ශ්රීමද්වාල්මීකීය රාමායණේ අයෝධ්යාකාංඩම් ।
අථ සප්තනවතිතමස්සර්ගඃ ।
සුසංරබ්ධං තු සෞමිත්රිං ලක්ෂ්මණං ක්රෝධමූර්ඡිතම් ।
රාමස්තු පරිසාංත්ව්යාථ වචනං චේදමබ්රවීත් ॥ 1 ॥
කිමත්ර ධනුෂා කාර්යමසිනා වා සචර්මණා ।
මහේෂ්වාසේ මහාප්රාජ්ඤේ භරතේ ස්වයමාගතේ ॥ 2 ॥
පිතුස්සත්යං ප්රතිශ්රුත්ය හත්වා භරතමාගතම් ।
කිං කරිෂ්යාමි රාජ්යේන සාපවාදේන ලක්ෂ්මණ ॥ 3 ॥
යද්ද්රව්යං බාංධවානාං වා මිත්රාණාං වා ක්ෂයේ භවේත් ।
නාහං තත්ප්රතිගෘහ්ණීයාං භක්ෂාන්විෂකෘතානිව ॥ 4 ॥
ධර්මමර්ථං ච කාමං ච පෘථිවීං චාපි ලක්ෂ්මණ ।
ඉච්ඡාමි භවතාමර්ථේ ඒතත් ප්රතිශෘණෝමි තේ ॥ 5 ॥
භ්රාත්රූණාං සංග්රහාර්ථං ච සුඛාර්ථං චාපි ලක්ෂ්මණ ।
රාජ්යමප්යහමිච්ඡාමි සත්යේනාऽයුධමාලභේ ॥ 6 ॥
නේයං මම මහී සෞම්ය දුර්ලභා සාගරාංබරා ।
න හීච්ඡේයමධර්මේණ ශක්රත්වමපි ලක්ෂ්මණ ॥ 7 ॥
යද්විනා භරතං ත්වාං ච ශත්රුඝ්නං චාපි මානද ।
භවේන්මම සුඛං කිංචිද්භස්ම තත්කුරුතාං ශිඛී ॥ 8 ॥
මන්යේऽහමාගතෝऽයෝධ්යාං භරතෝ භ්රාතෘවත්සලඃ ।
මම ප්රාණාත්ප්රියතරඃ කුලධර්මමනුස්මරන් ॥ 9 ॥
ශ්රුත්වා ප්රව්රාජිතං මාං හි ජටාවල්කලධාරිණම් ।
ජානක්යාසහිතං වීර ත්වයා ච පුරුෂර්ෂභ ॥ 10 ॥
ස්නේහේනාऽක්රාංතහෘදය ශ්ශෝකේනාකුලිතේංද්රියඃ ।
ද්රෂ්ටුමභ්යාගතෝ හ්යේෂ භරතෝ නාන්යථාऽගතඃ ॥ 11 ॥
අංබාං ච කෛකයීං රුෂ්ය පරුෂං චාප්රියං වදන් ।
ප්රසාද්ය පිතරං ශ්රීමාර්නාජ්යං මේ දාතුමාගතඃ ॥ 12 ॥
ප්රාප්තකාලං යදේෂෝऽස්මාන්භරතෝ ද්රෂ්ටුමිච්ඡති ।
අස්මාසු මනසාऽප්යේෂ නාප්රියං කිංචිදාචරේත් ॥ 13 ॥
විප්රියං කෘතපූර්වං තේ භරතේන කදා නු කිම් ।
ඊදෘශං වා භයං තේऽද්ය භරතං යෝऽත්ර ශංකසේ ॥ 14 ॥
න හි තේ නිෂ්ඨුරං වාච්යෝ භරතෝ නාප්රියං වචඃ ।
අහං හ්යප්රියමුක්ත ස්ස්යාං භරතස්යාප්රියේ කෘතේ ॥ 15 ॥
කථං නු පුත්රාඃ පිතරං හන්යුඃ කස්යාං චිදාපදි ।
