শ্রীমদ্বাল্মীকীয় রামাযণে কিষ্কিংধাকাংডম্ ।
অথ একবিংশস্সর্গঃ ।
ততো নিপতিতাং তারাং চ্য়ুতাং তারামিবাংবরাত্ ।
শনৈরাশ্বাসয়ামাস হনুমান্হরিয়ূথপঃ ॥ 1 ॥
গুণদোষকৃতং জংতুস্স্বকর্ম ফলহেতুকম্ ।
অব্যগ্রস্তদবাপ্নোতি সর্বং প্রেত্য় শুভাশুভম্ ॥ 2 ॥
শোচ্য়া শোচসি কং শোচ্য়ং দীনং দীনাঽনুকংপসে ।
কস্য় কোবাঽনুশোচ্য়োঽস্তি দেহেঽস্মিন্ বুদ্বুদোপমে ॥ 3 ॥
অংগদস্তু কুমারোঽয়ং দ্রষ্টব্য়ো জীবপুত্রয়া ।
অযত্য়াং চ বিধেয়ানি সমর্থান্যস্য় চিংতয় ॥ 4 ॥
জানাস্যনিযতামেবং ভূতানামাগতিং গতিম্ ।
তস্মাচ্ছুভং হি কর্তব্য়ং পংডিতেনৈহ লৌকিকম্ ॥ 5 ॥
যস্মিন্হরিসহস্রাণি প্রয়ুতান্যর্বুদানি চ ।
বর্তয়ংতি কৃতাংশানি সোঽয়ং দিষ্টাংতমাগতঃ ॥ 6 ॥
যদয়ং ন্য়াযদৃষ্টার্থস্সামদানক্ষমাপরঃ ।
গতো ধর্মজিতাং ভূমিং নৈনং শোচিতুমর্হসি ॥ 7 ॥
সর্বে হি হরিশার্দূলাঃ পুত্রশ্চায়ং তবাংগদঃ ।
ইদং হর্য়ৃক্ষপতিরাজ্য়ং চ ত্বত্সনাথমনিংদিতে ॥ 8 ॥
তাবিমৌ শোকসংতপ্তৌ শনৈঃ প্রেরয় ভামিনি ।
ত্বয়া পরিগৃহীতোঽযমংগদশ্শাস্তু মেদিনীম্ ॥ 9 ॥
সংততিশ্চ যথা দৃষ্টা কৃত্য়ং যচ্চাপি সাংপ্রতম্ ।
রাজ্ঞস্তত্ক্রিযতাং সর্বমেষ কালস্য় নিশ্চয়ঃ ॥ 10 ॥
সংস্কার্য়ো হরিরাজশ্চ অংগদশ্চাভিষিচ্যতাম্ ।
সিংহাসনগতং পুত্রং পশ্য়ংতী শাংতিমেষ্যসি ॥ 11 ॥
সা তস্য় বচনং শ্রুত্বা ভর্তৃব্যসনপীডিতা ।
অব্রবীদুত্তরং তারা হনূমংতমবস্থিতম্ ॥ 12 ॥
অংগদপ্রতিরূপাণাং পুত্রাণামেকতশ্শতম্ ।
হতস্য়াপ্যস্য় বীরস্য় গাত্রসংশ্লেষণং বরম্ ॥ 13 ॥
ন চাহং হরিরাজস্য় প্রভবাম্য়ংগদস্য় বা ।
পিতৃব্যস্তস্য় সুগ্রীবস্সর্বকার্য়েষ্বনংতরঃ ॥ 14 ॥
ন হ্য়েষাবুদ্ধিরাস্থেয়া হনূমন্নংগদং প্রতি ।
পিতা হি বংধুঃ পুত্রস্য় ন মাতা হরিসত্তম ॥ 15 ॥
ন হি মম হরিরাজসংশ্রয়াত্ ক্ষমতরমস্তি পরত্র চেহ বা ।
অভিমুখহতবীরসেবিতং শযনমিদং মম সেবিতুং ক্ষমম্ ॥ 16 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে একবিংশস্সর্গঃ ॥
