ශ්රීමද්වාල්මීකීය රාමායණේ අයෝධ්යාකාංඩම් ।
අථ ඒකෝනාශීතිතමස්සර්ගඃ ।
තතඃ ප්රභාතසමයේ දිවසේऽථ චතුර්දශේ ।
සමේත්ය රාජකර්තාරෝ භරතං වාක්යමබ්රුවන් ॥ 1 ॥
ගතෝ දශරථස්ස්වර්ගං යෝ නෝ ගුරුතරෝ ගුරුඃ ।
රාමං ප්රව්රාජ්ය වෛ ජ්යේෂ්ඨං ලක්ෂ්මණං ච මහාබලම් ॥ 2 ॥
ත්වමද්ය භව නෝ රාජා රාජපුත්ර මහායශඃ ।
සංගත්යා නාපරාධ්නෝති රාජ්යමේතදනායකම් ॥ 3 ॥
අභිෂේචනිකං සර්වමිදමාදාය රාඝව ।
ප්රතීක්ෂතේ ත්වාං ස්වජනශ්ශ්රේණයශ්ච නෘපාත්මජ ॥ 4 ॥
රාජ්යං ගෘහාණ භරත පිතෘපෛතාමහං ධ්රුවම් ।
අභිෂේචය චාත්මානං පාහි චාස්මාන්නරර්ෂභ ॥ 5 ॥
අභිෂේචනිකං භාංඩං කෘත්වා සර්වං ප්රදක්ෂිණම් ।
භරතස්තං ජනං සර්වං ප්රත්යුවාච ධෘතව්රතඃ ॥ 6 ॥
ජ්යේෂ්ඨස්ය රාජතා නිත්යමුචිතා හි කුලස්ය නඃ ।
නෛවං භවංතෝ මාං වක්තුමර්හංති කුශලා ජනාඃ ॥ 7 ॥
රාමඃ පූර්වෝ හි නෝ භ්රාතා භවිෂ්යති මහීපතිඃ ।
අහං ත්වරණ්යේ වත්ස්යාමි වර්ෂාණි නව පංච ච ॥ 8 ॥
යුජ්යතාං මහතී සේනා චතුරංගමහාබලා ।
ආනයිෂ්යාම්යහං ජ්යේෂ්ඨං භ්රාතරං රාඝවං වනාත් ॥ 9 ॥
අභිෂේචනිකං චෛව සර්වමේතදුපස්කෘතම් ।
පුරස්කෘත්ය ගමිෂ්යාමි රාමහේතෝර්වනං ප්රති ॥ 10 ॥
තත්රෛවං තං නරව්යාඝ්රමභිෂිච්ය පුරස්කෘතම් ।
ආනේෂ්යාමි තු වෛ රාමං හව්යවාහමිවාධ්වරාත් ॥ 11 ॥
න සකාමාං කරිෂ්යාමි ස්වාමිමාං මාතෘගංධිනීම් ।
වනේ වත්ස්යාම්යහං දුර්ගේ රාමෝ රාජා භවිෂ්යති ॥ 12 ॥
ක්රියතාං ශිල්පිභිඃ පංථා ස්සමානි විෂමාණි ච ।
රක්ෂිණශ්චානුසම්යාංතු පථි දුර්ගවිචාරකාඃ ॥ 13 ॥
ඒවං සංභාෂමාණං තං රාමහේතෝර්නෘපාත්මජම් ।
ප්රත්යුවාච ජනස්සර්ව ශ්ශ්රීමද්වාක්යමනුත්තමම් ॥ 14 ॥
ඒවං තේ භාෂමාණස්ය පද්මා ශ්රීරුපතිෂ්ඨතාත් ।
යස්ත්වං ජ්යේෂ්ඨේ නෘපසුතේ පෘථිවීං දාතුමිච්ඡසි ॥ 15 ॥
අනුත්තමං තද්වචනං නෘපාත්මජප්රභාෂිතං සංශ්රවණේ නිශම්ය ච ।
ප්රහර්ෂජාස්තං ප්රති බාෂ්පබිංදවෝ නිපේතුරාර්යානනනේත්රසංභවාඃ ॥ 16 ॥
ඌචුස්තේ වචනමිදං නිශම්ය හෘෂ්ටා ස්සාමාත්යා ස්සපරිෂදෝ වියාතශෝකාඃ ।
පංථානං නරවර භක්තිමාන් ජනශ්ච ව්යාදිෂ්ටස්තව වචනාච්ච ශිල්පිවර්ගඃ ॥ 17 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ අයෝධ්යාකාංඩේ ඒකෝනාශීතිතමස්සර්ගඃ ॥
