ශ්රීමද්වාල්මීකීය රාමායණේ අරණ්යකාංඩම් ।
අථ පංචත්රිංශස්සර්ගඃ ।
තතශ්ශූර්පණඛාවාක්යං තච්ඡ්රුත්වා රෝමහර්ෂණම් ।
සචිවානභ්යනුජ්ඤාය කාර්යං බුද්ධ්වා ජගාම හ ॥ 1 ॥
තත්කාර්යමනුගම්යාථ යථාවදුපලභ්ය ච ।
දෝෂාණාං ච ගුණානාං ච සංප්රධාර්ය බලාබලම් ॥ 2 ॥
ඉති කර්තව්යමිත්යේව කෘත්වා නිශ්චයමාත්මනඃ ।
ස්ථිරබුද්ධිස්තතෝ රම්යාං යානශාලාං ජගාම හ ॥ 3 ॥
යානශාලාං තතෝ ගත්වා ප්රච්ඡන්නෝ රාක්ෂසාධිපඃ ।
සූතං සංචෝදයාමාස රථස්සංයෝජ්යතාමිති ॥ 4 ॥
ඒවමුක්තඃ ක්ෂේණේනෛව සාරථිර්ලඝුවික්රමඃ ।
රථං සංයෝජයාමාස තස්යාභිමතමුත්තමම් ॥ 5 ॥
කාංචනං රථමාස්ථාය කාමගං රත්නභූෂිතම් ।
පිශාචවදනෛර්යුක්තං ඛරෛඃ කාංචනභූෂණෛඃ ॥ 6 ॥
මේඝප්රතිමනාදේන ස තේන ධනදානුජඃ ।
රාක්ෂසාධිපතිශ්ශ්රීමාන්යයෞ නදනදීපතිම් ॥ 7 ॥
ස ශ්වේතවාලව්යජනඃ ශ්වේතච්ඡත්රෝ දශානනඃ ।
ස්නිග්ධවෛදූර්යසංකාශ ස්තප්තකාංචනකුංඩලඃ ॥ 8 ॥
විංශද්භුජෝ දශග්රීවෝ දර්ශනීයපරිච්ඡදඃ ।
ත්රිදශාරිර්මුනීංද්රඝ්නෝ දශශීර්ෂ ඉවාද්රිරාට් ॥ 9 ॥
කාමගං රථමාස්ථාය ශුශුභේ රාක්ෂසේශ්වරඃ ।
විද්යුන්මංඩලවාන්මේඝස්සබලාක ඉවාංබරේ ॥ 10 ॥
ස ශෛලං සාගරානූපං වීර්යවානවලෝකයන් ।
නානාපුෂ්පඵලෛර්වෘක්ෂෛරනුකීර්ණං සහස්රශඃ ॥ 11 ॥
ශීතමංගලතෝයාභිඃ පද්මිනීභිස්සමංතතඃ ।
විශාලෛරාශ්රමපදෛර්වේදිමද්භිස්සමාවෘතම් ॥ 12 ॥
කදල්යාඪකිසංබාධං නාරිකේලෝපශෝභිතම් ।
සාලෛස්තාලෛස්තමාලෛශ්ච පුෂ්පිතෛස්තරුභිර්වෘතම් ॥ 13 ॥
නාගෛස්සුපර්ණෛර්ගංධෛර්වෛඃ කින්නරෛශ්ච සහස්රශඃ ।
අජෛර්වෛඛානසෛර්මාෂෛර්වාලඛිල්යෛර්මරීචිපෛඃ ॥ 14 ॥
අත්යංතනියතාහාරෛශ්ශෝභිතං පරමර්ෂිභිඃ ।
ජිතකාමෛශ්ච සිද්ධෛශ්ච චාරණෛරුපශෝභිතම් ॥ 15 ॥
දිව්යාභරණමාල්යාභිර්දිව්යරූපාභිරාවෘතම් ।
ක්රීඩාරතිවිධිජ්ඤාභිරප්සරෝභිස්සහස්රශඃ ॥ 16 ॥
සේවිතං දේවපංතීභිශ්ශ්රීමතීභිශ්ශ්රියාऽऽවෘතම් ।
දේවදානවසංඝෛශ්ච චරිතං ත්වමෘතාශිභිඃ ॥ 17 ॥
හංසක්රෞංචප්ලවාකීර්ණං සාරසෛස්සංප්රණාදිතම් ।
වෛඪූර්යප්රස්තරං රම්යං ස්නිග්ධං සාගරතේජසා ॥ 18 ॥
පාංඩුරාණි විශාලානි දිව්යමාල්යයුතානි ච ।
තූර්යගීතාභිජුෂ්ටානි විමානානි සමංතතඃ ॥ 19 ॥
තපසා ජිතලෝකානාං කාමගාන්යභිසංපතන් ।
ගංධර්වාප්සරසශ්චෛව දදර්ශ ධනදානුජඃ ॥ 20 ॥
නිර්යාසරසමූලානාං චංදනානාං සහස්රශඃ ।
වනානි පශ්යන්සෞම්යානි ඝ්රාණතෘප්තිකරාණි ච ॥ 21 ॥
