শ্রীমদ্বাল্মীকীয় রামাযণে অরণ্যকাংডম্ ।
অথ চতুস্ত্রিংশস্সর্গঃ ।
ততশ্শূর্পণখাং দৃষ্ট্বা ব্রুবংতীং পরুষং বচঃ ।
অমাত্যমধ্য়ে সংক্রুদ্ধঃ পরিপপ্রচ্ছ রাবণঃ ॥ 1 ॥
কশ্চ রামঃ কথংবীর্য়ঃ কিংরূপঃ কিংপরাক্রমঃ ।
কিমর্থং দংডকারণ্য়ং প্রবিষ্টস্সুদুরাসদম্ ॥ 2 ॥
আয়ুধং কিংচ রামস্য় নিহতা যেন রাক্ষসাঃ ।
খরশ্চ নিহতস্সংখ্য়ে দূষণস্ত্রিশিরাস্তথা ॥ 3 ॥
ইত্য়ুক্তা রাক্ষসেংদ্রেণ রাক্ষসী ক্রোধমূর্ছিতা ।
ততো রামং যথাতত্বমাখ্য়াতুমুপচক্রমে ॥ 4 ॥
দীর্ঘবাহুর্বিশালাক্ষ শ্চীরকৃষ্ণাজিনাংবরঃ ।
কংদর্পসমরূপশ্চ রামো দশরথাত্মজঃ ॥ 5 ॥
শক্রচাপনিভং চাপং বিকৃষ্য় কনকাংগদম্ ।
দীপ্তান্ ক্ষিপতি নারাচান্সর্পানিব মহাবিষান্ ॥ 6 ॥
নাদদানং শরান্ঘোরান্নমুংচংতং শিলীমুখান্ ।
ন কার্মুকং বিকর্ষংতং রামং পশ্য়ামি সংয়ুগে ॥ 7 ॥
হন্যমানং তু তত্সৈন্য়ং পশ্য়ামি শরবৃষ্টিভিঃ ।
ইংদ্রেণেবোত্তমং সস্যমাহতংত্বশ্মবৃষ্টিভিঃ ॥ 8 ॥
রক্ষসাং ভীমরূপাণাং সহস্রাণি চতুর্দশ ।
নিহতানি শরৈ স্তীক্ষ্ণৈস্তেনৈকেন পদাতিনা ॥ 9 ॥
অর্ধাধিকমুহূর্তেন খরশ্চ সহদূষণঃ ।
ঋষীণামভয়ং দত্তং কৃতক্ষেমাশ্চ দংডকাঃ ॥ 10 ॥
একা কথংচিন্মুক্তাহং পরিভূয় মহাত্মনা ।
স্ত্রীবধং শংকমানেন রামেণ বিদিতাত্মনা ॥ 11 ॥
ভ্রাতা চাস্য় মহাতেজা গুণতস্তুল্যবিক্রমঃ ।
অনুরক্তশ্চ ভক্তশ্চ লক্ষ্মণো নাম বীর্যবান্ ॥ 12 ॥
অমর্ষী দুর্জয়ো জেতা বিক্রাংতো বুদ্ধিমান্বলী ।
রামস্য় দক্ষিণো বাহুর্নিত্য়ং প্রাণো বহিশ্চরঃ ॥ 13 ॥
রামস্য় তু বিশালাক্ষী পূর্ণেংদুসদৃশাননা ।
ধর্মপত্নী প্রিয়া ভর্তুর্নিত্য়ং প্রিযহিতে রতা ॥ 14 ॥
সা সুকেশী সুনাসোরুস্সুরূপা চ যশস্বিনী ।
দেবতেব বনস্য়াস্য় রাজতে শ্রীরিবাপরা ॥ 15 ॥
তপ্তকাংচনবর্ণাভা রক্ততুংগনখী শুভা ।
সীতা নাম বরারোহা বৈদেহী তনুমধ্যমা ॥ 16 ॥
নৈব দেবী ন গংধর্বী ন যক্ষী ন চ কিন্নরী ।
নৈবংরূপা ময়া নারী দৃষ্টপূর্বা মহীতলে ॥ 17 ॥
যস্য় সীতা ভবেদ্ভার্য়া যং চ হৃষ্টা পরিষ্বজেত্ ।
অতিজীবেত্স সর্বেষু লোকেষ্বপি পুরংদরাত্ ॥ 18 ॥
সা সুশীলা বপুশ্শ্লাঘ্য়া রূপেণাপ্রতিমা ভুবি ।
তবানুরূপা ভার্য়া স্য়াত্ত্বং চ তস্য়াস্তথা পতিঃ ॥ 19 ॥
তাং তু বিস্তীর্ণজঘনাং পীনশ্রোণিপয়োধরাম্ ।
ভার্য়ার্থে চ তবানেতুমুদ্যতাহং বরাননাম্ ॥ 20 ॥
বিরূপিতাস্মি ক্রূরেণ লক্ষ্মণেন মহাভুজ ।
তাং তু দৃষ্ট্বাদ্য় বৈদেহীং পূর্ণচংদ্রনিভাননাম্ ।
মন্মথস্য় শরাণাং বৈ ত্বং বিধেয়ো ভবিষ্যসি ॥ 21 ॥
যদি তস্য়ামভিপ্রায়ো ভার্য়ার্থে তব জাযতে ।
শীঘ্রমুদ্ধ্রিযতাং পাদো জয়ার্থমিহ দক্ষিণঃ ॥ 22 ॥
কুরু প্রিয়ং তথা তেষাং রক্ষসাং রাক্ষসেশ্বর ।
বধাত্তস্য় নৃশংসস্য় রামস্য়াশ্রমবাসিনঃ ॥ 23 ॥
তং শরৈর্নিশিতৈর্হত্বা লক্ষ্মণং চ মহারথম্ ।
হতনাথাং সুখং সীতাং যথাবদুপভোক্ষ্যসি ॥ 24 ॥
রোচতে যতি তে বাক্য়ং মমৈতদ্রাক্ষসেশ্বর ।
ক্রিযতাং নির্বিশংকেন বচনং মম রাবণ ॥ 25 ॥
বিজ্ঞায়েহাত্মশক্তিং চ হ্রিযতামবলা বলাত্ ।
সীতা সর্বানবদ্য়াংগী ভার্য়ার্থে রাক্ষসেশ্বর ॥ 26 ॥
নিশম্য় রামেণ শরৈরজিহ্মগৈ র্হতান্ জনস্থানগতান্নিশাচরান্ ।
খরং চ বুদ্ধ্বা নিহতং চ দূষণং ত্বমত্র কৃত্য়ং প্রতিপত্তুমর্হসি ॥ 27 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে চতুস্ত্রিংশস্সর্গঃ ॥
