শ্রীমদ্বাল্মীকীয় রামাযণে অয়োধ্য়াকাংডম্ ।
অথ সপ্তনবতিতমস্সর্গঃ ।
সুসংরব্ধং তু সৌমিত্রিং লক্ষ্মণং ক্রোধমূর্ছিতম্ ।
রামস্তু পরিসাংত্ব্য়াথ বচনং চেদমব্রবীত্ ॥ 1 ॥
কিমত্র ধনুষা কার্যমসিনা বা সচর্মণা ।
মহেষ্বাসে মহাপ্রাজ্ঞে ভরতে স্বযমাগতে ॥ 2 ॥
পিতুস্সত্য়ং প্রতিশ্রুত্য় হত্বা ভরতমাগতম্ ।
কিং করিষ্য়ামি রাজ্য়েন সাপবাদেন লক্ষ্মণ ॥ 3 ॥
যদ্দ্রব্য়ং বাংধবানাং বা মিত্রাণাং বা ক্ষয়ে ভবেত্ ।
নাহং তত্প্রতিগৃহ্ণীয়াং ভক্ষান্বিষকৃতানিব ॥ 4 ॥
ধর্মমর্থং চ কামং চ পৃথিবীং চাপি লক্ষ্মণ ।
ইচ্ছামি ভবতামর্থে এতত্ প্রতিশৃণোমি তে ॥ 5 ॥
ভ্রাত্রূণাং সংগ্রহার্থং চ সুখার্থং চাপি লক্ষ্মণ ।
রাজ্যমপ্যহমিচ্ছামি সত্য়েনাঽয়ুধমালভে ॥ 6 ॥
নেয়ং মম মহী সৌম্য় দুর্লভা সাগরাংবরা ।
ন হীচ্ছেযমধর্মেণ শক্রত্বমপি লক্ষ্মণ ॥ 7 ॥
যদ্বিনা ভরতং ত্বাং চ শত্রুঘ্নং চাপি মানদ ।
ভবেন্মম সুখং কিংচিদ্ভস্ম তত্কুরুতাং শিখী ॥ 8 ॥
মন্য়েঽহমাগতোঽয়োধ্য়াং ভরতো ভ্রাতৃবত্সলঃ ।
মম প্রাণাত্প্রিযতরঃ কুলধর্মমনুস্মরন্ ॥ 9 ॥
শ্রুত্বা প্রব্রাজিতং মাং হি জটাবল্কলধারিণম্ ।
জানক্য়াসহিতং বীর ত্বয়া চ পুরুষর্ষভ ॥ 10 ॥
স্নেহেনাঽক্রাংতহৃদয় শ্শোকেনাকুলিতেংদ্রিয়ঃ ।
দ্রষ্টুমভ্য়াগতো হ্য়েষ ভরতো নান্যথাঽগতঃ ॥ 11 ॥
অংবাং চ কৈকয়ীং রুষ্য় পরুষং চাপ্রিয়ং বদন্ ।
প্রসাদ্য় পিতরং শ্রীমার্নাজ্য়ং মে দাতুমাগতঃ ॥ 12 ॥
প্রাপ্তকালং যদেষোঽস্মান্ভরতো দ্রষ্টুমিচ্ছতি ।
অস্মাসু মনসাঽপ্য়েষ নাপ্রিয়ং কিংচিদাচরেত্ ॥ 13 ॥
বিপ্রিয়ং কৃতপূর্বং তে ভরতেন কদা নু কিম্ ।
ঈদৃশং বা ভয়ং তেঽদ্য় ভরতং যোঽত্র শংকসে ॥ 14 ॥
ন হি তে নিষ্ঠুরং বাচ্য়ো ভরতো নাপ্রিয়ং বচঃ ।
অহং হ্যপ্রিযমুক্ত স্স্য়াং ভরতস্য়াপ্রিয়ে কৃতে ॥ 15 ॥
কথং নু পুত্রাঃ পিতরং হন্য়ুঃ কস্য়াং চিদাপদি ।