අගරූණාං ච මුඛ්යානාං වනාන්යුපවනානි ච ।
තක්කෝලානාං ච ජාත්යානාං ඵලානාං ච සුගංධිනාම් ॥ 22 ॥
පුෂ්පාණි ච තමාලස්ය ගුල්මානි මරිචස්ය ච ।
මුක්තානාං ච සමූහානි ශුෂ්යමාණානි තීරතඃ ॥ 23 ॥
ශංඛානාං ප්රසරං චෛව ප්රවාලනිචයං තථා ।
කාංචනානි ච ශෛලානි රාජතානි ච සර්වශඃ ॥ 24 ॥
ප්රස්රවාණි මනෝජ්ඤානි ප්රසන්නානි හ්රදානි ච ।
ධනධාන්යෝපපන්නානි ස්ත්රීරත්නෛශ්ශෝභිතානි ච ॥ 25 ॥
හස්ත්යශ්වරථගාඪානි නගරාණ්යවලෝකයන් ।
තං සමං සර්වතස්නිග්ධං මෘදුසංස්පර්ශමාරුතම් ।
අනූපං සිංධුරාජස්ය දදර්ශ ත්රිදිවෝපමම් ॥ 26 ॥
තත්රාපශ්යත්ස මේඝාභං න්යග්රෝධමෘෂිභිර්වෘතම් ॥ 27 ॥
සමංතාද්යස්ය තාශ්ශාඛාශ්ශතයෝජනමායතාඃ ।
යස්ය හස්තිනමාදාය මහාකායං ච කච්ඡපම් ॥ 28 ॥
භක්ෂාර්ථං ගරුඩශ්ශාඛාමාජගාම මහාබලඃ ।
තස්ය තාං සහසා ශාඛාං භාරේණ පතගෝත්තමඃ ॥ 29 ॥
සුපර්ණඃ පර්ණබහුලාං බභංජ ච මහාබලඃ ।
තත්ර වෛඛානසා මාෂා වාලඛිල්යා මරීචිපාඃ ॥ 30 ॥
අජා බභූවුර්ධූම්රාශ්ච සංගතාඃ පරමර්ෂයඃ ।
තේෂාං දයාර්ථං ගරුඩස්තාං ශාඛාං ශතයෝජනාම් ॥ 31 ॥
ජගාමාදාය වේගේන තෞ චෝභෞ ගජකච්ඡපෞ ।
ඒකපාදේන ධර්මාත්මා භක්ෂයිත්වා තදාමිෂම් ॥ 32 ॥
නිෂාදවිෂයං හත්වා ශාඛයා පතගෝත්තමඃ ।
ප්රහර්ෂමතුලං ලේභේ මෝක්ෂයිත්වා මහාමුනීන් ॥ 33 ॥
ස තේනෛව ප්රහර්ෂේණ ද්විගුණීකෘතවික්රමඃ ।
අමෘතානයනාර්ථං වෛ චකාර මතිමාන්මතිම් ॥ 34 ॥
අයෝජාලානි නිර්මථ්ය භිත්වා රත්නමයං ගෘහම් ।
මහේංද්රභවනාද්ගුප්තමාජහාරාමෘතං තතඃ ॥ 35 ॥
තං මහර්ෂිගණෛර්ජුෂ්ටං සුපර්ණකෘතලක්ෂණම් ।
නාම්නා සුභද්රං න්යග්රෝධං දදර්ශ ධනදානුජඃ ॥ 36 ॥
තං තු ගත්වා පරං පාරං සමුද්රස්ය නදීපතේඃ ।
දදර්ශාශ්රමමේකාංතේ රම්යේ පුණ්යේ වනාංතරේ ॥ 37 ॥
තත්ර කෘෂ්ණාජිනධරං ජටාවල්කලධාරිණම් ।
දදර්ශ නියතාහාරං මාරීචං නාම රාක්ෂසාම් ॥ 38 ॥
ස රාවණස්සමාගම්ය විධිවත්තේන රක්ෂසා ।
මාරීචේනාර්චිතෝ රාජා සර්වකාමෛරමානුෂෛඃ ॥ 39 ॥
තං ස්වයං පූජයිත්වා තු භෝජනේනෝදකේන ච ।
අර්ථෝපහිතයා වාචා මාරීචෝ වාක්යමබ්රවීත් ॥ 40 ॥
කච්චිත්සුකුශලං රාජන්ලංකායාං රාක්ෂසේශ්වර ।
කේනාර්ථේන පුනස්ත්වං වෛ තූර්ණමේවමිහාගතඃ ॥ 41 ॥
ඒවමුක්තෝ මහාතේජා මාරීචේන ස රාවණඃ ।
තතඃ පශ්චාදිදං වාක්යමබ්රවීද්වාක්යකෝවිදඃ ॥ 42 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ අරණ්යකාංඩේ පංචත්රිංශස්සර්ගඃ ॥
