শ্রীমদ্বাল্মীকীয় রামাযণে অরণ্যকাংডম্ ।
অথ সপ্তচত্বারিংশস্সর্গঃ ।
রাবণেন তু বৈদেহী তদা পৃষ্টা জিহীর্ষতা ।
পরিব্রাজকরূপেণ শশংসাত্মানমাত্মনা ॥ 1 ॥
ব্রাহ্মণশ্চাতিথিশ্চাযমনুক্তো হি শপেত মাম্ ।
ইতি ধ্য়াত্বা মুহূর্তং তু সীতা বচনমব্রবীত্ ॥ 2 ॥
দুহিতা জনকস্য়াহং মৈথিলস্য় মহাত্মনঃ ।
সীতা নাম্নাস্মি ভদ্রং তে রামভার্য়া দ্বিজোত্তম ॥ 3 ॥
উষিত্বা দ্বাদশ সমা ইক্ষ্বাকুণাং নিবেশনে ।
ভুংজানা মানুষান্ভোগান্সর্বকামসমৃদ্ধিনী ॥ 4 ॥
ততস্ত্রয়োদশে বর্ষে রাজামংত্রযত প্রভুঃ ।
অভিষেচয়িতুং রামং সমেতো রাজমংত্রিভিঃ ॥ 5 ॥
তস্মিন্সংভ্রিযমাণে তু রাঘবস্য়াভিষেচনে ।
কৈকেয়ী নাম ভর্তারমার্য়া সা যাচতে বরম্ ॥ 6 ॥
প্রতিগৃহ্য় তু কৈকেয়ী শ্বশুরং সুকৃতেন মে ।
মম প্রব্রাজনং ভর্তুর্ভরতস্য়াভিষেচনম্ ॥ 7 ॥
দ্বাবয়াচত ভর্তারং সত্যসংধং নৃপোত্তমম্ ।
নাদ্য় ভোক্ষ্য়ে ন চ স্বপ্স্য়ে ন পাস্য়েচ কথংচন ॥ 8 ॥
এষ মে জীবিতস্য়াংতো রামো যদ্যভিষিচ্যতে ।
ইতি ব্রুবাণাং কৈকেয়ীং শ্বশুরো মে স মানদঃ ॥ 9 ॥
অয়াচতার্থৈরন্বর্থৈর্ন চ যাংচাং চকার সা ।
মম ভর্তামহাতেজা বযসা পংচবিংশকঃ ॥ 10 ॥
অষ্টাদশ হি বর্ষাণি মম জন্মনি গণ্যতে ।
রামেতি প্রথিতো লোকে গুণবান্সত্যবান্শুচিঃ ॥ 11 ॥
বিশালাক্ষো মহাবাহুস্সর্বভূতহিতে রতঃ ।
কামার্তস্তু মহাতেজাঃ পিতা দশরথস্স্বযম্ ॥ 12 ॥
কৈকেয়্য়াঃ প্রিযকামার্থং তং রামং নাভ্যষেচযত্ ।
অভিষেকায় তু পিতুস্সমীপং রামমাগতম্ ॥ 13 ॥
কৈকেয়ী মম ভর্তারমিত্য়ুবাচ ধৃতং বচঃ ।
তব পিত্রা সমাজ্ঞপ্তং মমেদং শৃণু রাঘব ॥ 14 ॥
ভরতায় প্রদাতব্যমিদং রাজ্যমকংটকম্ ।
ত্বয়া হি খলু বস্তব্য়ং নব বর্ষাণি পংচ চ ॥ 15 ॥
বনে প্রব্রজ কাকুত্স্থ পিতরং মোচয়ানৃতান্ ।
তথেত্য়ুক্ত্বা চ তাং রামঃ কৈকেয়ীমকুতোভয়ঃ ॥ 16 ॥
চকার তদ্বচস্তস্য়া মম ভর্তা দৃঢব্রতঃ ।
দদ্য়ান্ন প্রতিগৃহ্ণীয়াত্সত্য়ং ব্রূয়ান্ন চানৃতম্ ॥ 17 ॥
এতদ্ব্রাহ্মণ রামস্য় ধ্রৃবং ব্রতমনুত্তমম্ ।
