহুপুত্রো দরিদ্রশ্চ জ্বররোগসমন্বিতঃ ।
স ভূয়াত্সতত ক্লেশী যস্য়ার্য়োঽনুমতে গতঃ ॥ 49 ॥
আশামাশংসমানানাং দীনানামূর্ধ্বচক্ষুষাম্ ।
অর্থিনাং বিতথাং কুর্য়াদ্যস্য়ার্য়োঽনুমতে গতঃ ॥ 50 ॥
মাযয়া রমতাং নিত্য়ং পরুষঃ পিশুনোঽশুচিঃ ।
রাজ্ঞো ভীতস্ত্বধর্মাত্মা যস্য়ার্য়োঽনুমতে গতঃ ॥ 51 ॥
ঋতুস্নাতাং সতীং ভার্য়ামৃতুকালানুরোধিনীম্ ।
অতিবর্তেত দুষ্টাত্মা যস্য়ার্য়োঽনুমতে গতঃ ॥ 52 ॥
সধর্মদারান্পরিত্যজ্য় পরদারান্নিষেবতাম্ ।
ত্যক্তধর্মরতির্মূঢো যস্য়ার্য়োঽনুমতে গতঃ ॥ 53 ॥
বিপ্রলুপ্তপ্রজাতস্য় দুষ্কৃতং ব্রাহ্মণস্য় যত্ ।
তদেব প্রতিপদ্য়েত যস্য়ার্য়োঽনুমতে গতঃ ॥ 54 ॥
পানীযদূষকে পাপং তথৈব বিষদাযকে ।
যত্তদেকস্স লভতাং যস্য়ার্য়োঽনুমতে গতঃ ॥ 55 ॥
ব্রাহ্মণায়োদ্যতাং পূজাং বিহংতু কলুষেংদ্রিয়ঃ ।
বালবত্সাং চ গাং দোগ্ধু যস্য়ার্য়ো ঽনুমতে গতঃ ॥ 56 ॥
তুর্ষ্ণার্তং সতি পানীয়ে বিপ্রলংভেন যোজয়েত্ ।
লভেত তস্য় যত্পাপং যস্য়ার্য়োঽনুমতে গতঃ ॥ 57 ॥
ভক্ত্য়া বিবদমানেষু মার্গমাশ্রিত্য় পশ্যতঃ ।
তস্য় পাপেন যুজ্য়েত যস্য়ার্য়োঽনুমতে গতঃ ॥ 58 ॥
বিহীনাং পতিপুত্রাভ্য়াং কৌসল্য়াং পার্থিবাত্মজঃ ।
এবমাশ্বাসযন্নেব দুঃখার্তো নিপপাত হ ॥ 59 ॥
তথা তু শপথৈঃ কষ্টৈ শ্শপমানমচেতনম্ ।
ভরতং শোকসংতপ্তং কৌসল্য়া বাক্যমব্রবীত্ ॥ 60 ॥
মম দুঃখমিদং পুত্র ভূযস্সমুপজাযতে ।
শপথৈ শ্শপমানো হি প্রাণানুপরুণত্সি মে ॥ 61 ॥
দিষ্ট্য়া ন চলিতো ধর্মাদাত্মা তে সহলক্ষ্মণঃ ।
বত্স সত্যপ্রতিজ্ঞো তে সতাং লোকমবাপ্স্যসি ॥ 62 ॥
ইত্য়ুক্ত্বা চাংকমানীয় ভরতং ভ্রাতৃবত্সলম্ ।
পরিষ্বজ্য় মহাবাহুং রুরোদ ভৃশদুঃখিতা ॥ 63 ॥
এবং বিলপমানস্য় দুঃখার্তস্য় মহাত্মনঃ ।
মোহাচ্চ শোকসম্রোধাদ্বভূব লুলিতং মনঃ ॥ 64 ॥
লালপ্যমানস্য় বিচেতনস্য় প্রণষ্টবুদ্ধেঃ পতিতস্য় ভূমৌ ।
মুহুর্মুহুর্নিশ্শ্বসতশ্চ ঘর্মং সা তস্য় শোকেন জগাম রাত্রিঃ ॥ 65 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে পংচসপ্ততিতমস্সর্গঃ ॥
