শ্রীমদ্বাল্মীকীয় রামাযণে অয়োধ্য়াকাংডম্ ।
অথ অষ্টমস্সর্গঃ ।
মংথরা ত্বভ্যসূয়ৈনামুত্সৃজ্য়াভরণং চ তত্ ।
উবাচেদং ততো বাক্য়ং কোপদুঃখসমন্বিতা ॥ 1 ॥
হর্ষং কিমিদমস্থানে কৃতবত্যসি বালিশে ।
শোকসাগরমধ্যস্থমাত্মানং নাববুধ্যসে ॥ 2 ॥
মনসা প্রহসামি ত্বাং দেবি দুঃখার্দিতা সতী ।
যচ্ছোচিতব্য়ে হৃষ্টাঽসি প্রাপ্য়েদং ব্যসনং মহত্ ॥ 3 ॥
শোচামি দুর্মতিত্বং তে কা হি প্রাজ্ঞা প্রহর্ষয়েত্ ।
অরেস্সপত্নীপুত্রস্য় বৃদ্ধিং মৃত্য়োরিবাগতাম্ ॥ 4 ॥
ভরতাদেব রামস্য় রাজ্যসাধারণাদ্ভযম্ ।
তদ্বিচিংত্য় বিষণ্ণাঽস্মি ভয়ং ভীতাঽদ্ধি জাযতে ॥ 5 ॥
লক্ষ্মণো হি মহেষ্বাসো রামং সর্বাত্মনা গতঃ ।
শত্রুঘ্নশ্চাপি ভরতং কাকুত্স্থং লক্ষ্মণো যথা ॥ 6 ॥
প্রত্য়াসন্নক্রমেণাপি ভরতস্য়ৈব ভামিনি ।
রাজ্যক্রমো বিপ্রকৃষ্টস্তয়োস্তাবত্কনীযসোঃ ॥ 7 ॥
বিদুষঃ ক্ষত্রচারিত্রে প্রাজ্ঞস্য় প্রাপ্তকারিণঃ ।
ভয়াত্প্রবেপে রামস্য় চিংতয়ংতী তবাত্মজম্ ॥ 8 ॥
সুভগা খলু কৌশল্য়া যস্য়াঃ পুত্রোঽভিষেক্ষ্যতে ।
যৌবরাজ্য়েন মহতা শ্বঃ পুষ্য়েণ দ্বিজোত্তমৈঃ ॥ 9 ॥
প্রাপ্তাং সুমহতীং প্রীতিং প্রতীতাং তাং হতদ্বিষম্ ।
উপস্থাস্যসি কৌসল্য়াং দাসীব ত্ত্বং কৃতাংজলিঃ ॥ 10 ॥
এবং চেত্ত্বং সহাস্মাভিস্তস্য়াঃ প্রেষ্য়া ভবিষ্যসি ।
পুত্রশ্চ তব রামস্য় প্রেষ্যভাবং গমিষ্যতি ॥ 11 ॥
হৃষ্টাঃ খলু ভবিষ্য়ংতি রামস্য় পরমাস্স্ত্রিয়ঃ ।
অপ্রহৃষ্টা ভবিষ্য়ংতি স্নুষাস্তে ভরতক্ষয়ে ॥ 12 ॥
তাং দৃষ্ট্বা পরমপ্রীতাং ব্রুবংতীং মংথরাং ততঃ ।
রামস্য়ৈব গুণাংদেবী কৈকেয়ী প্রশশংস হ ॥ 13 ॥
ধর্মজ্ঞো গুরুভির্দাংতঃ কৃতজ্ঞস্সত্যবাক্ছুচিঃ ।
রামো রাজ্ঞ স্সুতো জ্য়েষ্ঠো যৌবরাজ্যমতোঽর্হতি ॥ 14 ॥
ভ্রাতৃন্ভৃত্য়াংশ্চ দীর্ঘায়ুঃ পিতৃবত্পালয়িষ্যতি ।
সংতপ্স্যসে কথং কুব্জে শ্রুত্বা রামাভিষেচনম্ ॥ 15 ॥
ভরতশ্চাপি রামস্য় ধ্রুবং বর্ষশতাত্পরম্ ।
পিতৃপৈতামহং রাজ্যমবাপ্তা পুরুষর্ষভঃ ॥ 16 ॥
সা ত্বমভ্য়ুদয়ে প্রাপ্তে বর্তমানে চ মংথরে ।
ভবিষ্যতি চ কল্য়াণে কিমর্থং পরিতপ্যসে ॥ 17 ॥
যথা মে ভরতো মান্যস্তথা ভূয়োঽপি রাঘবঃ ।
কৌশল্য়াতোঽতিরিক্তং চ সোঽনুশুশ্রূষতে হি মাম্ ॥ 18 ॥
রাজ্য়ং যদি হি রামস্য় ভরতস্য়াপি তত্তদা ।
মন্যতে হি যথাত্মানং তথা ভ্রাতৃংশ্চ রাঘবঃ ॥ 19 ॥
কৈকেয়ীবচনং শ্রুত্বা মংথরা ভৃশদুঃখিতা ।
