শ্রীমদ্বাল্মীকীয় রামাযণে অয়োধ্য়াকাংডম্ ।
অথ দ্বাশীতিতমস্সর্গঃ ।
তামার্যগণসংপূর্ণাং ভরতঃ প্রগ্রহাং সভাম্ ।
দদর্শ বুদ্ধিসংপন্নঃ পূর্ণচংদ্রো নিশামিব ॥ 1 ॥
আসনানি যথান্য়াযমার্য়াণাং বিশতাং তদা ।
বস্ত্রাংগরাগপ্রভয়া দ্য়োতিতা সা সভোত্তমা ॥ 2 ॥
সা বিদ্বজ্জনসংপূর্ণা সভা সুরুচিরা তদা ।
অদৃশ্যত ঘনাপায়ে পূর্ণচংদ্রেব শর্বরী ॥ 3 ॥
রাজ্ঞস্তু প্রকৃতী স্সর্বা স্সমগ্রাঃ প্রেক্ষ্য় ধর্মবিত্ ।
ইদং পুরোহিতো বাক্য়ং ভরতং মৃদু চাব্রবীত্ ॥ 4 ॥
তাত রাজা দশরথ স্স্বর্গতো ধর্মমাচরন্ ।
ধনধান্যবতীং স্ফীতাং প্রদায় পৃথিবীং তব ॥ 5 ॥
রামস্তথা সত্যধৃতিস্সতাং ধর্মমনুস্মরন্ ।
নাজহাত্পিতুরাদেশং শশী জ্য়োত্স্নামিবোদিতঃ ॥ 6 ॥
পিত্রা ভ্রাত্রা চ তে দত্তং রাজ্য়ং নিহতকংটকম্ ।
তদ্ভুংক্ষ্ব মুদিতামাত্য়ঃ ক্ষিপ্রমেবাভিষেচয় ॥ 7 ॥
উদীচ্য়া শ্চ প্রতীচ্য়া শ্চ দাক্ষিণাত্য়াশ্চ কেবলাঃ ।
কোট্য়াপরাংতাস্সামুদ্রারত্নান্যভিহরংতুতে ॥ 8 ॥
তচ্ছ্রুত্বা ভরতো বাক্য়ং শোকেনাভিপরিপ্লুতঃ ।
জগাম মনসা রামং ধর্মজ্ঞো ধর্মকাংক্ষয়া ॥ 9 ॥
সবাষ্পকলয়া বাচা কলহংসস্বরো যুবা ।
বিললাপ সভামধ্য়ে জগর্হে চ পুরোহিতম্ ॥ 10 ॥
চরিতব্রহ্মচর্যস্য় বিদ্য়াস্নাতস্য় ধীমতঃ ।
ধর্মে প্রযতমানস্য় কো রাজ্য়ং মদ্বিধো হরেত্ ॥ 11 ॥
কথং দশরথাজ্জাতো ভবেদ্রাজ্য়াপহারকঃ ।
রাজ্য়ং চাহং চ রামস্য় ধর্মং বক্তুমিহার্হসি ॥ 12 ॥
জ্য়েষ্ঠ শ্শ্রেষ্ঠশ্চ ধর্মাত্মা দিলীপনহুষোপমঃ ।
লব্ধুমর্হতি কাকুত্স্থো রাজ্য়ং দশরথো যথা ॥ 13 ॥
অনার্যজুষ্টমস্বর্গ্য়ং কুর্য়াং পাপমহং যদি ।
ইক্ষ্বাকূণামহং লোকে ভবেয়ং কুলপাংসনঃ ॥ 14 ॥
যদ্ধি মাত্রা কৃতং পাপং নাহং তদপি রোচয়ে ।
ইহস্থো বনদুর্গস্থং নমস্য়ামি কৃতাংজলিঃ ॥ 15 ॥
রামমেবানুগচ্ছামি রাজা স দ্বিপদাং বরঃ ।
ত্রয়াণামপি লোকানাং রাজ্যমর্হতি রাঘবঃ ॥ 16 ॥
তদ্বাক্য়ং ধর্মসংয়ুক্তং শ্রুত্বা সর্বে সভাসদঃ ।
হর্ষান্মুমুচুরশ্রূণি রামে নিহিতচেতসঃ ॥ 17 ॥
