শ্রীমদ্বাল্মীকীয় রামাযণে অরণ্যকাংডম্ ।
অথ একত্রিংশস্সর্গঃ ।
ত্বরমাণস্ততো গত্বা জনস্থানাদকংপনঃ ।
প্রবিশ্য় লংকাং বেগেন রাবণং বাক্যমব্রবীত্ ॥ 1 ॥
জনস্থানস্থিতা রাজন্রাক্ষসা বহবো হতাঃ ।
খরশ্চ নিহতস্সংখ্য়ে কথংচিদহমাগতঃ ॥ 2 ॥
এবমুক্তো দশগ্রীবঃ ক্রুদ্ধ স্সংরক্তলোচনঃ ।
অকংপনমুবাচেদং নির্দহন্নিব চক্ষুষা ॥ 3 ॥
কেন রম্য়ং জনস্থানং হতং মম পরাসুনা ।
কো হি সর্বেষু লোকেষু গতিং চাধিগমিষ্যতি ॥ 4 ॥
ন হি মে বিপ্রিয়ং কৃত্বা শক্য়ং মঘবতা সুখম্ ।
প্রাপ্তুং বৈশ্রবণেনাপি ন যমেন ন বিষ্ণুনা ॥ 5 ॥
কালস্য় চাপ্যহং কালো দহেযমপি পাবকম্ ।
মৃত্য়ুং মরণধর্মেণ সংয়োজয়িতুমুত্সহে ॥ 6 ॥
দহেযমপি সংকৃদ্ধস্তেজসাঽদিত্যপাবকৌ ।
বাতস্য় তরসা বেগং নিহংতুমহমুত্সহে ॥ 7 ॥
তথা ক্রুদ্ধং দশগ্রীবং কৃতাংজলিরকংপনঃ ।
ভয়াত্সংদিগ্ধয়া বাচা রাবণং যাচতেঽভযম্ ॥ 8 ॥
দশগ্রীবোঽভয়ং তস্মৈ প্রদদৌ রক্ষসাং বরঃ ।
স বিস্রব্ধোঽব্রবীদ্বাক্যমসংদিগ্ধমকংপনঃ ॥ 9 ॥
পুত্রো দশরথস্য়াস্তি সিংহসংহননো যুবা ।
রামো নাম বৃষস্কংধো বৃত্তাযতমহাভুজঃ ॥ 10 ॥
বীরঃ পৃথুযশাশ্শ্রীমানতুল্যবলবিক্রমঃ ।
হতং তেন জনস্থানং খরশ্চ সহ দূষণঃ ॥ 11 ॥
অকংপনবচ শ্রুত্বা রাবণো রাক্ষসাধিপঃ ।
নাগেংদ্র ইব নিশ্বস্য় বচনং চেদমব্রবীত্ ॥ 12 ॥
স সুরেংদ্রেণ সংয়ুক্তো রামস্সর্বামরৈস্সহ ।
উপয়াতো জনস্থানং ব্রূহি কচ্চিদকংপন ॥ 13 ॥
রাবণস্য় পুনর্বাক্য়ং নিশম্য় তদকংপনঃ ।
আচচক্ষে বলং তস্য় বিক্রমং চ মহাত্মনঃ ॥ 14 ॥
রামো নাম মহাতেজা শ্রেষ্ঠস্সর্বধনুষ্মতাম্ ।
দিব্য়াস্ত্রগুণসংপন্নঃ পুরংদরসমো যুধি ॥ 15 ॥
তস্য়ানুরূপো বলবান্রক্তাক্ষো দংদুভিস্বনঃ ।
কনীয়ান্লক্ষ্মণো নাম ভ্রাতা শশিনিভাননঃ ॥ 16 ॥
স তেন সহ সংয়ুক্তঃ পাবকেনানিলো যথা ।
শ্রীমান্রাজবরস্তেন জনস্থানং নিপাতিতম্ ॥ 17 ॥
নৈব দেবা মহাত্মানো নাত্র কার্য়া বিচারণা ।