ভ্রাতা বা ভ্রাতরং হন্য়াত্সৌমিত্রে প্রাণমাত্মনঃ ॥ 16 ॥
যদি রাজ্যস্য় হেতোস্ত্বমিমাং বাচং প্রভাষসে ।
বক্ষ্য়ামি ভরতং দৃষ্ট্বা রাজ্যমস্মৈ প্রদীযতাম্ ॥ 17 ॥
উচ্যমানোঽপি ভরতো ময়া লক্ষ্মণ তদ্বচঃ ।
রাজ্যমস্মৈ প্রযচ্ছেতি বাঢমিত্য়েব বক্ষ্যতি ॥ 18 ॥
তথোক্তো ধর্মশীলেন ভ্রাত্রা তস্য় হিতে রতঃ ।
লক্ষ্মণঃ প্রবিবেশেব স্বানি গাত্রাণি লজ্জয়া ॥ 19 ॥
তদ্বাক্য়ং লক্ষ্মণ শ্শ্রুত্বা ব্রীলিতঃ প্রত্য়ুবাচ হ ।
ত্বাং মন্য়ে দ্রষ্টুমায়াতঃ পিতা দশরথ স্স্বযম্ ॥ 20 ॥
ব্রীলিতং লক্ষ্মণং দৃষ্ট্বা রাঘবঃ প্রত্য়ুবাচ হ ।
এষ মন্য়ে মহাবাহুরিহাস্মাংদ্রষ্টুমাগতঃ ॥ 21 ॥
অথবা নৌ ধ্রুবং মন্য়ে মন্যমান স্সুখোচিতৌ ।
বনবাসমনুধ্য়ায় গৃহায় প্রতিনেষ্যতি ॥ 22 ॥
ইমাং বাপ্য়েষ বৈদেহীমত্য়ংতসুখসেবিনীম্ ।
পিতা মে রাঘব শ্শ্রীমান্বনাদাদায় যাস্যতি ॥ 23 ॥
এতৌ তৌ সংপ্রকাশেতে গোত্রবংতৌ মনোরমৌ ।
বায়ুবেগসমৌ বীর জবনৌ তুরগোত্তমৌ ॥ 24 ॥
স এষ সুমহাকায়ঃ কংপতে বাহিনীমুখে ।
নাগশ্শত্রুংজয়ো নাম বৃদ্ধস্তাতস্য় ধীমতঃ ॥ 25 ॥
ন তু পশ্য়ামি তচ্ছত্রং পাংডুরং লোকসত্কৃতম্ । পিতুর্দিব্য়ং মহাবাহো সংশয়ো ভবতীহ মে ॥ 26 ॥
বৃক্ষাগ্রাদবরোহ ত্বং কুরু লক্ষ্মণ মদ্বচঃ ।
ইতীব রামো ধর্মাত্মা সৌমিত্রিং তমুবাচ হ ॥ 27 ॥
অবতীর্য় তু সালাগ্রাত্তস্মাত্স সমিতিংজয়ঃ ।
লক্ষ্মণঃ প্রাংজলির্ভূত্বা তস্থৌ রামস্য় পার্শ্বতঃ ॥ 28 ॥
ভরতেনাপি সংদিষ্টা সম্মর্দো ন ভবেদিতি ।
সমংতাত্তস্য় শৈলস্য় সেনা বাসমকল্পযত্ ॥ 29 ॥
অধ্যর্ধমিক্ষ্বাকুচমূর্য়োজনং পর্বতস্য় সা ।
পার্শ্বে ন্যবিশদাবৃত্য় গজবাজিরথাকুলা ॥ 30 ॥
সা চিত্রকূটে ভরতেন সেনা ধর্মং পুরস্কৃত্য় বিধূয় দর্পম্ ।
প্রসাদনার্থং রঘুনংদনস্য় বিরাজতে নীতিমতা প্রণীতা ॥ 31 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে সপ্তনবতিতমস্সর্গঃ ॥
