শ্রীমদ্বাল্মীকীয় রামাযণে অরণ্যকাংডম্ ।
অথ ষষ্ঠস্সর্গঃ ।
শরভংগে দিবং প্রাপ্তে মুনিসংঘাস্সমাগতাঃ ।
অভ্যগচ্ছংত কাকুত্স্থং রামং জ্বলিততেজসম্ ॥ 1 ॥
বৈখানসা বালখিল্য়াস্সংপ্রক্ষালা মরীচিপাঃ ।
অশ্মকুট্টাশ্চ বহবঃ পত্রাহারাশ্চ তাপসাঃ ॥ 2 ॥
দংতোলূখলিনশ্চৈব তথৈবোন্মজ্জকাঃ পরে ।
গাত্রশয়্য়া অশয়্য়াশ্চ তথৈবাভ্রাবকাশকাঃ ॥ 3 ॥
মুনযস্সলিলাহারাবায়ুভক্ষা স্তথাপরে ।
আকাশনিলয়াশ্চৈব তথা স্থংডিলশায়িনঃ ॥ 4 ॥
ব্রতোপবাসিনো দাংতাস্তথাঽর্দ্রপটবাসসঃ ।
সজপাশ্চ তপোনিত্য়াস্তথা পংচতপোঽন্বিতাঃ ॥ 5 ॥
সর্বে ব্রাহ্ম্য়া শ্রিয়া জুষ্টা দৃঢয়োগাস্সমাহিতাঃ ।
শরভংগাশ্রমে রামমভিজগ্মুশ্চ তাপসাঃ ॥ 6 ॥
অভিগম্য় চ ধর্মজ্ঞা রামং ধর্মভৃতাং বরম্ ।
ঊচুঃ পরমধর্মজ্ঞমৃষিসংঘাস্সমাহিতাঃ ॥ 7 ॥
ত্বমিক্ষ্বাকুকুলস্য়াস্য় পৃথিব্য়াশ্চ মহারথ ।
প্রধানশ্চাসি নাথশ্চ দেবানাং মঘবানিব ॥ 8 ॥
বিশ্রুতস্ত্রিষু লোকেষু যশসা বিক্রমেণ চ ।
পিতৃভক্তিশ্চ সত্য়ং চ ত্বয়ি ধর্মশ্চ পুষ্কলঃ ॥ 9 ॥
ত্বামাসাদ্য় মহাত্মানং ধর্মজ্ঞং ধর্মবত্সলম্ ।
অর্থিত্বান্নাথ বক্ষ্য়ামস্তচ্চ নঃ ক্ষংতুমর্হসি ॥ 10 ॥
অধর্মস্সুমহাংস্তাত ভবেত্তস্য় মহীপতেঃ ।
যো হরেদ্বলিষড্ভাগাং ন চ রক্ষতি পুত্রবত্ ॥ 11 ॥
যুংজানস্স্বানিব প্রাণান্প্রাণৈরিষ্টান্সুতানিব ।
নিত্যয়ুক্তস্সদা রক্ষন্সর্বান্বিষযবাসিনঃ ॥ 12 ॥
প্রাপ্নোতি শাশ্বতীং রাম কীর্তিং স বহুবার্ষিকীম্ ।
ব্রহ্মণস্স্থানমাসাদ্য় তত্র চাপি মহীযতে ॥ 13 ॥
যত্করোতি পরং ধর্ম মুনির্মূলফলাশনঃ ।
তত্র রাজ্ঞশ্চতুর্ভাগ প্রজা ধর্মেণ রক্ষিতঃ ॥ 14 ॥
সোঽয়ং ব্রাহ্মণভূয়িষ্ঠো বানপ্রস্থগণো মহান্ ।
ত্বন্নাথোঽনাথবদ্রাম রাক্ষসৈর্বধ্যতে ভৃশম্ ॥ 15 ॥
এহি পশ্য় শরীরাণি মুনীনাং ভাবিতাত্মনাম্ ।
হতানাং রাক্ষসৈর্ঘোরৈর্বহূনাং বহুধা বনে ॥ 16 ॥
পংপানদীনিবাসানামনুমংদাকিনীমপি ।
চিত্রকূটালয়ানাং চ ক্রিযতে কদনং মহত্ ॥ 17 ॥
এবং বয়ং ন মৃষ্য়ামো বিপ্রকারং তপস্বিনাম্ ।
ক্রিযমাণং বনে ঘোরং রক্ষোভির্ভীমকর্মভিঃ ॥ 18 ॥
ততস্ত্বাং শরণার্থং চ শরণ্য়ং সমুপস্থিতাঃ ।
পরিপালয় নো রাম বধ্যমানান্নিশাচরৈঃ ॥ 19 ॥
পরা ত্বত্তো গতির্বীর পৃথিব্য়াং নোপপদ্যতে ।
পরিপালয় ন স্সর্বান্রাক্ষসেভ্য়ো নৃপাত্মজ ॥ 20 ॥
এতচ্ছ্রুত্বা তু কাকুত্স্থস্তাপসানাং তপস্বিনাম্ ।
ইদং প্রোবাচ ধর্মাত্মা সর্বানেব তপস্বিনঃ ॥ 21 ॥
নৈবমর্হথ মাং বক্তুমাজ্ঞাপ্য়োঽহং তপস্বিনাম্ ।
কেবলেনাত্মকার্য়েণ প্রবেষ্টব্য়ং ময়া বনম্ ॥ 22 ॥
বিপ্রকারমপাক্রষ্টুং রাক্ষসৈর্ভবতামিমম্ ।
পিতুস্তু নির্দেশকরঃ প্রবিষ্টোঽহমিদং বনম্ ॥ 23 ॥
ভবতামর্থসিদ্ধ্যর্থমাগতোঽহং যদৃচ্ছয়া ।
তস্য় মেঽয়ং বনে বাসো ভবিষ্যতি মহাফলঃ ॥ 24 ॥
তপস্বিনাং রণে শত্রূন্হংতুমিচ্ছামি রাক্ষসান্ ।
পশ্য়ংতু বীর্যমৃষযস্সভ্রাতুর্মে তপোধনাঃ ॥ 25 ॥
দত্ত্বাঽভয়ং চাপি তপোধনানাং ধর্মে ধৃতাত্মা সহ লক্ষ্মণেন ।
তপোধনৈশ্চাপি সভাজ্যবৃত্তঃ সুতীক্ষ্ণমেবাভিজগাম বীরঃ ॥ 26 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে ষষ্ঠস্সর্গঃ ॥