দীর্ঘমুষ্ণং চ বিনিশ্বস্য় কৈকেয়ীমিদমব্রবীত্ ॥ 20 ॥
অনর্থদর্শিনী মৌর্খ্য়ান্নাত্মানমববুধ্যসে ।
শোকব্যসনবিস্তীর্ণে মজ্জংতী দুঃখসাগরে ॥ 21 ॥
ভবিতা রাঘবো রাজা রাঘবস্য়ানু যস্সুতঃ ।
রাজবংশাত্তু কৈকেয়ি ভরতঃপরিহাস্যতে ॥ 22 ॥
ন হি রাজ্ঞস্সুতা স্সর্বে রাজ্য়ে তিষ্ঠংতি ভামিনি ।
স্থাপ্যমানেষু সর্বেষু সুমহাননয়ো ভবেত্ ॥ 23 ॥
তস্মাজ্জ্য়েষ্ঠে হি কৈকেয়ি রাজ্যতংত্রাণি পার্থিবাঃ ।
স্থাপয়ংত্যনবদ্য়াংগি গুণবত্স্বিতরেষ্বপি ॥ 24 ॥
অসাবত্য়ংতনির্ভগ্নস্তব পুত্রো ভবিষ্যতি ।
অনাথবত্সুখেভ্যশ্চ রাজবংশাচ্চ বত্সলে ॥ 25 ॥
সাঽহং ত্বদর্থে সংপ্রাপ্তা ত্বং তু মাং নাববুদ্ধ্যসে ।
সপত্নি বৃদ্ধৌ যা মে ত্বং প্রদেয়ং দাতুমিচ্ছসি ॥ 26 ॥
ধ্রুবং তু ভরতং রামঃ প্রাপ্য় রাজ্যমকংটকম্ ।
দেশাংতরং বা নয়িতা লোকাংতরমথাঽপি বা ॥ 27 ॥
বাল এব হি মাতুল্য়ং ভরতো নায়িতস্ত্বয়া ।
সন্নিকর্ষাচ্চ সৌহার্দং জাযতে স্থাবরেষ্বপি ॥ 28 ॥
ভরতস্য়াপ্যনুবশশ্শত্রুঘ্নোঽপি সমং গতঃ ।
লক্ষ্মণো হি যথা রামং তথাঽসৌ ভরতং গতঃ ॥ 29 ॥
শ্রূযতে হি দ্রুমঃ কশ্চিচ্ছেত্তব্য়ো বনজীবিভিঃ ।
সন্নিকর্ষাদিষীকাভির্মোচিতঃ পরমাদ্ভয়াত্ ॥ 30 ॥
গোপ্তা হি রামং সৌমিত্রির্লক্ষ্মণং চাপি রাঘবঃ ।
অশ্বিনোরিব সৌভ্রাত্রং তয়োর্লোকেষু বিশ্রুতম্ ॥ 31 ॥
তস্মান্ন লক্ষ্মণে রামঃ পাপং কিংচিত্করিষ্যতি ।
রামস্তু ভরতে পাপং কুর্য়াদিতি ন সংশয়ঃ ॥ 32 ॥
তস্মাদ্রাজগৃহাদেব বনং গচ্ছতু তে সুতঃ ।
এতদ্ধি রোচতে মহ্য়ং ভৃশং চাপি হিতং তব ॥ 33 ॥
এবং তে জ্ঞাতিপক্ষস্য় শ্রেযশ্চৈব ভবিষ্যতি ।
যদি চেদ্ভরতো ধর্মাত্পিত্র্য়ং রাজ্যমবাপ্স্যসি ॥ 34 ॥
স তে সুখোচিতো বালো রামস্য় সহজো রিপুঃ ।
সমৃদ্ধার্থস্য় নষ্টার্থো জীবিষ্যতি কথং বশে ॥ 35 ॥
অভিদ্রুতমিবারণ্য়ে সিংহেন গজয়ূথপম্ ।
প্রচ্ছাদ্যমানং রামেণ ভরতং ত্রাতুমর্হসি ॥ 36 ॥
দর্পান্নিরাকৃতা পূর্বং ত্বয়া সৌভাগ্যবত্তয়া ।
রামমাতা সপত্নী তে কথং বৈরং ন শাতয়েত্ ॥ 37 ॥
যদা হি রামঃ পৃথিবীমবাপ্স্যতি প্রভূতরত্নাকরশৈলপত্তনাম্ ।
তদা গমিষ্যস্যশুভং পরাভবং সহৈব দীনা ভরতেন ভামিনি ॥ 38 ॥
যদা হি রামঃ পৃথিবীমবাপ্স্যতি ধ্রুবং প্রণষ্টো ভরতো ভবিষ্যতি ।
অতো হি সংচিংতয় রাজ্যমাত্মজে পরস্য় চৈবাদ্য় বিবাসকারণম্ ॥ 39 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে অষ্টমস্সর্গঃ ॥