භ්රාතා වා භ්රාතරං හන්යාත්සෞමිත්රේ ප්රාණමාත්මනඃ ॥ 16 ॥
යදි රාජ්යස්ය හේතෝස්ත්වමිමාං වාචං ප්රභාෂසේ ।
වක්ෂ්යාමි භරතං දෘෂ්ට්වා රාජ්යමස්මෛ ප්රදීයතාම් ॥ 17 ॥
උච්යමානෝऽපි භරතෝ මයා ලක්ෂ්මණ තද්වචඃ ।
රාජ්යමස්මෛ ප්රයච්ඡේති බාඪමිත්යේව වක්ෂ්යති ॥ 18 ॥
තථෝක්තෝ ධර්මශීලේන භ්රාත්රා තස්ය හිතේ රතඃ ।
ලක්ෂ්මණඃ ප්රවිවේශේව ස්වානි ගාත්රාණි ලජ්ජයා ॥ 19 ॥
තද්වාක්යං ලක්ෂ්මණ ශ්ශ්රුත්වා ව්රීලිතඃ ප්රත්යුවාච හ ।
ත්වාං මන්යේ ද්රෂ්ටුමායාතඃ පිතා දශරථ ස්ස්වයම් ॥ 20 ॥
ව්රීලිතං ලක්ෂ්මණං දෘෂ්ට්වා රාඝවඃ ප්රත්යුවාච හ ।
ඒෂ මන්යේ මහාබාහුරිහාස්මාංද්රෂ්ටුමාගතඃ ॥ 21 ॥
අථවා නෞ ධ්රුවං මන්යේ මන්යමාන ස්සුඛෝචිතෞ ।
වනවාසමනුධ්යාය ගෘහාය ප්රතිනේෂ්යති ॥ 22 ॥
ඉමාං වාප්යේෂ වෛදේහීමත්යංතසුඛසේවිනීම් ।
පිතා මේ රාඝව ශ්ශ්රීමාන්වනාදාදාය යාස්යති ॥ 23 ॥
ඒතෞ තෞ සංප්රකාශේතේ ගෝත්රවංතෞ මනෝරමෞ ।
වායුවේගසමෞ වීර ජවනෞ තුරගෝත්තමෞ ॥ 24 ॥
ස ඒෂ සුමහාකායඃ කංපතේ වාහිනීමුඛේ ।
නාගශ්ශත්රුංජයෝ නාම වෘද්ධස්තාතස්ය ධීමතඃ ॥ 25 ॥
න තු පශ්යාමි තච්ඡත්රං පාංඩුරං ලෝකසත්කෘතම් । පිතුර්දිව්යං මහාබාහෝ සංශයෝ භවතීහ මේ ॥ 26 ॥
වෘක්ෂාග්රාදවරෝහ ත්වං කුරු ලක්ෂ්මණ මද්වචඃ ।
ඉතීව රාමෝ ධර්මාත්මා සෞමිත්රිං තමුවාච හ ॥ 27 ॥
අවතීර්ය තු සාලාග්රාත්තස්මාත්ස සමිතිංජයඃ ।
ලක්ෂ්මණඃ ප්රාංජලිර්භූත්වා තස්ථෞ රාමස්ය පාර්ශ්වතඃ ॥ 28 ॥
භරතේනාපි සංදිෂ්ටා සම්මර්දෝ න භවේදිති ।
සමංතාත්තස්ය ශෛලස්ය සේනා වාසමකල්පයත් ॥ 29 ॥
අධ්යර්ධමික්ෂ්වාකුචමූර්යෝජනං පර්වතස්ය සා ।
පාර්ශ්වේ න්යවිශදාවෘත්ය ගජවාජිරථාකුලා ॥ 30 ॥
සා චිත්රකූටේ භරතේන සේනා ධර්මං පුරස්කෘත්ය විධූය දර්පම් ।
ප්රසාදනාර්ථං රඝුනංදනස්ය විරාජතේ නීතිමතා ප්රණීතා ॥ 31 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ අයෝධ්යාකාංඩේ සප්තනවතිතමස්සර්ගඃ ॥
