শ্রীমদ্বাল্মীকীয় রামাযণে অরণ্যকাংডম্ ।
অথ পংচসপ্ততিতমস্সর্গঃ ।
দিবং তু তস্য়াং যাতায়াং শবর্য়াং স্বেন তেজসা ।
লক্ষ্মণেন সহ ভ্রাত্রা চিংতয়ামাস রাঘবঃ ॥ 1 ॥
স চিংতয়িত্বা ধর্মাত্মা প্রভাবং তং মহাত্মনাম্ ।
হিতকারিণমেকাগ্রং লক্ষ্মণং রাঘবোঽব্রবীত্ ॥ 2 ॥
দৃষ্টোঽযমাশ্রমস্সৌম্য় বহ্বাশ্চর্য়ো মহাত্মনাম্ ।
বিশ্বস্তমৃগশার্দূলো নানাবিহগসেবিতঃ ॥ 3 ॥
সপ্তানাং চ সমুদ্রাণামেষু তীর্থেষু লক্ষ্মণ ।
উপস্পৃষ্টং চ বিধিবত্পিতরশ্চাপি তর্পিতাঃ ॥ 4 ॥
প্রণষ্টমশুভং তত্তত্কল্য়াণং সমুপস্থিতম্ ।
তেন তত্ত্বেন হৃষ্টং মে মনো লক্ষ্মণ সংপ্রতি ॥ 5 ॥
হৃদয়ে হি নরব্য়াঘ্র শুভমাবির্ভবিষ্যতি ।
তদাগচ্ছ গমিষ্য়ামি পংপাং তাং প্রিযদর্শনাম্ ॥ 6 ॥
ঋষ্যমূকো গিরির্যত্র নাতিদূরে প্রকাশতে ।
যস্মিন্বসতি ধর্মাত্মা সুগ্রীবোংঽশুমতস্সুতঃ ॥ 7 ॥
নিত্য়ং বালিভয়াত্ত্রস্তশ্চতুর্ভিস্সহ বানরৈঃ ।
অভিত্বরে চ তং দ্রষ্টুং সুগ্রীবং বানরর্ষভম্ ॥ 8 ॥
তদধীনং হি মে সৌম্য় সীতায়াঃ পরিমার্গণম্ ।
এবং ব্রুবাণং তং ধীরং রামং সৌমিত্রিরব্রবীত্ ॥ 9 ॥
গচ্ছাবস্ত্বরিতং তত্র মমাপি ত্বরতে মনঃ ।
আশ্রমাত্তু তত স্তস্মান্নিষ্ক্রম্য় স বিশাংপতিঃ ॥ 10 ॥
আজগাম ততঃ পংপাং লক্ষ্মণেন সহ প্রভুঃ ।
স দদর্শ ততঃ পুণ্য়ামুদারজনসেবিতাম্ ॥ 11 ॥
নানাদ্রুমলতাকীর্ণাং পংপাং পানীযবাহিনীম্ ।
পদ্মৈস্সৌগংধিকৈস্তাম্রাং শুক্লাং কুমুদমংডলৈঃ ॥ 12 ॥
নীলাং কুবলয়োদ্ঘাটৈর্বহুবর্ণাং কুথামিব ।
স তামাসাদ্য় বৈ রামো দূরাদুদকবাহিনীম্ ॥ 13 ॥
মতংগসরসং নাম হ্রদং সমবগাহত ।
অরবিংদোত্পলবতীং পদ্মসৌগংধিকায়ুতাম্ ॥ 14 ॥
পুষ্পিতাম্রবণোপেতাং বর্হিণোদ্ঘুষ্টনাদিতাম্ ।
তিলকৈর্বীজপূরৈশ্চ ধবৈশ্শুক্লদ্রুমৈস্তথা ॥ 15 ॥
পুষ্পিতৈঃ করবীরৈশ্চ পুন্নাগৈশ্চ সুপুষ্পিতৈঃ ।
