শ্রীমদ্বাল্মীকীয় রামাযণে অরণ্যকাংডম্ ।
অথ অষ্টচত্বারিংশস্সর্গঃ ।
এবং বৃবংত্য়াং সীতায়াং সংরব্দঃ পরুষং বচঃ ।
ললাটে ভৃকুটীং কৃত্বা রাবণঃ প্রত্য়ুবাচ হ ॥ 1 ॥
ভ্রাতা বৈশ্রবণস্য়াহং সাপত্ন্য়ো বরবর্ণিনি ।
রাবণো নাম ভদ্রং তে দশগ্রীবঃ প্রতাপবান্ ॥ 2 ॥
যস্য় দেবাস্সগংধর্বাঃ পিশাচপতগোরগাঃ ।
বিদ্রবংতি ভয়াদ্ভীতা মৃত্য়োরিব সদা প্রজাঃ ॥ 3 ॥
যেন বৈশ্রবণো রাজা দ্বৈমাত্রঃ কারণাংতরে ।
দ্বংদ্বমাসাদিতঃ ক্রোধাদ্রণে বিক্রম্য় নির্জিতঃ ॥ 4 ॥
যদ্ভয়ার্তঃ পরিত্যজ্য় স্বমধিষ্ঠানমৃদ্ধিমত্ ।
কৈলাসং পর্বতশ্রেষ্ঠমধ্য়াস্তে নরবাহনঃ ॥ 5 ॥
যস্য় তত্পুষ্পকং নাম বিমানং কামগং শুভম্ ।
বীর্য়াদেবার্জিতং ভদ্রে যেন যামি বিহাযসম্ ॥ 6 ॥
মম সংজাতরোষস্য় মুখং দৃষ্ট্বৈব মৈথিলি ।
বিদ্রবংতি পরিত্রস্তাস্সুরাশ্শক্রপুরোগমাঃ ॥ 7 ॥
যত্র তিষ্ঠাম্যহং তত্র মারুতো বাতি শংকিতঃ ।
তীব্রাংশুশ্শিশিরাংশুশ্চ ভয়াত্সংপদ্যতে রবিঃ ॥ 8 ॥
নিষ্কংপপত্রাস্তরবো নদ্যশ্চ স্তিমিতোদকাঃ ।
ভবংতি যত্র যত্রাহং তিষ্ঠামি বিচরামি চ ॥ 9 ॥
মম পারে সমুদ্রস্য় লংকা নাম পুরী শুভা ।
সংপূর্ণা রাক্ষসৈর্ঘোরৈর্যথেংদ্রস্য়ামরাবতী ॥ 10 ॥
প্রাকারেণ পরিক্ষিপ্তা পাংডুরেণ বিরাজতা ।
হেমকক্ষ্য়া পুরী রম্য়া বৈঢূর্যমযতোরণা ॥ 11 ॥
হস্ত্যশ্বরথসংবাধা তূর্যনাদবিনাদিতা ।
সর্বকালফলৈর্বৃক্ষৈস্সংকুলোদ্দ্য়ানশোভিতা ॥ 12 ॥
তত্র ত্বং বসতী সীতে রাজপুত্রি ময়া সহ ।
ন স্মরিষ্যসি নারীণাং মানুষীণাং মনস্বিনি ॥ 13 ॥
ভুংজানা মানুষান্ভোগাংদিব্য়াংশ্চ বরবর্ণিনি ।
ন স্মরিষ্যসি রামস্য় মানুষস্য় গতায়ুষঃ ॥ 14 ॥
স্থাপয়িত্বা প্রিয়ং পুত্রং রাজ্ঞা দশরথেন যঃ ।
মংদবীর্যস্সুতো জ্য়েষ্ঠস্ততঃ প্রস্থাপিতো বনম্ ॥ 15 ॥
তেন কিং ভ্রষ্টরাজ্য়েন রামেণ গতচেতসা ।
করিষ্যসি বিশালাক্ষি তাপসেন তপস্বিনা ॥ 16 ॥
সর্বরাক্ষসভর্তারং কামাত্স্বযমিহাগতম্ ।
ন মন্মথশরাবিষ্টং প্রত্য়াখ্য়াতুং ত্বমর্হসি ॥ 17 ॥
প্রত্য়াখ্য়ায় হি মাং ভীরু পরিতাপং গমিষ্যসি ।
চরণেনাভিহত্য়েব পুরূরবসমূর্বশী ॥ 18 ॥
অংগুল্য়া ন সমো রামো মম যুদ্ধে স মানুষঃ ।
তব ভাগ্য়েন সংপ্রাপ্তং ভজস্ব বরবর্ণিনি ॥ 19 ॥
এবমুক্তা তু বৈদেহী ক্রুদ্ধা সংরক্তলোচনা ।
অব্রবীত্পরুষং বাক্য়ং রহিতে রাক্ষসাধিপম্ ॥ 20 ॥
কথং বৈশ্রবণং দেবং সর্বভূতনমস্কৃতম্ ।
ভ্রাতরং ব্যপদিশ্য় ত্বমশুভং কর্তুমিচ্ছসি ॥ 21 ॥
অবশ্য়ং বিনশিষ্য়ংতি সর্বে রাবণ রাক্ষসাঃ ।
যেষাং ত্বং কর্কশো রাজা দুর্বুদ্ধিরজিতেংদ্রিয়ঃ ॥ 22 ॥
অপহৃত্য় শচীং ভার্য়াং শক্যমিংদ্রস্য় জীবিতুম্ ।
ন চ রামস্য় ভার্য়াং মামপনীয়াস্তি জীবিতম্ ॥ 23 ॥
জীবেচ্চিরং বজ্রধরস্য় হস্তাচ্ছচীং প্রধৃষ্য়াপ্রতিরূপরূপাম্ ।
ন মাদৃশীং রাক্ষস দূশয়িত্বা পীতামৃতস্য়াপি তবাস্তি মোক্ষঃ ॥ 24 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে অষ্টচত্বারিংশস্সর্গঃ ॥
