শ্রীমদ্বাল্মীকীয় রামাযণে কিষ্কিংধাকাংডম্ ।
অথ পংচদশস্সর্গঃ ।
অথ তস্য় নিনাদং তং সুগ্রীবস্য় মহাত্মনঃ ।
শুশ্রাবাংতঃ পুর গতো বালী ভ্রাতুরমর্ষণঃ ॥ 1 ॥
শ্রুত্বা তু তস্য় নিনদং সর্বভূতপ্রকংপনম্ ।
মদশ্চৈকপদে নষ্টঃ ক্রোধশ্চাপতিতো মহান্ ॥ 2 ॥
স তু রোষপরীতাংগো বালী সংধ্য়াকনকপ্রভঃ ।
উপরক্ত ইবাদিত্যস্সদ্য়ো নিষ্প্রভতাং গতঃ ॥ 3 ॥
বালী দংষ্ট্রা করালঃ তু ক্রোধাদ্ দীপ্ত অগ্নি লোচনঃ ।
ভাতি উত্পতিত পদ্মাভঃ সমৃণাল ইব হ্রদঃ ॥ 4 ॥
শব্দং দুর্মর্ষণং শ্রুত্বা নিষ্পপাত ততো হরিঃ ।
বেগেন চরণন্য়াসৈর্দারযন্নিব মেদিনীম্ ॥ 5 ॥
তং তু তারা পরিষ্বজ্য় স্নেহাদ্দর্শিতসৌহৃদাঃ ।
উবাচ ত্রস্তসংভ্রাংতা হিতোদর্কমিদং বচঃ ॥ 6 ॥
সাধু ক্রোধমিমং বীর নদীবেগমিবাগতম্ ।
শযনাদুত্থিতঃ কাল্য়ং ত্যজ ভুক্তামিব স্রজম্ ॥ 7 ॥
কাল্যমেতেন সংগ্রামং করিষ্যসি চ বানর ।
বীর তে শত্রুবাহুল্য়ং ফল্গুতা বা ন বিদ্যতে ॥ 8 ॥
সহসা তব নিষ্ক্রামো মম তাবন্ন রোচতে ।
শ্রূযতাং চাভিধাস্য়ামি যন্নিমিত্তং নিবার্যসে ॥ 9 ॥
পূর্বমাপতিতঃ ক্রোধাত্স ত্বামাহ্বযতে যুধি ।
নিষ্পত্য় চ নিরস্তস্তে হন্যমানো দিশো গতঃ ॥ 10 ॥
ত্বয়া তস্য় নিরস্তস্য় পীডিতস্য় বিশেষতঃ ।
ইহৈত্য় পুনরাহ্বানং শংকাং জনযতীব মে ॥ 11 ॥
দর্পশ্চ ব্যবসাযশ্চ যাদৃশস্তস্য় নর্দতঃ ।
নিনাদশ্চাপি সংরংভো নৈতদল্পং হি কারণম্ ॥ 12 ॥
নাসহাযমহং মন্য়ে সুগ্রীবং তমিহাগতম্ ।
অবষ্টব্ধসহাযশ্চ যমাশ্রিত্য়ৈষ গর্জতি ॥ 13 ॥
প্রকৃত্য়া নিপুণশ্চৈব বুদ্ধিমাংশ্চৈব বানরঃ ।
অপরীক্ষিতবীর্য়েণ সুগ্রীবস্সহনৈষ্যতি ॥ 14 ॥
পূর্বমেব ময়া বীর শ্রুতং কথযতো বচঃ ।
অংগদস্য় কুমারস্য় বক্ষ্য়ামিত্বা হিতং বচঃ ॥ 15 ॥
অংগদস্তু কুমারোঽয়ং বনাংতমুপনির্গতঃ ।
প্রবৃত্তিস্তেন কথিতা চারৈ রাপ্তৈর্নিবেদিতা ॥ 16 ॥
অয়োধ্য়াধিপতেঃ পুত্রৌ শূরৌ সমরদুর্জয়ৌ ।
ইক্ষ্বাকূণাং কুলে জাতৌ প্রথিতৌ রামলক্ষ্মণৌ ॥ 17 ॥
সুগ্রীবপ্রিযকামার্থং প্রাপ্তৌ তত্র দুরাসদৌ ।
তব ভ্রাতুর্হি বিখ্য়াতস্সহায়ো রণকর্কশঃ ।
রামঃ পরবলামর্দী যুগাংতাগ্নিরিবোত্থিতঃ ॥ 18 ॥
নিবাসবৃক্ষঃ সাধূনামাপন্নানাং পরা গতিঃ ।
আর্তানাং সংশ্রযশ্চৈব যশসশ্চৈকভাজনম্ ॥ 19 ॥
জ্ঞানবিজ্ঞানসংপন্নো নিদেশে নিরতঃ পিতুঃ ।
ধাতূনামিব শৈলেংদ্রো গুণানামাকরো মহান্ ॥ 20 ॥
তত্ক্ষমং ন বিরোধস্তে সহ তেন মহাত্মনা ।
দুর্জয়েনাপ্রমেয়েন রামেণ রণকর্মসু ॥ 21 ॥
শূর বক্ষ্য়ামি তে কিংচিন্ন চেচ্ছাম্যভ্যসূয়িতুম্ ।
শ্রূযতাং ক্রিযতাং চৈব তব বক্ষ্য়ামি যদ্ধিতম্ ॥ 22 ॥
যৌবরাজ্য়েন সুগ্রীবং তূর্ণং সাধ্বভিষেচয় ।
বিগ্রহং মা কৃথা বীর ভ্রাত্রা রাজন্বলীযসা ॥ 23 ॥
অহং হি তে ক্ষমং মন্য়ে তেন রামেণ সৌহৃদম্ ।
সুগ্রীবেণ চ সংপ্রীতিং বৈরমুত্সৃজ্য় দূরতঃ ॥ 24 ॥
লালনীয়ো হি তে ভ্রাতা যবীয়ানেষ বানরঃ ।
তত্র বা সন্নিহস্থো বা সর্বথা বংধুরেব তে ॥ 25 ॥
ন হি তেন সমং বংধুং ভুবি পশ্য়ামি কংচন ॥ 26 ॥
দানমানাদিসত্কারৈঃ কুরুষ্ব প্রত্যনংতরম্ ।
বৈরমেতত্সমুত্সৃজ্য় তব পার্শ্বে স তিষ্ঠতু ॥ 27 ॥
সুগ্রীবো বিপুলগ্রীবস্তববংধুস্সদা মতঃ ।
ভ্রাতৃস্সৌহৃদমালংব নান্য়া গতিরিহাস্তি তে ॥ 28 ॥
যদি তে মত্প্রিয়ং কার্য়ং যদি চাবৈষি মাং হিতাম্ ।
যাচ্যমানঃ প্রযত্নেন সাধু বাক্য়ং কুরুষ্ব মে ॥ 29 ॥
প্রসীদ পথ্য়ং শৃণু জল্পিতং হি মে ন রোষ মেবানুবিধাতুমর্হসি ।
ক্ষমো হি তে কোসলরাজসূনুনা ন বিগ্রহশ্শক্রসমানতেজসা ॥ 30 ॥
তদা হি তারা হিতমেব বাক্য়ং তং বালিনং পথ্যমিদং বভাষে ।
ন রোচতে তদ্বচনং হি তস্য় কালাভিপন্নস্য় বিনাশকালে ॥ 31 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে পংচদশস্সর্গঃ ॥
