শ্রীমদ্বাল্মীকীয় রামাযণে অরণ্যকাংডম্ ।
অথ দ্বিতীযস্সর্গঃ ।
কৃতাতিথ্য়োঽথ রামস্তু সূর্যস্য়োদযনং প্রতি ।
আম্নত্্য় স মুনীন্সর্বান্বনমেবান্বগাহত ॥ 1 ॥
নানামৃগগণাকীর্ণমৃক্ষশার্দূল সেবিতম্ ।
ধ্বস্তবৃক্ষলতাগুল্মং দুর্দর্শসলিলাশযম্ ॥ 2 ॥
নিষ্কূজনানাশকুনিঝিল্লিকাগণনাদিতম্ ।
লক্ষ্মণানুগতো রামো বনমধ্য়ং দদর্শ হ ॥ 3 ॥
সীতয়া সহ কাকুত্স্থস্তস্মিনঘোরমৃগায়ুতে ।
দদর্শ গিরিশৃংগাভং পুরুষাদং মহাস্বনম্ ॥ 4 ॥
গংভীরাক্ষং মহাবক্ত্রং বিকটং বিষমোদরম্ ।
বীভত্সং বিষমং দীর্ঘং বিকৃতং ঘোরদর্শনম্ ॥ 5 ॥
বসানং চর্ম বৈয়াঘ্রং বসার্দ্রং রুধিরোক্ষিতম্ ।
ত্রাসনং সর্বভূতানাং ব্য়াদিতাস্যমিবাংতকম্ ॥ 6 ॥
ত্রীন্সিম্হান্শ্চতুরো ব্য়াঘ্রাংদ্বৌ বৃকৌ পৃষতাংদশ ।
সবিষাণং বসাদিগ্ধং গজস্য় চ শিরো মহত্ ।
অবসজ্য়াযসে শূলে বিনদংতং মহাস্বনম্ ॥ 7 ॥
স রামং লক্ষ্মণং চৈব সীতাং দৃষ্ট্বা চ মৈথিলীম্ ।
অভ্যধাবত্সুসংকৃদ্ধঃ প্রজাঃ কাল ইবাংতকঃ ॥ 8 ॥
স কৃত্বা ভৈরবং নাদং চালযন্নিব মেদিনীম্ ।
অংকেনাদায় বৈদেহীমপক্রম্য় ততোঽব্রবীত্ ॥ 9 ॥
যুবাং জটাচীরধরৌ সভার্য়ৌ ক্ষীণজীবিতৌ ।
প্রবিষ্টৌ দংডকারণ্য়ং শরচাপাসিধারিণৌ ॥ 10 ॥
কথং তাপসয়োর্বাং চ বাসঃ প্রমদয়া সহ ।
অধর্মচারিণৌ পাপৌ কৌ যুবাং মুনিদূষকৌ ॥ 11 ॥
অহং বনমিদং দুর্গং বিরাধো নাম রাক্ষসঃ ।
চরামি সায়ুধো নিত্যমৃষিমাংসানি ভক্ষযন্ ॥ 12 ॥
ইয়ং নারী বরারোহা মম ভার্য়া ভবিষ্যতি ।
যুবয়োঃ পাপয়োশ্চাহং পাস্য়ামি রুধিরং মৃধে ॥ 13 ॥
তস্য়ৈবং ব্রুবতো দুষ্টং বিরাধস্য় দুরাত্মনঃ ।
শ্রুত্বা সগর্বিতং বাক্য়ং সংভ্রাংতা জনকাত্মজা ॥ 14 ॥
সীতা প্রবেপতোদ্বেগাত্ প্রাবাতে কদলী যথা ॥ 15 ॥
তাং দৃষ্ট্বা রাঘবঃ সীতাং বিরাধাংকগতাং শুভাম্ ।
অব্রবীল্লক্ষ্মণং বাক্য়ং মুখেন পরিশুষ্যতা ॥ 16 ॥
পশ্য় সৌম্য় নরেংদ্রস্য় জনকস্য়াত্মসংভবাম্ ।
মম ভার্য়াং শুভাচারাং বিরাধাংকে প্রবেশিতাম্ ॥ 17 ॥
অত্য়ংতসুখসংমবৃদ্ধাং রাজপুত্রীং যশস্বিনীম্ ।
যদভিপ্রেতমস্মাসু প্রিয়ং বরবৃতং চ যত্ ॥ 18 ॥
কৈকেয়্য়াস্তু সুসংবৃত্তং ক্ষিপ্রমদ্য়ৈব লক্ষ্মণ ।
যা ন তুষ্যতি রাজ্য়েন পুত্রার্থে দীর্ঘদর্শিনী ॥ 19 ॥
যয়াহং সর্বভূতানাং প্রিয়ঃ প্রস্থাপিতো বনম্ ।
অদ্য়েদানীং সকামা সা যা মাতা মধ্যমা মম ॥ 20 ॥
পরস্পর্শাত্তু বৈদেহ্য়াঃ ন দুঃখতরমস্তিমে ।
পিতুর্বিনাশাত্সৌমিত্রে স্বরাজ্যহরণাত্তথা ॥ 21 ॥
ইতি ব্রুবতি কাকুত্স্থে বাষ্পশোকপরিপ্লুতে ।
অব্রবীল্লক্ষ্মণঃ ক্রুদ্ধো রুদ্ধো নাগ ইব শ্বসন্ ॥ 22 ॥
অনাথ ইব ভূতানাং নাথস্ত্বং বাসবোপমঃ ।
ময়া প্রেষ্য়েণ কাকুত্স্থ কিমর্থং পরিতপ্যসে ॥ 23 ॥
শরেণ নিহতস্য়াদ্য় ময়া ক্রুদ্ধেন রক্ষসঃ ।
বিরাধস্য় গতাসোর্হি মহী পাস্যতি শোণিতম্ ॥ 24 ॥
রাজ্যকামে মম ক্রোধো ভরতে যো বভূব হ ।
তং বিরাধে প্রমোক্ষ্য়ামি বজ্রী বজ্রমিবাচলে ॥ 25 ॥
মম ভুজবলবেগবেগিতঃ পততু শরোঽস্য় মহান্মহোরসি ।
ব্যপনযতু তনোশ্চ জীবিতং পততু ততস্সমহীং বিঘূর্ণিতঃ ॥ 26 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে দ্বিতীযস্সর্গঃ ॥
