শ্রীমদ্বাল্মীকীয় রামাযণে অয়োধ্য়াকাংডম্ ।
অথ দ্বিনবতিতমস্সর্গঃ ।
ততস্তাং রজনীমুষ্য় ভরতস্সপরিচ্ছদঃ ।
কৃতাতিথ্য়ো ভরদ্বাজং কামাদভিজগাম হ ॥ 1 ॥
তং ঋষিঃ পুরুষব্য়াঘ্রং প্রাংজলিং প্রেক্ষ্য় চাঽগতম্ ।
হুতাগ্নিহোত্রো ভরতং ভরদ্বাজোঽভ্যভাষত ॥ 2 ॥
কচ্চিদত্র সুখা রাত্রিস্তবাস্মদ্বিষয়ে গতা ।
সমগ্রস্তে জনঃ কচ্চিদাতিথ্য়ে শংস মেঽনঘ ॥ 3 ॥
তমুবাচাংজলিং কৃত্বা ভরতোঽভিপ্রণম্য় চ ।
আশ্রমাদভিনিষ্ক্রাংতমৃষিমুত্তমতেজসম্ ॥ 4 ॥
সসুখোষিতোঽস্মি ভগবন্সমগ্রবলবাহনঃ ।
তর্পিতস্সর্বকামৈশ্চ সামাত্য়ো বলবত্ত্বয়া ॥ 5 ॥
অপেতক্লমসংতাপা স্সুভিক্ষাস্সুপ্রতিশ্রয়াঃ ।
অপি প্রেষ্য়ানুপাদায় সর্বে স্ম সুসুখোষিতাঃ ॥ 6 ॥
আমংত্রয়েঽহং ভগবন্ কামং ত্বামৃষিসত্তমঃ ।
সমীপং প্রস্থিতং ভ্রাতুর্মৈত্রেণেক্ষস্ব চক্ষুষা ॥ 7 ॥
আশ্রমং তস্য় ধর্মজ্ঞ ধার্মিকস্য় মহাত্মনঃ ।
আচক্ষ্ব কতমো মার্গঃ কিয়ানিতি চ শংস মে ॥ 8 ॥
ইতি পৃষ্টস্তু ভরতং ভ্রাতৃদর্শনলালসম্ ।
প্রত্য়ুবাচ মহাতেজা ভরদ্বাজো মহাতপাঃ ॥ 9 ॥
ভরতার্ধতৃতীয়েষু যোজনেষ্বজনে বনে ।
চিত্রকূটো গিরিস্তত্র রম্যনির্ঝরকাননঃ ॥ 10 ॥
উত্তরং পার্শ্বমাসাদ্য় তস্য় মংদাকিনী নদী ।
পুষ্পিতদ্রুমসংছন্না রম্যপুষ্পিতকাননা ॥ 11 ॥
অনংতরং তত্সরিতশ্চিত্রকূটশ্চ পর্বতঃ ।
তয়োঃ পর্ণকুটী তাত তত্র তৌ বসতো ধ্রুবম্ ॥ 12 ॥
দক্ষিণেনৈব মার্গেণ সব্যদক্ষিণমেব বা ।
গজবাজিরথাকীর্ণাং বাহিনীং বাহিনীপতে ॥ 13 ॥
বাহযস্ব মহাভাগ ততো দ্রক্ষ্যসি রাঘবম্ ।
প্রয়াণমিতি তচ্ছ্রুত্বা রজরাজস্য় যোষিতঃ ।
হিত্বা যানানি যানার্হাঃ ব্রাহ্মণং পর্যবারযন্ ॥ 14 ॥
বেপমানা কৃশা দীনা সহ দেব্য়া সুমিত্রয়া ।
কৌসল্য়া তত্র জগ্রাহ করাভ্য়াং চরণৌ মুনেঃ ॥ 15 ॥
অসমৃদ্ধেন কামেন সর্বলোকস্য় গর্হিতা ।
কৈকেয়ী তস্য় জগ্রাহ চরণৌ সব্যপত্রপা ॥ 16 ॥
তং প্রদক্ষিণমাগম্য় ভগবংতং মহামুনিম্ ।
অদূরার্ভরতস্য়ৈব তস্থৌ দীনমনাস্তদা ॥ 17 ॥
ততঃ পপ্রচ্ছ ভরতং ভরদ্বাজো দৃঢব্রতঃ ।
বিশেষং জ্ঞাতুমিচ্ছামি মাত্রূণাং তব রাঘব ॥ 18 ॥
এবমুক্তস্তু ভরতো ভরদ্বাজেন ধীমতা ।
উবাচ প্রাংজলির্ভূত্বা বাক্য়ং বচনকোবিদঃ ॥ 19 ॥
যামিমাং ভগবন্ দীনাং শোকানশনকর্শিতাম্ ।
পিতুর্হি মহিষীং দেবীং দেবতামিব পশ্যসি ॥ 20 ॥
