শ্রীমদ্বাল্মীকীয় রামাযণে অয়োধ্য়াকাংডম্ ।
অথ অষ্টাশীতিতমস্সর্গঃ ।
তচ্ছ্রুত্বা নিপুণং সর্বং ভরত স্সহ মংত্রিভিঃ ।
ইংগুদীমূলমাগম্য় রামশয়্য়ামবেক্ষ্য় তাম্ ॥ 1 ॥
অব্রবীজ্জননী স্সর্বা ইহ তেন মহাত্মনা ।
শর্বরী শয়িতা ভূমাবিদমস্য় বিমর্দিতম্ ॥ 2 ॥
তচ্ছ্রুত্বা নিপুণং সর্বং ভরত স্সহ মংত্রিভিঃ ।
ইংগুদীমূলমাগম্য় রামশয়্য়ামবেক্ষ্য় তাম্ ॥ 3 ॥
অব্রবীজ্জননী স্সর্বা ইহ তেন মহাত্মনা ।
শর্বরী শয়িতা ভূমাবিদমস্য় বিমর্দিতম্ ॥ 4 ॥
মহাভাগকুলীনেন মহাভাগেন ধীমতা ।
জাতো দশরথেনোর্ব্য়াং ন রামস্স্বপ্তু মর্হতি ॥ 5 ॥
অজিনোত্তরসংস্তীর্ণে বরাস্তরণসংচয়ে ।
শয়িত্বা পুরুষব্য়াঘ্রঃ কথং শেতে মহীতলে ॥ 6 ॥
প্রাসাদাগ্রবিমানেষু বলভীষু চ সর্বদা ।
হৈমরাজতভৌমেষু বরাস্তরণশালিষু ॥ 7 ॥
পুষ্পসংচযচিত্রেষু চংদনাগরুগংধিষু ।
পাংডুরাভ্রপ্রকাশেষু শুকসংঘরূতেষুচ ॥ 8 ॥
প্রাসাদবরবর্য়েষু শীতবত্সু সুগংধিষু ।
উষিত্বামেরুকল্পেষু কৃতকাংচন ভিত্তিষু ॥ 9 ॥
গীতবাদিত্রনির্ঘোষৈর্বরাভরণনিস্স্বনৈঃ ।
মৃদংগবরশব্দৈশ্চ সততং প্রতিবোধিতঃ ॥ 10 ॥
বংদিভির্বংদিতঃ কালে বহুভি স্সূতমাগধৈঃ ।
গাথাভিরনুরূপাভি স্স্তুতিভিশ্চ পরংতপঃ ॥ 11 ॥
অশ্রদ্ধেযমিদং লোকে ন সত্য়ং প্রতিভাতি মা ।
মুহ্যতে খলু মে ভাব স্স্বপ্নোঽযমিতি মে মতিঃ ॥ 12 ॥
ন নূনং দৈবতং কিংচিত্কালেন বলবত্তরম্ ।
যত্র দাশরথী রামো ভূমাবেব শয়ীত সঃ ॥ 13 ॥
বিদেহরাজস্য় সুতা সীতা চ প্রিযদর্শনা ।
দয়িতা শয়িতা ভূমৌ স্নুষা দশরথস্য় চ ॥ 14 ॥
ইয়ং শয়্য়া মম ভ্রাতুরিদং হি পরিবর্তিতম্ ।
স্থংডিলে কঠিনে সর্বং গাত্রৈ র্বিমৃদিতং তৃণম্ ॥ 15 ॥
মন্য়ে সাভরণা সুপ্তা সীতাঽস্মিংছযনোত্তমে ।
তত্র তত্র হি দৃশ্য়ংতে সক্তাঃ কনকবিংদবঃ ॥ 16 ॥
উত্তরীযমিহাঽসক্তং সুব্যক্তং সীতয়া তদা ।
তথা হ্য়েতে প্রকাশংতে সক্তাঃ কৌশেযতংতবঃ ॥ 17 ॥
মন্য়ে ভর্তু স্সুখা শয়্য়া যেন বালা তপস্বিনী ।
সুকুমারী সতী দুঃখং ন হি বিজানাতি মৈথিলী ॥ 18 ॥
হা হংতাঽস্মি নৃশংসোঽহং যত্সভার্য়ঃ কৃতে মম ।
ঈদৃশীং রাঘবশ্শয়্য়ামধিশেতে হ্যনাথবত্ ॥ 19 ॥
সার্বভৌমকুলে জাত স্সর্বলোকস্য় সম্মতঃ ।
সর্বলোকপ্রিযস্ত্যক্ত্বা রাজ্য়ং সুখমনুত্তম্ ॥ 20 ॥
কথমিংদীবরশ্য়ামো রক্তাক্ষঃ প্রিযদর্শনঃ ।
সুখভাগী ন দুঃখার্হ শ্শয়িতো ভুবি রাঘবঃ ॥ 21 ॥
ধন্য়ঃ খলু মহাভাগো লক্ষ্মণ শ্শুভলক্ষণঃ ।
ভ্রাতরং বিষমে কালে যো রামমনুবর্ততে ॥ 22 ॥
সিদ্ধার্থা খলু বৈদেহী পতিং যাঽনুগতা বনম্ ।
বয়ং সংশয়িতা স্সর্বে হীনাস্তেন মহাত্মনা ॥ 23 ॥
আকর্ণধারা পৃথিবী নৌঃ ইব প্রতিভাতি মা ।
গতে দশরথে স্বর্গং রামে চারণ্যমাশ্রিতে ॥ 24 ॥
ন চ প্রার্থযতে কচ্চিন্মনসাপি বসুংধরাম্ ।
বনেঽপি বসতস্তস্য় বাহুবীর্য়াভিরক্ষিতাম্ ॥ 25 ॥
শূন্যসংবরণারক্ষাময়ংত্রিতহযদ্বিপাম্ ।
অপাবৃতপুরদ্বারাং রাজধানীমরক্ষিতাম্ ॥ 26 ॥
অপ্রহৃষ্টবলাং শূন্য়াং বিষমস্থামনাবৃতাম্ ।
শত্রবো নাভিমন্য়ংতে ভক্ষান্বিষকৃতানিব ॥ 27 ॥
অদ্যপ্রভৃতি ভূমৌ তু শয়িষ্য়েঽহং তৃণেষু বা ।
ফলমূলাশনো নিত্য়ং জটাচীরাণি ধারযন্ ॥ 28 ॥
তস্য়ার্থমুত্তরং কালং নিবত্স্য়ামি সুখং বনে ।
তং প্রতিশ্রবমামুচ্য় নাস্য় মিথ্য়া ভবিষ্যতি ॥ 29 ॥
বসংতং ভ্রাতুরর্থায় শত্রুঘ্নো মাঽনুবত্স্যতি ।
লক্ষ্মণেন সহত্বার্য়ো হ্যয়োধ্য়াং পালয়িষ্যতি ॥ 30 ॥
অভিষেক্ষ্য়ংতি কাকুত্স্থময়োধ্য়ায়াং দ্বিজাতয়ঃ ।
অপি মে দেবতাঃ কুর্য়ুরিমং সত্য়ং মনোরথম্ ॥ 31 ॥
প্রসাদ্যমান শ্শিরসা ময়া স্বয়ং বহুপ্রকারং যদি নাভিপত্স্যতে ।
ততোঽনুবত্স্য়ামি চিরায় রাঘবং বনেচরন্নার্হতি মামুপেক্ষিতুম্ ॥ 32 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে অষ্টাশীতিতমস্সর্গঃ ॥