মালতীকুংদগুল্মৈশ্চ ভাংডীরৈর্নিচুলৈস্তথা ॥ 16 ॥
অশোকৈস্সপ্তপর্ণৈশ্চ কেতকৈরতিমুক্তকৈঃ ।
অন্য়ৈশ্চ বিবিধৈর্বৃক্ষৈঃ প্রমদামিব ভূষিতাম্ ॥ 17 ॥
সমীক্ষমাণৌ পুষপাঢ্য়ং সর্বতো বিপুলদ্রুমম্ ।
কোযষ্টিকৈশ্চার্জুনকৈশ্শতপত্রৈশ্চ কীরকৈঃ ॥ 18 ॥
এতৈশ্চান্য়ৈশ্চ বিহগৈর্নাদিতং তু বনং মহত্ ।
ততো জগ্মতুরব্যগ্রৌ রাঘবৌ সুসমাহিতৌ ॥ 19 ॥
তদ্বনং চৈব সরসঃ পশ্য়ংতৈ শকুনৈর্য়ুতম্ ।
স দদর্শ ততঃ পংপাং শীতবারিনিধিং শুভাম্ ॥ 20 ॥
তিলকাশোকপুন্নাগবকুলোদ্দালকাশিনীম্ ।
স রামো বিবিধান্বৃক্ষান্সরাংসি বিবিধানি চ ॥ 21 ॥
পশ্যন্কামাভিসংতপ্তো জগাম পরমং হ্রদম্ ।
পুষ্পিতোপবনোপেতাং সালচংপকশোভিতাম্ ॥ 22 ॥
ষট্পদৌঘসমাবিষ্টাং শ্রীমতীমতুলপ্রভাম্ ।
স্ফটিকোপমতোয়াঢ্য়াং শ্লক্ষ্ণবালুকসংততাম্ ॥ 23 ॥
স তাং দৃষ্ট্বা পুনঃ পংপাং পদ্মসৌগন্ঘিকৈর্য়ুতাম্ ।
ইত্য়ুবাচ তদা বাক্য়ং লক্ষ্মণং সত্যবিক্রমঃ ॥ 24 ॥
অস্য়াস্তীরে তু পূর্বোক্তঃ পর্বতো ধাতুমংডিতঃ ।
ঋষ্যমূক ইতি খ্য়াতঃ পুণ্য়ঃ পুষ্পিতপাদপঃ ॥ 25 ॥
হরেঃ ঋক্ষরজোনাম্নঃ পুত্রস্তস্য় মহাত্মনঃ ।
অধ্য়াস্তে তং মহাবীর্যস্সুগ্রীব ইতি বিশ্রুতঃ ॥ 26 ॥
সুগ্রীবমভিগচ্ছ ত্বং বানরেংদ্রং নরর্ষভ ।
ইত্য়ুবাচ পুনর্বাক্য়ং লক্ষ্মণং সত্যবিক্রমম্ ॥ 27 ॥
রাজ্যভ্রষ্টেন দীনেন তস্য়ামাসক্তচেতসা ।
কথং ময়া বিনা শক্য়ং সীতাং লক্ষ্মণ জীবিতুম্ ॥ 28 ॥
ইত্য়েবমুক্ত্বা মদনাভিপীডিতঃ স লক্ষ্মণং বাক্যমনন্যচেতসম্ ।
বিবেশ পংপাং নলিনীং মনোরমাং রঘূত্তমশ্শোকবিষাদয়ংত্রিতঃ ॥ 29 ॥
ততো মহদ্বর্ত্ম সুদূরসংক্রমং ক্রমেণ গত্বা প্রবিলোকযন্বনম্ ।
দদর্শ পংপাং শুভদর্শকাননামনেকনানাবিধপক্ষিজালকাম্ ॥ 30 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে পংচসপ্ততিতমস্সর্গঃ ॥
