ശ്രീമദ്വാല്മീകീയ രാമായണേ അരണ്യകാംഡമ് ।
അഥ ദ്വിതീയസ്സര്ഗഃ ।
കൃതാതിഥ്യോഽഥ രാമസ്തു സൂര്യസ്യോദയനം പ്രതി ।
ആമ്നത്റ്യ സ മുനീന്സർവാന്വനമേവാന്വഗാഹത ॥ 1 ॥
നാനാമൃഗഗണാകീര്ണമൃക്ഷശാര്ദൂല സേവിതമ് ।
ധ്വസ്തവൃക്ഷലതാഗുല്മം ദുര്ദര്ശസലിലാശയമ് ॥ 2 ॥
നിഷ്കൂജനാനാശകുനിഝില്ലികാഗണനാദിതമ് ।
ലക്ഷ്മണാനുഗതോ രാമോ വനമധ്യം ദദര്ശ ഹ ॥ 3 ॥
സീതയാ സഹ കാകുത്സ്ഥസ്തസ്മിനഘോരമൃഗായുതേ ।
ദദര്ശ ഗിരിശൃംഗാഭം പുരുഷാദം മഹാസ്വനമ് ॥ 4 ॥
ഗംഭീരാക്ഷം മഹാവക്ത്രം വികടം വിഷമോദരമ് ।
ബീഭത്സം വിഷമം ദീര്ഘം വികൃതം ഘോരദര്ശനമ് ॥ 5 ॥
വസാനം ചര്മ വൈയാഘ്രം വസാര്ദ്രം രുധിരോക്ഷിതമ് ।
ത്രാസനം സർവഭൂതാനാം വ്യാദിതാസ്യമിവാംതകമ് ॥ 6 ॥
ത്രീന്സിമ്ഹാന്ശ്ചതുരോ വ്യാഘ്രാംദ്വൌ വൃകൌ പൃഷതാംദശ ।
സവിഷാണം വസാദിഗ്ധം ഗജസ്യ ച ശിരോ മഹത് ।
അവസജ്യായസേ ശൂലേ വിനദംതം മഹാസ്വനമ് ॥ 7 ॥
സ രാമം ലക്ഷ്മണം ചൈവ സീതാം ദൃഷ്ട്വാ ച മൈഥിലീമ് ।
അഭ്യധാവത്സുസംകൃദ്ധഃ പ്രജാഃ കാല ഇവാംതകഃ ॥ 8 ॥
സ കൃത്വാ ഭൈരവം നാദം ചാലയന്നിവ മേദിനീമ് ।
അംകേനാദായ വൈദേഹീമപക്രമ്യ തതോഽബ്രവീത് ॥ 9 ॥
യുവാം ജടാചീരധരൌ സഭാര്യൌ ക്ഷീണജീവിതൌ ।
പ്രവിഷ്ടൌ ദംഡകാരണ്യം ശരചാപാസിധാരിണൌ ॥ 10 ॥
കഥം താപസയോർവാം ച വാസഃ പ്രമദയാ സഹ ।
അധര്മചാരിണൌ പാപൌ കൌ യുവാം മുനിദൂഷകൌ ॥ 11 ॥
അഹം വനമിദം ദുര്ഗം വിരാധോ നാമ രാക്ഷസഃ ।
ചരാമി സായുധോ നിത്യമൃഷിമാംസാനി ഭക്ഷയന് ॥ 12 ॥
ഇയം നാരീ വരാരോഹാ മമ ഭാര്യാ ഭവിഷ്യതി ।
യുവയോഃ പാപയോശ്ചാഹം പാസ്യാമി രുധിരം മൃധേ ॥ 13 ॥
തസ്യൈവം ബ്രുവതോ ദുഷ്ടം വിരാധസ്യ ദുരാത്മനഃ ।
ശ്രുത്വാ സഗർവിതം വാക്യം സംഭ്രാംതാ ജനകാത്മജാ ॥ 14 ॥
സീതാ പ്രവേപതോദ്വേഗാത് പ്രാവാതേ കദലീ യഥാ ॥ 15 ॥
താം ദൃഷ്ട്വാ രാഘവഃ സീതാം വിരാധാംകഗതാം ശുഭാമ് ।
അബ്രവീല്ലക്ഷ്മണം വാക്യം മുഖേന പരിശുഷ്യതാ ॥ 16 ॥
പശ്യ സൌമ്യ നരേംദ്രസ്യ ജനകസ്യാത്മസംഭവാമ് ।
മമ ഭാര്യാം ശുഭാചാരാം വിരാധാംകേ പ്രവേശിതാമ് ॥ 17 ॥
അത്യംതസുഖസംമവൃദ്ധാം രാജപുത്രീം യശസ്വിനീമ് ।
യദഭിപ്രേതമസ്മാസു പ്രിയം വരവൃതം ച യത് ॥ 18 ॥
കൈകേയ്യാസ്തു സുസംവൃത്തം ക്ഷിപ്രമദ്യൈവ ലക്ഷ്മണ ।
യാ ന തുഷ്യതി രാജ്യേന പുത്രാര്ഥേ ദീര്ഘദര്ശിനീ ॥ 19 ॥
യയാഹം സർവഭൂതാനാം പ്രിയഃ പ്രസ്ഥാപിതോ വനമ് ।
അദ്യേദാനീം സകാമാ സാ യാ മാതാ മധ്യമാ മമ ॥ 20 ॥
പരസ്പര്ശാത്തു വൈദേഹ്യാഃ ന ദുഃഖതരമസ്തിമേ ।
പിതുർവിനാശാത്സൌമിത്രേ സ്വരാജ്യഹരണാത്തഥാ ॥ 21 ॥
ഇതി ബ്രുവതി കാകുത്സ്ഥേ ബാഷ്പശോകപരിപ്ലുതേ ।
അബ്രവീല്ലക്ഷ്മണഃ ക്രുദ്ധോ രുദ്ധോ നാഗ ഇവ ശ്വസന് ॥ 22 ॥
അനാഥ ഇവ ഭൂതാനാം നാഥസ്ത്വം വാസവോപമഃ ।
മയാ പ്രേഷ്യേണ കാകുത്സ്ഥ കിമര്ഥം പരിതപ്യസേ ॥ 23 ॥
ശരേണ നിഹതസ്യാദ്യ മയാ ക്രുദ്ധേന രക്ഷസഃ ।
വിരാധസ്യ ഗതാസോര്ഹി മഹീ പാസ്യതി ശോണിതമ് ॥ 24 ॥
രാജ്യകാമേ മമ ക്രോധോ ഭരതേ യോ ബഭൂവ ഹ ।
തം വിരാധേ പ്രമോക്ഷ്യാമി വജ്രീ വജ്രമിവാചലേ ॥ 25 ॥
മമ ഭുജബലവേഗവേഗിതഃ പതതു ശരോഽസ്യ മഹാന്മഹോരസി ।
വ്യപനയതു തനോശ്ച ജീവിതം പതതു തതസ്സമഹീം വിഘൂര്ണിതഃ ॥ 26 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ അരണ്യകാംഡേ ദ്വിതീയസ്സര്ഗഃ ॥
