শ্রীমদ্বাল্মীকীয় রামাযণে অয়োধ্য়াকাংডম্ ।
অথ নবমস্সর্গঃ ।
এবমুক্তা তু কৈকেয়ী ক্রোধেন জ্বলিতাননা ।
দীর্ঘমুষ্ণং বিনিশ্বস্য় মংথরামিদমব্রবীত্ ॥ 1 ॥
অদ্য় রামমিতঃ ক্ষিপ্রং বনং প্রস্থাপয়াম্যহম্ ।
যৌবরাজ্য়ে চ ভরতং ক্ষিপ্রমেবাভিষেচয়ে ॥ 2 ॥
ইদং ত্বিদানীং সংপশ্য় কেনোপায়েন মংথরে ।
ভরতঃ প্রাপ্নুয়াদ্রাজ্য়ং ন তু রামঃ কথংচন ॥ 3 ॥
এবমুক্তা তয়া দেব্য়া মংথরা পাপদর্শিনী ।
রামার্থমুপহিংসংতী কৈকেয়ীমিদমব্রবীত্ ॥ 4 ॥
হংতেদানীং প্রবক্ষ্য়ামি কৈকেয়ি শ্রূযতাং চ মে ।
যথা তে ভরতো রাজ্য়ং পুত্রঃ প্রাপ্স্যতি কেবলম্ ॥ 5 ॥
কিং ন স্মরসি কৈকেয়ি স্মরংতী বা নিগূহসে ।
যদুচ্যমানমাত্মার্থং মত্তস্ত্বং শ্রোতুমিচ্ছসি ॥ 6 ॥
ময়োচ্যমানং যদি তে শ্রোতুং ছংদো বিলাসিনি ।
শ্রূযতামভিধাস্য়ামি শ্রুত্বা চাপি বিমৃশ্যতাম্ ॥ 7 ॥
শ্রুত্বৈবং বচনং তস্য়া মংথরায়াস্তু কৈকেয়ী ।
কিংচিদুত্থায় শযনাত্স্বাস্তীর্ণাদিদমব্রবীত্ ॥ 8 ॥
কথয় ত্বং মমোপায়ং কেনোপায়েন মংথরে ।
ভরতঃ প্রাপ্নুয়াদ্রাজ্য়ং ন তু রামঃ কথংচন ॥ 9 ॥
এবমুক্তা তয়া দেব্য়া মংথরা পাপদর্শিনী ।
রামার্থমুপহিংসংতী কুব্জা বচনমব্রবীত্ ॥ 10 ॥
তব দৈবাসুরে যুদ্ধে সহ রাজর্ষিভিঃ পতিঃ ।
অগচ্ছত্ত্বামুপাদায় দেবরাজস্য় সাহ্যকৃত্ ॥ 11 ॥
দিশমাস্থায় বৈ দেবি দক্ষিণাং দংডকান্প্রতি ।
বৈজয়ংতমিতি খ্য়াতং পুরং যত্র তিমিধ্বজঃ ॥ 12 ॥
স শংবর ইতি খ্য়াতশ্শতমায়ো মহাসুরঃ ।
দদৌ শক্রস্য় সংগ্রামং দেবসংঘৈরনির্জিতঃ ॥ 13 ॥
তস্মিন্মহতি সংগ্রামে পুরুষান্ক্ষতবিক্ষতান্ ।
রাত্রৌ প্রসুপ্তান্ঘ্নংতি স্ম তরসাঽঽসাদ্য় রাক্ষসাঃ ॥ 14 ॥
তত্রাকরোন্মহদ্য়ুদ্ধং রাজা দশরথস্তদা ।
অসুরৈশ্চ মহাবাহুশ্শস্ত্রৈশ্চ শকলীকৃতঃ ॥ 15 ॥
অপবাহ্য় ত্বয়া দেবি সংগ্রামান্নষ্টচেতনঃ ।
তত্রাপি বিক্ষতশ্শস্ত্রৈঃ পতিস্তে রক্ষিতস্ত্বয়া ॥ 16 ॥
তুষ্টেন তেন দত্তৌ তে দ্বৌ বরৌ শুভদর্শনে ।
স ত্বয়োক্তঃ পতির্দেবি যদেচ্ছেয়ং তদা বরৌ ॥ 17 ॥
