শ্রীমদ্বাল্মীকীয় রামাযণে অয়োধ্য়াকাংডম্ ।
অথ একোনাশীতিতমস্সর্গঃ ।
ততঃ প্রভাতসময়ে দিবসেঽথ চতুর্দশে ।
সমেত্য় রাজকর্তারো ভরতং বাক্যমব্রুবন্ ॥ 1 ॥
গতো দশরথস্স্বর্গং যো নো গুরুতরো গুরুঃ ।
রামং প্রব্রাজ্য় বৈ জ্য়েষ্ঠং লক্ষ্মণং চ মহাবলম্ ॥ 2 ॥
ত্বমদ্য় ভব নো রাজা রাজপুত্র মহাযশঃ ।
সংগত্য়া নাপরাধ্নোতি রাজ্যমেতদনাযকম্ ॥ 3 ॥
অভিষেচনিকং সর্বমিদমাদায় রাঘব ।
প্রতীক্ষতে ত্বাং স্বজনশ্শ্রেণযশ্চ নৃপাত্মজ ॥ 4 ॥
রাজ্য়ং গৃহাণ ভরত পিতৃপৈতামহং ধ্রুবম্ ।
অভিষেচয় চাত্মানং পাহি চাস্মান্নরর্ষভ ॥ 5 ॥
অভিষেচনিকং ভাংডং কৃত্বা সর্বং প্রদক্ষিণম্ ।
ভরতস্তং জনং সর্বং প্রত্য়ুবাচ ধৃতব্রতঃ ॥ 6 ॥
জ্য়েষ্ঠস্য় রাজতা নিত্যমুচিতা হি কুলস্য় নঃ ।
নৈবং ভবংতো মাং বক্তুমর্হংতি কুশলা জনাঃ ॥ 7 ॥
রামঃ পূর্বো হি নো ভ্রাতা ভবিষ্যতি মহীপতিঃ ।
অহং ত্বরণ্য়ে বত্স্য়ামি বর্ষাণি নব পংচ চ ॥ 8 ॥
যুজ্যতাং মহতী সেনা চতুরংগমহাবলা ।
আনয়িষ্য়াম্যহং জ্য়েষ্ঠং ভ্রাতরং রাঘবং বনাত্ ॥ 9 ॥
অভিষেচনিকং চৈব সর্বমেতদুপস্কৃতম্ ।
পুরস্কৃত্য় গমিষ্য়ামি রামহেতোর্বনং প্রতি ॥ 10 ॥
তত্রৈবং তং নরব্য়াঘ্রমভিষিচ্য় পুরস্কৃতম্ ।
আনেষ্য়ামি তু বৈ রামং হব্যবাহমিবাধ্বরাত্ ॥ 11 ॥
ন সকামাং করিষ্য়ামি স্বামিমাং মাতৃগংধিনীম্ ।
বনে বত্স্য়াম্যহং দুর্গে রামো রাজা ভবিষ্যতি ॥ 12 ॥
ক্রিযতাং শিল্পিভিঃ পংথা স্সমানি বিষমাণি চ ।
রক্ষিণশ্চানুসম্য়াংতু পথি দুর্গবিচারকাঃ ॥ 13 ॥
এবং সংভাষমাণং তং রামহেতোর্নৃপাত্মজম্ ।
প্রত্য়ুবাচ জনস্সর্ব শ্শ্রীমদ্বাক্যমনুত্তমম্ ॥ 14 ॥
এবং তে ভাষমাণস্য় পদ্মা শ্রীরুপতিষ্ঠতাত্ ।
যস্ত্বং জ্য়েষ্ঠে নৃপসুতে পৃথিবীং দাতুমিচ্ছসি ॥ 15 ॥
অনুত্তমং তদ্বচনং নৃপাত্মজপ্রভাষিতং সংশ্রবণে নিশম্য় চ ।
প্রহর্ষজাস্তং প্রতি বাষ্পবিংদবো নিপেতুরার্য়ানননেত্রসংভবাঃ ॥ 16 ॥
ঊচুস্তে বচনমিদং নিশম্য় হৃষ্টা স্সামাত্য়া স্সপরিষদো বিয়াতশোকাঃ ।
পংথানং নরবর ভক্তিমান্ জনশ্চ ব্য়াদিষ্টস্তব বচনাচ্চ শিল্পিবর্গঃ ॥ 17 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে একোনাশীতিতমস্সর্গঃ ॥