যদি ত্বার্য়ং ন শক্ষ্য়ামি বিনিবর্তয়িতুং বনাত্ ।
বনে তত্রৈব বত্স্য়ামি যথাঽর্য়ো লক্ষ্মণস্তথা ॥ 18 ॥
সর্বোপায়ং তু বর্তিষ্য়ে বিনিবর্তয়িতুং বলাত্ ।
সমক্ষমার্যমিশ্রাণাং সাধূনাং গুণবর্তিনাম্ ॥ 19 ॥
বিষ্টিকর্মাংতিকা স্সর্বে মার্গশোধকরক্ষকাঃ ।
প্রস্থাপিতা ময়া পূর্বং যত্রাপি মম রোচতে ॥ 20 ॥
এবমুক্ত্বা তু ধর্মাত্মা ভরতো ভ্রাতৃবত্সলঃ ।
সমীপস্থমুবাচেদং সুমংত্রং মংত্রকোবিদম্ ॥ 21 ॥
তূর্ণমুত্থায় গচ্ছ ত্বং সুমংত্র মম শাসনাত্ ।
যাত্রামাজ্ঞাপয় ক্ষিপ্রং বলং চৈব সমানয় ॥ 22 ॥
এবমুক্ত স্সুমংত্রস্তু ভরতেন মহাত্মনা ।
হৃষ্টস্তদাঽদিশত্সর্বং যথাসংদিষ্টমিষ্টবত্ ॥ 23 ॥
তাঃ প্রহৃষ্টাঃ প্রকৃতয়ো বলাধ্যক্ষা বলস্য় চ ।
শ্রুত্বা যাত্রাং সমাজ্ঞপ্তাং রাঘবস্য় নিবর্তনে ॥ 24 ॥
ততো যোধাংগনা স্সর্বা ভর্ত্রূন্সর্বান্গৃহেগৃহে ।
যাত্রাগমনমাজ্ঞায় ত্বরয়ংতি স্ম হর্ষিতাঃ ॥ 25 ॥
তে হয়ৈর্গোরথৈশ্শীঘ্রৈস্স্য়ংদনৈশ্চ মহাজবৈঃ সহ যোধৈর্বলাধ্যক্ষা বলং সর্বমচোদযন্ ॥ 26 ॥
সজ্জং তু তদ্বলং দৃষ্ট্বা ভরতো গুরুসন্নিধৌ ।
রথং মে ত্বরযস্বেতি সুমংত্রং পার্শ্বতোঽব্রবীত্ ॥ 27 ॥
ভরতস্য় তু তস্য়াজ্ঞাং প্রতিগৃহ্য় চ হর্ষিতঃ ।
রথং গৃহীত্বা প্রযয়ৌ যুক্তং পরমবাজিভিঃ ॥ 28 ॥
স রাঘব স্সত্যধৃতিঃ প্রতাপবান্ ব্রুবন্ সুয়ুক্তং দৃঢসত্যবিক্রমঃ ।
গুরুং মহারণ্যগতং যশস্বিনং প্রসাদয়িষ্যন্ভরতোঽব্রবীত্তদা ॥ 29 ॥
তূর্ণং সমুত্থায় সুমংত্র গচ্ছ বলস্য় যোগায় বলপ্রধানান্ ।
আনেতুমিচ্ছামি হি তং বনস্থং প্রসাদ্য় রামং জগতো হিতায় ॥ 30 ॥
সসূতপুত্রো ভরতেন সম্যগাজ্ঞাপিতস্সংপরিপূর্ণকামঃ ।
শশাস সর্বান্প্রকৃতিপ্রধানান্বলস্য় মুখ্য়াংশ্চ সুহৃজ্জনং চ ॥ 31 ॥
তত স্সমুত্থায় কুলে কুলে তে রাজন্যবৈশ্য়া বৃষলাশ্চ বিপ্রাঃ ।
অয়ূয়ুজন্নুষ্ট্রখরান্রথাংশ্চ নাগান্হয়াংশ্চৈব কুলপ্রসূতান্ ॥ 32 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে দ্বাশীতিতমস্সর্গঃ ॥