গৃহ্ণীয়ামিতি তত্তেন তথেত্য়ুক্তং মহাত্মনা ।
অনভিজ্ঞাম্হ্যহং দেবি ত্বয়ৈব কথিতা পুরা ॥ 18 ॥
কথৈষা তব তু স্নেহান্মনসা ধার্যতে ময়া ।
রামাভিষেকসংভারান্নিগৃহ্য় বিনিবর্তয় ॥ 19 ॥
তৌ বরৌ যাচ ভর্তারং ভরতস্য়াভিষেচনম্ ।
প্রব্রাজনং চ রামস্য় ত্বং বর্ষাণি চতুর্দশ ॥ 20 ॥
চতুর্দশ হি বর্ষাণি রামে প্রব্রাজিতে বনম্ ।
প্রজাভাবগতস্নেহস্স্থিরঃ পুত্রো ভবিষ্যতি ॥ 21 ॥
ক্রোধাগারং প্রবিশ্য়াঽদ্য় ক্রুদ্ধেবাশ্বপতেস্সুতে ।
শেষ্বাঽনংতর্হিতায়াং ত্বং ভূমৌ মলিনবাসিনী ॥ 22 ॥
মাস্মৈনং প্রত্য়ুদীক্ষেথা মা চৈনমভিভাষথাঃ ।
রুদংতী চাপি তং দৃষ্ট্বা জগত্য়াং শোকলালসা ॥ 23 ॥
দয়িতা ত্বং সদা ভর্তুরত্র মে নাস্তি সংশয়ঃ ।
ত্বত্কৃতে স মহারাজো বিশেদপি হুতাশনম্ ॥ 24 ॥
ন ত্বাং ক্রোধয়িতুং শক্তো ন ক্রৃদ্ধাং প্রত্য়ুদীক্ষিতুম্ ।
তব প্রিয়ার্থং রাজা হি প্রাণানপি পরিত্যজেত্ ॥ 25 ॥
ন হ্যতিক্রমিতুং শক্তস্তব বাক্য়ং মহীপতিঃ ।
মংদস্বভাবে বুধ্যস্ব সৌভাগ্যবলমাত্মনঃ ॥ 26 ॥
মণিমুক্তং সুবর্ণানি রত্নানি বিবিধানি চ ।
দদ্য়াদ্দশরথো রাজা মাস্ম তেষু মনঃ কৃথাঃ ॥ 27 ॥
যৌ তৌ দৈবাসুরে যুদ্ধে বরৌ দশরথোঽদদাত্ ।
তৌ স্মারয় মহাভাগে সোঽর্থো ন ত্বামতিক্রমেত্ ॥ 28 ॥
যদাতু তে বরং দদ্য়াত্স্বযমুত্থাপ্য় রাঘবঃ ।
ব্যবস্থাপ্য় মহারাজং ত্বমিমং বৃণুয়া বরম্ ॥ 29 ॥
রামং প্রব্রাজয়ারণ্য়ে নব বর্ষাণি পংচ চ ।
ভরতঃ ক্রিযতাং রাজা পৃথিব্য়াঃ পার্থিবর্ষভঃ ॥ 30 ॥
চতুর্দশ হি বর্ষাণি রামে প্রব্রাজিতে বনম্ ।
রূঢশ্চ কৃতমূলশ্চ শেষং স্থাস্যতি তে সুতঃ ॥ 31 ॥
রামপ্রব্রাজনং চৈব দেবি যাচস্ব তং বরম্ ।
এবং সিদ্ধ্য়ংতি পুত্রস্য় সর্বার্থাস্তব ভামিনি ॥ 32 ॥
এবং প্রব্রাজিতশ্চৈব রামোঽরামো ভবিষ্যতি ।
ভরতশ্চ হতামিত্রস্তব রাজা ভবিষ্যতি ॥ 33 ॥
যেন কালেন রামশ্চ বনাত্প্রত্য়াগমিষ্যতি ।
তেন কালেন পুত্রস্তে কৃতমূলো ভবিষ্যতি ॥ 34 ॥