তস্য় ভ্রাতা তু দ্বৈমাত্রো লক্ষ্মণো নাম বীর্যবান্ ॥ 18 ॥
রামস্য় পুরুষব্য়াঘ্রস্সহাযস্সমরেরিহা ।
স ভ্রাতা লক্ষ্মণো নাম ধর্মচারী দৃঢব্রতঃ ॥ 19 ॥
অন্বগচ্ছদ্দনুষ্পাণিঃ প্রব্রজংতং ময়া সহ ।
জটী তাপসরূপেণ ময়া সহ সহানুজঃ ॥ 20 ॥
প্রবিষ্টো দংডকারণ্য়ং ধর্মনিত্য়ো জিতেংদ্রিয়ঃ ।
তে বয়ং প্রচ্য়ুতা রাজ্য়াত্কৈকেয়্য়াস্তু কৃতে ত্রয়ঃ ॥ 21 ॥
বিচরামো দ্বিজশ্রেষ্ঠ বনং গংভীরমোজসা ।
সমাশ্বস মুহূর্তং তু শক্য়ং বস্তুমিহ ত্বয়া ॥ 22 ॥
আগমিষ্যতি মে ভর্তা বন্যমাদায় পুষ্কলম্ ।
রুরূন্গোধা ন্বরাহাংশ্চ হত্বাঽদায়াঽমিষান্বহূন্ ॥ 23 ॥
স ত্বং নাম চ গোত্রংচ কুলং চাচক্ষ্ব তত্ত্বতঃ ।
একশ্চ দংডকারণ্য়ে কিমর্থং চরসি দ্বিজ ॥ 24 ॥
এবং বৃবংত্য়াং সীতায়াং রামপত্ন্য়াং মহাবলঃ ।
প্রত্য়ুবাচোত্তরং তীব্রং রাবণো রাক্ষসাধিপঃ ॥ 25 ॥
যেন বিত্রাসিতা লোকাস্সদেবাসুরপন্নগাঃ ।
অহং তু রাবণো নাম সীতে রক্ষোগণেশ্বরঃ ॥ 26 ॥
ত্বাং তু কাংচনবর্ণাভাং দৃষ্ট্বা কৌশেযবাসিনীম্ ।
রতিং স্বকেষু দারেষু নাধিগচ্ছাম্যনিংদিতে ॥ 27 ॥
বহ্বীনামুত্তমস্ত্রীণামাহৃতানামিতস্ততঃ ।
সর্বাসামেব ভদ্রং তে মমাগ্রমহিষী ভব ॥ 28 ॥
লংকানাম সমুদ্রস্য় মম মধ্য়ে মহাপুরী ।
সাগরেণ পরিক্ষিস্তা নিবিষ্টা নগমূর্ধনি ॥ 29 ॥
তত্র সীতে ময়া সার্ধং বনেষু বিহরিষ্যসি ।
ন চাস্য়ারণ্যবাসস্য় স্পৃহয়িষ্যসি ভামিনি ॥ 30 ॥
পংচ দাস্যস্সহস্রাণি সর্বাভরণভূষিতাঃ ।
সীতে পরিচরিষ্য়ংতি ভার্য়া ভবসি মে যদি ॥ 31 ॥
রাবণেনৈবমুক্তা তু কুপিতা জনকাত্মজা ।
প্রত্য়ুবাচানবদ্য়াংগী তমনাদৃত্য় রাক্ষসম্ ॥ 32 ॥
মহাগিরিমিবাকংপ্য়ং মহেংদ্রসদৃশং পতিম্ ।
মহোদধিমিবাক্ষোভ্যমহং রামমনুব্রতা ॥ 33 ॥
সর্বলক্ষণসংপন্নং ন্যগ্রোধপরিমংডলম্ ।
সত্যসংধং মহাভাগমহং রামমনুব্রতা ॥ 34 ॥
মহাবাহুং মহোরস্কং সিংহবিক্রাংতগামিনম্ ।
নৃসিংহং সিংহসংকাশমহং রামমনুব্রতা ॥ 35 ॥
পূর্ণচংদ্রাননং রামং রাজবত্সং জিতেংদ্রিযম্ ।