শরা রামেণ তূত্সৃষ্টা রুক্মপুংখাঃ পতত্রিণঃ ॥ 18 ॥
সর্পাঃ পংচাননা ভূত্বা ভক্ষয়ংতি স্ম রাক্ষসান্ ।
যেন যেন চ গচ্ছংতি রাক্ষসা ভযকর্শিতাঃ ॥ 19 ॥
তেন তেন স্ম পশ্য়ংতি রামমেবাগ্রতঃ স্থিতম্ ।
ইত্থং বিনাশিতং তেন জনস্থানং তবানঘ ॥ 20 ॥
অকংপনবচশ্রুত্বা রাবণো বাক্যমব্রবীত্ ।
জনস্থানং গমিষ্য়ামি হংতুং রামং সলক্ষ্মণম্ ॥ 21 ॥
অথৈবমুক্তে বচনে প্রোবাচেদমকংপনঃ ।
শৃণু রাজন্যথাবৃত্তং রামস্য় বলপৌরুষম্ ॥ 22 ॥
অসাধ্য়ঃ কুপিতো রামো বিক্রমেণ মহাযশাঃ ।
আপগায়াস্সুপূর্ণায়া বেগং পরিহরেচ্ছরৈঃ ॥ 23 ॥
সতারগ্রহনক্ষত্রং নভশ্চাপ্যবসাদয়েত্ ।
অসৌ রামস্তু সীদংতীং শ্রীমানভ্য়ুদ্ধরেন্মহীম্ ॥ 24 ॥
ভিত্ত্বা বেলাং সমুদ্রস্য় লোকানাপ্লাবয়েদ্বিভুঃ ।
বেগং বাপি সমুদ্রস্য় বায়ুং বা বিধমেচ্ছরৈঃ ॥ 25 ॥
সংহৃত্য় বা পুনর্লোকান্বিক্রমেণ মহাযশাঃ ।
শক্তস্সপুরুষব্য়াঘ্রঃ স্রষ্টুং পুনরপি প্রজাঃ ॥ 26 ॥
ন হি রামো দশগ্রীব শক্য়ো জেতুং ত্বয়া যুধি ।
রক্ষসাং বাপি লোকেন স্বর্গঃ পাপজনৈরিব ॥ 27 ॥
ন তং বধ্যমহং মন্য়ে সর্বৈর্দেবাসুরৈরপি ।
অয়ং তস্য় বধোপাযস্তন্মমৈকমনাশ্শৃণু ॥ 28 ॥
ভার্য়া তস্য়োত্তমা লোকে সীতা নাম সুমধ্যমা ।
শ্য়ামা সমবিভক্তাংগী স্ত্রীরত্নং রত্নভূষিতা ॥ 29 ॥
নৈব দেবী ন গংধর্বী নাপ্সরা নাপি দানবী ।
তুল্য়া সীমংতিনী তস্য়া মানুষীষু কুতো ভবেত্ ॥ 30 ॥
তস্য়াপহর ভার্য়াংত্বং প্রমথ্য় তু মহাবনে ।
সীতয়া রহিতঃ কামী রামো হাস্যতি জীবিতম্ ॥ 31 ॥
অরোচযত তদ্বাক্য়ং রাবণো রাক্ষসাধিপঃ ।
চিংতয়িত্বা মহাবাহুরকংপনমুবাচ হ ॥ 32 ॥
বাঢং কাল্য়ং গমিষ্য়ামি হ্য়েকস্সারথিনা সহ ।
আনয়িষ্য়ামি বৈদেহীমিমাং হৃষ্টো মহাপুরীম্ ॥ 33 ॥
অথৈবমুক্ত্বা প্রযয়ৌ খরয়ুক্তেন রাবণঃ ।
রথেনাদিত্যবর্ণেন দিশস্সর্বাঃ প্রকাশযন্ ॥ 34 ॥
স রথো রাক্ষসেংদ্রস্য় নক্ষত্রপথগো মহান্ ।