সুগৃহীতমনুষ্যশ্চ সুহৃদ্ভিস্সার্ধমাত্মবান্ ।
প্রাপ্তকালং নু মন্য়েঽহং রাজানং বীতসাধ্বসা ॥ 35 ॥
রামাভিষেকসংকল্পান্নিগৃহ্য় বিনিবর্তয় ।
অনর্থমর্থরূপেণ গ্রাহিতা সা ততস্তয়া ॥ 36 ॥
হৃষ্টা প্রতীতা কৈকেয়ী মংথরামিদমব্রবীত্ ।
সা হি বাক্য়েন কুব্জায়াঃ কিশোরীবোত্পথং গতা ॥ 37 ॥
কৈকেয়ী বিস্ময়ং প্রাপ্তা পরং পরমদর্শনা ।
কুব্জে ত্বাং নাভিজানামি শ্রেষ্ঠাং শ্রেষ্ঠাভিথায়িনীম্ ॥ 38 ॥
পৃথিব্য়ামসি কুব্জানামুত্তমা বুদ্ধিনিশ্চয়ে ।
ত্বমেব তু মমাঽর্থেষু নিত্যয়ুক্তা হিতৈষিণী ॥ 39 ॥
নাহং সমববুধ্য়েয়ং কুব্জে রাজ্ঞশ্চিকীর্ষিতম্ ।
সংতি দুস্সংস্থিতাঃ কুব্জা বক্রাঃ পরমদারুণাঃ ॥ 40 ॥
ত্বং পদ্মমিব বাতেন সন্নতা প্রিযদর্শনা ।
ত্বং পদ্মমিব বাতেন সন্নতা প্রিযদর্শনা ।
উরস্তেঽভিনিবিষ্টং বৈ যাবত্স্কংধাত্ সমুন্নতম্ ॥ 41 ॥
অধস্তাচ্চোদরং শাতং সুনাভমিব লজ্জিতম্ ।
পরিপূর্ণং তু জঘনং সুপীনৌ চ পয়োধরৌ ॥ 42 ॥
বিমলেংদুসমং বক্ত্রমহোরাজসি মংথরে ।
জঘনং তব নির্ঘুষ্টং রশনাদামশোভিতম্ ॥ 43 ॥
জংঘে ভৃশমুপন্যস্তে পাদৌ চাপ্য়াযতাবুভৌ ।
ত্বমাযতাভ্য়াং সক্থিভ্য়াং মংথরে ক্ষৌমবাসিনী ॥ 44 ॥
অগ্রতো মম গচ্ছংতী রাজহংসীব রাজসে ।
আসন্য়াশ্শংবরে মায়াস্সহস্রমসুরাধিপে ॥ 45 ॥
সর্বাস্ত্বয়ি নিবিষ্টাস্তা ভূযশ্চান্য়াস্সহস্রশঃ ।
তবেদং স্থগু যদ্দীর্ঘং রথঘোণমিবাযতম্ ॥ 46 ॥
মতয়ঃ ক্ষত্রবিদ্য়াশ্চ মায়াশ্চাত্র বসংতি তে ।
অত্র তে প্রতিমোক্ষ্য়ামি মালাং কুব্জে হিরণ্ময়ীম্ ॥ 47 ॥
অভিষিক্তে চ ভরতে রাঘবে চ বনং গতে ।
জাত্য়েন চ সুবর্ণেন সুনিষ্টপ্তেন মংথরে ॥ 48 ॥
লব্ধার্থা চ প্রতীতা চ লেপয়িষ্য়ামি তে স্থগু ।
মুখে চ তিলকং চিত্রং জাতরূপময়ং শুভম্ ॥ 49 ॥
কারয়িষ্য়ামি তে কুব্জে শুভান্য়াভরণানি চ ।
পরিধায় শুভে বস্ত্রে দেবতেব চরিষ্যসি ॥ 50 ॥
চংদ্রমাহ্বযমানেন মুখেনাপ্রতিমাননা ।
গমিষ্যসি গতিং মুখ্য়াং গর্বয়ংতী দ্বিষজ্জনম্ ॥ 51 ॥
