শ্রীমদ্বাল্মীকীয় রামাযণে অরণ্যকাংডম্ ।
অথ সপ্তদশস্সর্গঃ ।
কৃতাভিষেকো রামস্তু সীতা সৌমিত্রিরেব চ ।
তস্মাদ্গোদাবরীতীরাত্ততো জগ্মুস্বমাশ্রমম্ ॥ 1 ॥
আশ্রমং তমুপাগম্য় রাঘবস্সহ লক্ষ্মণঃ ।
কৃত্বা পৌর্বাহ্ণিকং কর্ম পর্ণশালামুপাগমত্ ॥ 2 ॥
উবাস সুখিতস্তত্র পূজ্যমানো মহর্ষিভিঃ ।
লক্ষ্মণেন সহ ভ্রাত্রা চকার বিবিধাঃ কথাঃ ॥ 3 ॥
স রামঃ পর্ণশালায়ামাসীনস্সহ সীতয়া ।
বিররাজ মহাবাহুশ্চিত্রয়া চংদ্রমাঃ ইব ॥ 4 ॥
তদাঽঽসীনস্য় রামস্য় কথাসংসক্তচেতসঃ ।
তং দেশং রাক্ষসী কাচিদাজগাম যদৃচ্ছয়া ॥ 5 ॥
সা তু শূর্পণখা নাম দশগ্রীবস্য় রাক্ষসঃ ।
ভগিনী রামমাসাদ্য় দদর্শ ত্রিদশোপমম্ ॥ 6 ॥
সিংহোরস্কং মহাবাহুং পদ্মপত্রনিভেক্ষণম্ ।
আজানুবাহুং দীপ্তাস্যমতীব প্রিযদর্শনম্ ॥ 7 ॥
গজবিক্রাংতগমনং জটামংডলধারিণম্ ।
সুকুমারং মহাসত্ত্বং পার্থিবব্য়ংজনান্বিতম্ ॥ 8 ॥
রামমিংদীবরশ্য়ামং কংদর্পসদৃশপ্রভম্ ।
বভূবেংদ্রোপমং দৃষ্ট্বা রাক্ষসী কামমোহিতা ॥ 9 ॥
সুমুখং দুর্মুখী রামং বৃত্তমধ্য়ং মহোদরী ।
বিশালাক্ষং বিরূপাক্ষী সুকেশং তাম্রমূর্ধজা ॥ 10 ॥
প্রীতিরূপং বিরূপা সা সুস্বরং ভৈরবস্বরা ।
তরুণং দারুণা বৃদ্ধা দক্ষিণং বামভাষিণী ॥ 11 ॥
ন্য়াযবৃত্তং সুদুর্বৃত্তা প্রিযমপ্রিযদর্শনা ।
শরীরজসমাবিষ্টা রাক্ষসী বাক্যমব্রবীত্ ॥ 12 ॥
জটী তাপসরূপেণ সভার্যশ্শরচাপধৃত্ ।
আগতস্ত্বমিমং দেশং কথং রাক্ষসসেবিতম্ ॥ 13 ॥
কিমাগমনকৃত্য়ং তে তত্ত্বমাখ্য়াতুমর্হসি ।
এবমুক্তস্তু রাক্ষস্য়া শূর্পণখ্য়া পরংতপঃ ॥ 14 ॥
ঋজুবুদ্ধিতয়া সর্বমাখ্য়াতুমুপচক্রমে ।
অনৃতং ন হি রামস্য় কদাচিদপি সম্মতম্ ॥ 15 ॥
বিশেষেণাঽশ্রমস্থস্য় সমীপে স্ত্রীজনস্য় চ ।
আসীদ্ধশরথো নাম রাজা ত্রিদশবিক্রমঃ ॥ 16 ॥
তস্য়াহমগ্রজঃ পুত্রো রামো নাম জনৈশ্শ্রুতঃ ।
ভ্রাতাঽয়ং লক্ষ্মণো নাম যবীয়ান্মামনুব্রতঃ ॥ 17 ॥
ইয়ং ভার্য়া চ বৈদেহী মম সীতেতি বিশ্রুতা ।
নিয়োগাত্ তু নরেংদ্রস্য় পিতুর্মাতুশ্চ যংত্রিতঃ ॥ 18 ॥
ধর্মার্থং ধর্মকাংক্ষী চ বনং বস্তুমিহাগতঃ ।
ত্বাং তু বেদিতুমিচ্ছামি কস্য় ত্বং কাসি কস্য় বা ॥ 19 ॥
ত্বং হি তাবন্মনোজ্ঞাংগী রাক্ষসী প্রতিভাসি মে ।
ইহ বা কিংনিমিত্তং ত্বমাগতা ব্রূহি তত্ত্বতঃ ॥ 20 ॥
সাব্রবীদ্ বচনং শ্রুত্বা রাক্ষসী মদনার্দিতা ।
শ্রূযতাং রাম বক্ষ্য়ামি তত্ত্বার্থং বচনং মম ॥ 21 ॥
অহং শূর্পণখা নাম রাক্ষসী কামরূপিণী ।
অরণ্য়ং বিচরামীদমেকা সর্বভয়ংকরা ॥ 22 ॥
রাবণো নাম মে ভ্রাতা বলীয়ান্রাক্ষসেশ্বরঃ ।
বীরো বিশ্রবসঃ পুত্রো যদি তে শ্রোত্রমাগতঃ ॥ 23 ॥
প্রবৃদ্ধনিদ্রশ্চ সদা কুংভকর্ণো মহাবলঃ ।
বিভীষণস্তু ধর্মাত্মা ন তু রাক্ষসচেষ্টিতঃ ॥ 24 ॥
প্রখ্য়াতবীর্য়ৌ চ রণে ভ্রাতরৌ খরদূষণৌ ।
তানহং সমতিক্রাংতা রাম ত্বা পূর্বদর্শনাত্ ॥ 25 ॥
সমুপেতাস্মি ভাবেন ভর্তারং পুরুষোত্তমম্ ।
অহং প্রভাবসংপন্না স্বচ্ছংদবলগামিনী ॥ 26 ॥
চিরায় ভব মে ভর্তা সীতয়া কিং করিষ্যসি ।
বিকৃতা চ বিরূপা চ ন চেয়ং সদৃশী তব ॥ 27 ॥
অহমেবানুরূপা তে ভার্য়া রূপেণ পশ্য় মাম্ ।
ইমাং বিরূপামসতীং করালাং নির্ণতোদরীম্ ॥ 28 ॥
অনেন তে সহ ভ্রাত্রা ভক্ষয়িষ্য়ামি মানুষীম্ ।
ততঃ পর্বতশৃংগাণি বনানি বিবিধানি চ ॥ 29 ॥
পশ্যন্সহ ময়া কাংত দংডকান্বিচরিষ্যসি ।
ইত্য়েবমুক্তঃ কাকুত্স্থঃ প্রহস্য় মদিরেক্ষণাম্ ॥ 30 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে সপ্তদশস্সর্গঃ ॥