পৃথুকীর্তিং মহাত্মানমহং রামমনুব্রতা ॥ 36 ॥
ত্বং পুনর্জংবুকস্সিংহীং মামিচ্ছসি সুদুর্লভাম্ ।
নাহং শক্য়া ত্বয়া স্প্রষ্টুমাদিত্যস্য় প্রভা যথা ॥ 37 ॥
পাদপান্কাংচনান্নূনং বহূন্পশ্যসি মংদভাক্ ।
রাঘপস্য় প্রিয়াং ভার্য়াং যস্ত্বমিচ্ছসি রাবণ ॥ 38 ॥
ক্ষুধিতস্য় হি সিংহস্য় মৃগশত্রোস্তরস্বিনঃ ।
আশীবিষস্য় মুখাদ্দংষ্ট্রামাদাতুমিচ্ছসি ॥ 39 ॥
মংদরং পর্বতশ্রেষ্ঠং পাণিনা হর্তুমিচ্ছসি ।
কালকূটং বিষং পীত্বা স্বস্তিমান্গংতুমিচ্ছসি ॥ 40 ॥
অক্ষি সূচ্য়া প্রমৃজসি জিহ্বয়া লেক্ষি চ ক্ষুরম্ ।
রাঘবস্য় প্রিয়াং ভার্য়াং যোঽধিগংতুং ত্বমিচ্ছসি ॥ 41 ॥
অবসজ্য় শিলাং কংঠে সমুদ্রং তর্তুমিচ্ছসি ।
সূর্য়াচংদ্রমসৌ চোভৌ পাণিভ্য়াং হর্তুমিচ্ছসি ॥ 42 ॥
যো রামস্য় প্রিয়াং ভার্য়াং প্রধর্ষয়িতুমিচ্ছসি ।
অগ্নিং প্রজ্বলিতং দৃষ্ট্বা বস্ত্রেণাহর্তুমিচ্ছসি ॥ 43 ॥
কাল্য়াণবৃত্তাং রামস্য় যো ভার্য়াংহর্তুমিচ্ছসি ।
অয়োমুখানাং শূলানামগ্রে চরিতুমিচ্ছসি ॥ 44 ॥
রামস্য় সদৃশীং ভার্য়াং যোঽধিগংতুং ত্বমিচ্ছসি ।
যদংতরং সিংহশৃগালয়োর্বনে যদংতরং স্য়ংদিনিকা সমুদ্রয়োঃ ।
সুরাগ্র্য় সৌবীরকয়োর্যদংতরং তদংতরং বৈ তব রাঘবস্য় চ ॥ 45 ॥
যদংতরং কাংচনসীসলোহয়োর্যদংতরং চংদনবারিপংকয়োঃ ।
যদংতরং হস্তিবিডালয়োর্বনে তদংতরং দাশরথেস্তবৈব চ ॥ 46 ॥
যদংতরং বাযসবৈনতেযয়োর্যদংতরং মদ্গুময়ূরয়োরপি ।
যদংতরং সারসগৃধ্রয়োর্বনে তদংতরং দাশরথেস্তবৈব চ ॥ 47 ॥
তস্মিন্সহস্রাক্ষসমপ্রভাবে রামে স্থিতে কার্মুকবাণপাণৌ ।
হৃতাপি তেহং ন জরাং গমিষ্য়ে বজ্রং যথা মক্ষিকয়াবগীর্ণম্ ॥ 48 ॥
ইতীব তদ্বাক্যমদুষ্টভাবা সুদুষ্টমুক্ত্বা রজনীচরং তম্ ।
গাত্রপ্রকংপাদ্ব্যথিতা বভূব বাতোদ্ধতা সা কদলীব তন্বী ॥ 49 ॥
তাং বেপমানামুপলক্ষ্য় সীতাং স রাবণো মৃত্য়ুসমপ্রভাবঃ ।
কুলং বলং নাম চ কর্ম চাত্মনঃ সমাচচক্ষে ভযকারণার্থম্ ॥ 50 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে সপ্তচত্বারিংশস্সর্গঃ ॥
