শ্রীমদ্বাল্মীকীয় রামাযণে অরণ্যকাংডম্ ।
অথ দ্বিসপ্ততিতমস্সর্গঃ ।
এবমুক্তৌতু তৌ বীরৌ কবংধেন নরেশ্বরৌ ।
গিরিপ্রদরমাসাদ্য় পাবকং বিসসর্জতুঃ ॥ 1 ॥
লক্ষ্মণস্তু মহোল্কাভির্জ্বলিতাভিস্সমংততঃ ।
চিতামাদীপয়ামাস সা প্রজজ্বাল সর্বতঃ ॥ 2 ॥
তচ্ছরীরং কবংধস্য় ঘৃতপিংডোপমং মহত্ ।
মেদসা পচ্যমানস্য় মংদং দহতি পাবকঃ ॥ 3 ॥
স বিধূয় চিতামাশু বিধূমোঽগ্নিরিবোত্থিতঃ ।
অরজে বাসসী বিভ্রন্মালাং দিব্য়াং মহাবলঃ ॥ 4 ॥
ততশ্চিতায়া বেগেন ভাস্বরো বিমলাংবরঃ ।
উত্পপাতাশু সংহৃষ্টস্সর্বপ্রত্য়ংগভূষণঃ ॥ 5 ॥
বিমানে ভাস্বরে তিষ্ঠন্হংসয়ুক্তে যশস্করে ।
প্রভয়া চ মহাতেজা দিশো দশ বিরাজযন্ ॥ 6 ॥
সোঽংতরিক্ষগতো রামং কবংধো বাক্যমব্রবীত্ ।
শৃণু রাঘব তত্ত্বেন যথা সীতামবাপ্স্যসি ॥ 7 ॥
রাম ষড্য়ুক্তয়ো লোকে যাভিস্সর্বং বিমৃশ্যতে ।
পরিমৃষ্টো দশাংতেন দশাভাগেন সেব্যতে ॥ 8 ॥
দশাভাগগতো হীনস্ত্বং হি রাম সলক্ষ্মণঃ ।
যত্কৃতে ব্যসনং প্রাপ্তং ত্বয়া দারপ্রধর্ষণম্ ॥ 9 ॥
তদবশ্য়ং ত্বয়া কার্যস্সসুহৃত্সুহৃদাং বর ।
অকৃত্বা হি ন তে সিদ্ধিমহং পশ্য়ামি চিংতযন্ ॥ 10 ॥
শ্রূযতাং রাম বক্ষ্য়ামি সুগ্রীবো নাম বানরঃ ।
ভ্রাত্রা নিরস্তঃ ক্রুদ্ধেন বালিনা শক্রসূনুনা ॥ 11 ॥
ঋশ্যমূকে গিরিবরে পংপাপর্য়ংতশোভিতে ।
নিবসত্য়াত্মবান্বীরশ্চতুর্ভিস্সহ বানরৈঃ ॥ 12 ॥
বানরেংদ্রো মহাবীর্যস্তেজোবানমিতপ্রভঃ ।
সত্যসংধো বিনীতশ্চ ধৃতিমান্মতিমান্মহান্ ॥ 13 ॥
দক্ষঃ প্রগল্ভো দ্য়ুতিমান্মহাবলপরাক্রমঃ ।
ভ্রাত্রা বিবাসিতো রাম রাজ্যহেতোর্মহাবলঃ ॥ 14 ॥
স তে সহায়ো মিত্রং চ সীতায়াঃ পরিমার্গণে ।
ভবিষ্যতি হিতে রাম মা চ শোকে মনঃ কৃথাঃ ॥ 15 ॥
ভবিতব্য়ং হি যচ্চাপি ন তচ্ছক্যমিহান্যথা ।
কর্তুমিক্ষ্বাকুশার্দূল কালো হি দুরতিক্রমঃ ॥ 16 ॥
গচ্ছ শ্রীঘ্রমিতো রাম সুগ্রীবং তং মহাবলম্ ।
বযস্য়ং তং কুরু ক্ষিপ্রমিতো গত্বাঽদ্য় রাঘব ॥ 17 ॥
অদ্রোহায় সমাগম্য় দীপ্যমানে বিভাবসৌ ।
স চ তে নাবমংতব্যস্সুগ্রীবো বানরাধিপঃ ॥ 18 ॥
কৃতজ্ঞঃ কামরূপী চ সহায়ার্থী চ বীর্যবান্ ।
শক্তৌহ্যদ্য় যুবাং কর্তুং কার্য়ং তস্য় চিকীর্ষিতম্ ॥ 19 ॥
কৃতার্থো বাঽকৃতার্থো বা কৃত্য়ং তব করিষ্যতি ।
স ঋক্ষরজসঃ পুত্রঃ পংপামটতি শংকিতঃ ॥ 20 ॥
ভাস্করস্য়ৌরসঃ পুত্রো বালিনা কৃতকিল্বিষঃ ।
সন্নিধায়ায়ুধং ক্ষিপ্রমৃষ্যমূকালয়ং কপিম্ ॥ 21 ॥
কুরু রাঘব সত্য়েন বযস্য়ং বনচারিণম্ ।
স হি স্থানানি সর্বাণি কার্ত্স্ন্য়েন কপিকুংজরঃ ॥ 22 ॥
নরমাংসাশিনাং লোকে নৈপুণ্য়াদধিগচ্ছতি ।
ন তস্য়াবিদিতং লোকেকিংচিদস্তি হি রাঘব ॥ 23 ॥
যাবত্সূর্য়ঃ প্রতপতি সহস্রাংশুররিংদম ।
স নদীর্বিপুলান্শৈলান্ গিরিদুর্গাণি কংদরান্ ॥ 24 ॥
অন্বীক্ষ্য় বানরৈস্সার্ধং পত্নীং তেঽধিগমিষ্যতি ।
বানরাংশ্চ মহাকায়ান্প্রেষয়িষ্যতি রাঘব ॥ 25 ॥
দিশো বিচেতুং তাং সীতাং ত্বদ্বিয়োগেন শোচতীম্ ।
স জ্ঞাস্যতি বরারোহাং নির্মলাং রাবণালয়ে ॥ 26 ॥
স মেরুশৃংগাগ্রগতামনিংদিতাং প্রবিশ্য় পাতালতলেঽপি বা শ্রিতাম্ ।
প্লবংগমানাং প্রবরস্তব প্রিয়াং নিহত্য় রক্ষাংসি পুনঃ প্রদাস্যতি ॥ 27 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে দ্বিসপ্ততিতমস্সর্গঃ ॥