তবাপি কুব্জাঃ কুব্জায়াস্সর্বাভরণভূষিতাঃ ।
পাদৌ পরিচরিষ্য়ংতি যথৈব ত্বং সদা মম ॥ 52 ॥
ইতি প্রশস্যমানা সা কৈকেয়ীমিদমব্রবীত্ ।
শয়ানাং শযনে শুভ্রে বেদ্য়ামগ্নিশিখামিব ॥ 53 ॥
গতোদকে সেতুবংধো ন কল্য়াণি বিধীযতে ।
উত্তিষ্ঠ কুরু কল্য়াণি রাজানমনুদর্শয় ॥ 54 ॥
তথা প্রোত্সাহিতা দেবী গত্বা মংথরয়া সহ ।
ক্রোধাগারং বিশালাক্ষী সৌভাগ্যমদগর্বিতা ॥ 55 ॥
অনেকশতসাহস্রং মুক্তাহারং বরাংগনা ।
অবমুচ্য় বরার্হাণি শুভান্য়াভরণানি চ ॥ 56 ॥
ততো হেমোপমা তত্র কুব্জাবাক্যবশং গতা ।
সংবিশ্য় ভূমৌ কৈকেয়ী মংথরামিদমব্রবীত্ ॥ 57 ॥
ইহ বা মাং মৃতাং কুব্জে নৃপায়াবেদয়িষ্যসি ।
বনং তু রাঘবে প্রাপ্তে ভরতঃ প্রাপ্স্যতি ক্ষিতিম্ ॥ 58 ॥
ন সুবর্ণেন মে হ্যর্থো ন রত্নৈর্ন চ ভূষণৈঃ ।
এষ মে জীবিতস্য়াংতো রামো যদ্যভিষিচ্যতে ॥ 59 ॥
অথো পুনস্তাং মহিষীং মহীক্ষিতো বচোভিরত্যর্থমহাপরাক্রমৈঃ ।
উবাচ কুব্জা ভরতস্য় মাতরং হিতং বচো রামমুপেত্য় চাহিতম্ ॥ 60 ॥
প্রপত্স্যতে রাজ্যমিদং হি রাঘবো যদি ধ্রুবং ত্বং সসুতা চ তপ্স্যসে ।
অতো হি কল্য়াণি যতস্ব তত্তথা যথা সুতস্তে ভরতোঽভিষেক্ষ্যতে ॥ 61 ॥
তথাঽতিবিদ্ধা মহিষী তু কুব্জয়া সমাহতা বাগিষুভির্মুহুর্মুহুঃ ।
নিধাযহস্তৌ হৃদয়েঽতিবিস্মিতা শশংস কুব্জাং কুপিতা পুনঃ পুনঃ ॥ 62 ॥
যমস্য় বা মাং বিষয়ং গতামিতো নিশাম্য় কুব্জে প্রতিবেদয়িষ্যসি ।
বনং গতে বা সুচিরায় রাঘবে সমৃদ্ধকামো ভরতো ভবিষ্যতি ॥ 63 ॥
অহং হি নৈবাস্তরণানি ন স্রজো ন চংদনং নাংজনপানভোজনম্ ।
ন কিংচিদিচ্ছামি ন চেহ জীবিতং ন চেদিতো গচ্ছতি রাঘবো বনম্ ॥ 64 ॥
অথৈতদুক্ত্বা বচনং সুদারুণং নিধায় সর্বাভরণানি ভামিনী ।
অসংবৃতামাস্তরণেন মেদিনীং তদাঽধিশিশ্য়ে পতিতেব কিন্নরী ॥ 65 ॥
উদীর্ণসংরংভতমোবৃতাননা তথাঽবমুক্তোত্তমমাল্যভূষণা ।
নরেংদ্রপত্নী বিমনা বভূব সা তমোবৃতা দ্য়ৌরিব মগ্নতারকা ॥ 66 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে নবমস্সর্গঃ ॥
