শ্রীমদ্বাল্মীকীয় রামাযণে অরণ্যকাংডম্ ।
অথ ষট্ষষ্টিতমস্সর্গঃ ।
তং তথা শোকসংতপ্তং বিলপংতমনাথবত্ ।
মোহেন মহতাবিষ্টং পরিদ্য়ূনমচেতনম্ ॥ 1 ॥
ততস্সৌমিত্রিরাশ্বাস্য় মুহূর্তাদিব লক্ষ্মণঃ ।
রামং সংবোধয়ামাস চরণৌ চাভিপীডযন্ ॥ 2 ॥
মহতা তপসা রাম মহতা চাপি কর্মণা ।
রাজ্ঞা দশরথেনাসি লব্ধোঽমৃতমিবামরৈঃ ॥ 3 ॥
তব চৈব গুণৈর্বদ্ধস্ত্বদ্বিয়োগান্মহীপতিঃ ।
রাজা দেবত্বমাপন্নো ভরতস্য় যথাশ্রুতম্ ॥ 4 ॥
যদি দুঃখমিদং প্রাপ্তং কাকুত্স্থ ন সহিষ্যসে ।
প্রাকৃতশ্চাল্পসত্ত্বশ্চ ইতরঃ কস্সহিষ্যতি ॥ 5 ॥
দুঃখিতো হি ভবান্লোকাংস্তেজসা যদি ধক্ষ্যতে ।
আর্তাঃ প্রজা নরব্য়াঘ্র ক্ব নু যাস্য়ংতি নির্বৃতিম্ ॥ 6 ॥
লোকস্বভাব এবৈষ যয়াতির্নহুষাত্মজঃ ।
গতশ্শক্রেণ সালোক্যমনযস্তং সমস্পৃশত্ ॥ 7 ॥
মহর্ষির্য়ো বসিষ্ঠস্তু যঃ পিতুর্নঃ পুরোহিতঃ ।
অহ্না পুত্রশতং জজ্ঞে তথৈবাস্য় পুনর্হতম্ ॥ 8 ॥
যা চেয়ং জগতাং মাতা দেবী লোকনমস্কৃতা ।
অস্য়াশ্চ চলনং ভূমের্দৃশ্যতে সত্যসংশ্রব ॥ 9 ॥
যৌ ধর্মৌ জগতাং নেত্রৌ যত্র সর্বং প্রতিষ্ঠিতম্ ।
আদিত্যচংদ্রৌ গ্রহণমভ্য়ুপেতৌ মহাবলৌ ॥ 10 ॥
সুমহাংত্যপি ভূতানি দেবাশ্চ পুরুষর্ষভ ।
ন দৈবস্য় প্রমুংচংতি সর্বভূতানি দেহিনঃ ॥ 11 ॥
শক্রাদিষ্বপি দেবেষু বর্তমানৌ নয়ানয়ৌ ।
শ্রূয়েতে নরশার্দূল ন ত্বং শোচিতুমর্হসি ॥ 12 ॥
নষ্টায়ামপি বৈদেহ্য়াং হৃতায়ামপি চানঘ শোচিতুং নার্হসে বীর যথান্য়ঃ প্রাকৃতস্তথা ॥ 13 ॥
ত্বব্দিধা ন হি শোচংতি সততং সত্যদর্শিনঃ ।
সুমহত্স্বপি কৃচ্ছ্রেষু রামানির্বিণ্ণদর্শনাঃ ॥ 14 ॥
তত্ত্বতো হি নরশ্রেষ্ঠ বুদ্ধ্য়া সমনুচিংতয় ।
বুধ্দ্য়া যুক্তা মহাপ্রাজ্ঞা বিজানংতি শুভাশুভে ॥ 15 ॥
অদৃষ্টগুণদোষাণামধ্রুবাণাং তু কর্মণাম্ ।
নাংতরেণ ক্রিয়াং তেষাং ফলমিষ্টং প্রবর্ততে ॥ 16 ॥
ত্বমেব হি পুরা রাম মামেবং বহুশোঽন্বশাঃ ।
অনুশিষ্য়াদ্ধি কো নু ত্বামপি সাক্ষাদ্বৃহস্পতিঃ ॥ 17 ॥
বুদ্ধিশ্চ তে মহাপ্রাজ্ঞ দেবৈরপি দুরন্বয়া ।
শোকেনাভিপ্রসুপ্তং তে জ্ঞানং সংবোধয়াম্যহম্ ॥ 18 ॥
দিব্য়ং চ মানুষং চ ত্বমাত্মনশ্চ পরাক্রমম্ ।
ইক্ষ্বাকুবৃষভাবেক্ষ্য় যতস্ব দ্বিষতাং বধে ॥ 19 ॥
কিং তেন সর্বনাশেন কৃতেন পুরুষর্ষভ ।
তমেব ত্বং রিপুং পাপং বিজ্ঞায়োদ্ধর্তুমর্হসি ॥ 20 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে ষট্ষষ্টিতমস্সর্গঃ ॥