সংচার্যমাণশ্শুশুভে জলদে চংদ্রমা ইব ॥ 35 ॥
স মারীচাশ্রমং প্রাপ্য় তাটকেযমুপাগমত্ ।
মারীচেনার্চিতো রাজা ভক্ষ্যভোজ্য়ৈরমানুষৈঃ ॥ 36 ॥
তং স্বয়ং পূজয়িত্বা তু আসনেনোদকেন চ ।
অর্থোপহিতয়া বাচা মারীচো বাক্যমব্রবীত্ ॥ 37 ॥
কচ্চিত্সুকুশলং রাজন্লোকানাং রাক্ষসেশ্বর ।
আশংকে নাথ জানে ত্বং যতস্তূর্ণমিহাগতঃ ॥ 38 ॥
এবমুক্তো মহাতেজা মারীচেন স রাবণঃ ।
ততঃ পশ্চাদিদং বাক্যমব্রবীদ্বাক্যকোবিদঃ ॥ 39 ॥
আরক্ষো মে হতস্তাত রামেণাক্লিষ্টকর্মণা ।
জনস্থানমবধ্য় তত্সর্বং যুধি নিপাতিতম্ ॥ 40 ॥
তস্য় মে কুরু সাচিব্য়ং তস্য় ভার্য়াপহারণে ।
রাক্ষসেংদ্রবচশ্শ্রুত্বা মারীচো বাক্যমব্রবীত্ ॥ 41 ॥
আখ্য়াতা কেন সীতা সা মিত্ররূপেণ শত্রুণা ।
ত্বয়া রাক্ষসশার্দূল কো ন নংদতি নংদিতঃ ॥ 42 ॥
সীতামিহানযস্বেতি কো ব্রবীতি ব্রবীহি মে ।
রক্ষোলোকস্য় সর্বস্য় কশ্শৃংগং ছেত্তুমিচ্ছতি ॥ 43 ॥
প্রোত্সাহযতি কশ্চ ত্বাং স চ শত্রুরসংশয়ঃ ।
অশীবিষমুখাদ্দংষ্ট্রামুদ্ধর্তুং চেচ্ছতি ত্বয়া ॥ 44 ॥
কর্মণা কেন কেনাসি কাপথং প্রতিপাদিতঃ ।
সুখসুপ্তস্য় তে রাজন্ প্রহৃতং কেন মূর্ধনি ॥ 45 ॥
বিশুদ্ধবংশাভিজনাগ্রহস্ত স্তেজোমদস্সংস্থিতদোর্বিষাণঃ ।
উদীক্ষিতুং রাবণ নেহ যুক্তঃ স সংয়ুগে রাঘবগংধহস্তী ॥ 46 ॥
অসৌ রণাংতঃ স্থিতিসংধিবালো বিদগ্ধরক্ষোমৃগহা নৃসিংহঃ ।
সুপ্তস্ত্বয়া বোধয়িতুং ন যুক্তঃ শরাংগপূর্ণো নিশিতাসিদংষ্ট্রঃ ॥ 47 ॥
চাপাপহারে ভুজবেগপংকে শরোর্মিমালে সুমহাহবৌঘে ।
ন রামপাতালমুখেঽতিঘোরে প্রস্কংদিতুং রাক্ষসরাজ যুক্তম্ ॥ 48 ॥
প্রসীদ লংকেশ্বর রাক্ষসেংদ্র লংকাং প্রসন্নো ভব সাধু গচ্ছ ।
ত্বং স্বেষু দারেষু রমস্ব নিত্য়ং রামস্সভার্য়ো রমতাং বনেষু ॥ 49 ॥
এবমুক্তো দশগ্রীবো মারীচেন স রাবণঃ ।
ন্যবর্তত পুরীং লংকাং বিবেশ চ গৃহোত্তমম্ ॥ 50 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে একত্রিংশস্সর্গঃ ॥