এষা তং পুরষব্য়াঘ্রং সিংহবিক্রাংতগামিনম্ ।
কৌসল্য়া সুষুবে রামং ধাতারমদিতির্যথা ॥ 21 ॥
অস্য়া বামভুজং শ্লিষ্টা যৈষা তিষ্ঠতি দুর্মনাঃ ।
কর্ণিকারস্য় শাখেব শীর্ণপুষ্পা বনাংতরে ॥ 22 ॥
এতস্য়াস্তু সুতৌ দেব্য়াঃ কুমারৌ দেববর্ণিনৌ ।
উভৌ লক্ষ্মণশত্রুঘ্নৌ বীরৌ সত্যপরাক্রমৌ ॥ 23 ॥
যস্য়াঃ কৃতে নরব্য়াঘ্রৌ জীবনাশমিতো গতৌ ।
রাজপুত্রবিহীনশ্চ স্বর্গং দশরথো গতঃ ॥ 24 ॥
ক্রোধনামকৃতপ্রজ্ঞাং দৃপ্তাং সুভগমানিনীম্ ।
ঐশ্বর্যকামাং কৈকেয়ীমনার্য়ামার্য়ারূপিণীম্ ॥ 25 ॥
মমৈতাং মাতরং বিদ্ধি নৃশংসাং পাপনিশ্চয়াম্ ।
যতোমূলং হি পশ্য়ামি ব্যসনং মহদাত্মনঃ ॥ 26 ॥
ইত্য়ুক্ত্বা নরশার্দূলো বাষ্পগদ্গদয়া গিরা ।
স নিশ্স্বাস তাম্রাক্ষো নাগঃ কৃদ্ধ ইব শ্বসন্ ॥ 27 ॥
ভরদ্বাজো মহর্ষিস্তং ব্রুবংতং ভরতং তথা ।
প্রত্য়ুবাচ মহাবুদ্ধিরিদং বচনমর্থবত্ ॥ 28 ॥
ন দোষেণাবগংতব্য়া কৈকেয়ী ভরত ত্বয়া ।
রামপ্রব্রাজনং হ্য়েতত্সুখোদর্কং ভবিষ্যতি ॥ 29 ॥
দেবানাং দানবানাং চ ঋষীণাং ভাবিতাত্মনাম্ ।
হিতমেব ভবিষ্যদ্ধি রামপ্রব্রাজনাদিহ ॥ 30 ॥
অভিবাদ্য় তু সংসিদ্ধঃ কৃত্বা চৈনং প্রদক্ষিণম্ ।
আমংত্র্য় ভরত স্সৈন্য়ং যুজ্যতামিত্যচোদযত্ ॥ 31 ॥
ততো বাজিরথান্য়ুক্তান্ দিব্য়ান্হেমপরিষ্কৃতান্ ।
অধ্য়ারোহত্প্রয়াণার্থী বহূন্বহুবিধো জনঃ ॥ 32 ॥
গজকন্য়া গজাশ্চৈব হেমকক্ষ্য়াঃ পতাকিনঃ ।
জীমূতা ইব ঘর্মাংতে সঘোষাস্সংপ্রতস্থিরে ॥ 33 ॥
বিবিধান্যপি যানানি মহংতি চ লঘূনি চ ।
প্রযয়ু স্সুমহার্হাণি পাদৈ রেব পদাতয়ঃ ॥ 34 ॥
অথ যানপ্রবেকৈস্তু কৌসল্য়াপ্রমুখাঃ স্ত্রিয়ঃ ।
রামদর্শনকাংক্ষিণ্য়ঃ প্রযয়ুর্মুদিতাস্তদা ॥ 35 ॥
চংদ্রার্কতরুণাভাসাং নির্য়ুক্তাং শিবিকাং শুভাম্ ।
আস্থায় প্রযয়ৌ শ্রীমান্ভরত স্সপরিচ্ছদঃ ॥ 36 ॥
সা প্রয়াতা মহাসেনা গজবাজিরথাকুলা ।
দক্ষিণাং দিশমাবৃত্য় মহামেঘ ইবোত্থিতঃ ॥ 37 ॥
বনানি তু ব্যতিক্রম্য় জুষ্টানি মৃগপক্ষিভিঃ ।
গংগায়াঃ পরবেলায়াং গিরিষ্বপি নদীষু চ ॥ 38 ॥
সা সংপ্রহৃষ্টদ্বিপবাজিয়োধা বিত্রাসয়ংতী মৃগপক্ষিসংঘান্ ।
মহদ্বনং তত্প্রতিগাহমানা ররাজ সেনা ভরতস্য় তত্র ॥ 39 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে দ্বিনবতিতমস্সর্গঃ ॥
