শ্রীমদ্বাল্মীকীয় রামাযণে কিষ্কিংধাকাংডম্ ।
অথ একোনত্রিংশস্সর্গঃ ।
সমীক্ষ্য় বিমলং ব্য়োম গতবিদ্য়ুদ্বলাহকম্ ।
সারসাকুলসংঘুষ্টং রম্যজ্য়োত্স্নানুলেপনম্ ॥ 1 ॥
সমৃদ্ধার্থং চ সুগ্রীবং মংদধর্মার্থসংগ্রহম্ ।
অত্যর্থমসতাং মার্গমেকাংতগতমানসম্ ॥ 2 ॥
নির্বৃত্তকার্য়ং সিদ্ধার্থং প্রমদাভিরতং সদা ।
প্রাপ্তবংতমভিপ্রেতান্সর্বানেব মনোরথান্ ॥ 3 ॥
স্বাং চ পত্নীমভিপ্রেতাং তারাং চাপি সমীপ্সিতাম্ ।
বিহরংতমহোরাত্রং কৃতার্থং বিগতজ্বরম্ ॥ 4 ॥
ক্রীডংতমিব দেবেশং নংদনেঽপ্সরসাং গণৈঃ ।
মংত্রিষু ন্যস্তকার্য়ং চ মংত্রিণামনবেক্ষকম্ ॥ 5 ॥
উত্সন্নরাজ্যসংদেশং কামবৃত্তমবস্থিতম্ ।
নিশ্চিতার্থোঽর্থতত্ত্বজ্ঞঃ কালধর্মবিশেষবিত্ ॥ 6 ॥
প্রসাদ্য় বাক্য়ৈর্মধুরৈর্হেতুমদ্ভির্মনোরমৈঃ ।
বাক্যবিদ্বাক্য় তত্ত্বজ্ঞং হরীশং মারুতাত্মজঃ ॥ 7 ॥
হিতং তত্ত্বং চ পথ্য়ং চ সামধর্মার্থনীতিমত্ ।
প্রণযপ্রীতিসংয়ুক্তং বিশ্বাসকৃতনিশ্চযম্ ।
হরীশ্বরমুপাগম্য় হনূমান্বাক্যমব্রবীত্ ॥ 8 ॥
রাজ্য়ং প্রাপ্তং যশশ্চৈব কৌলী শ্রীরভিবর্ধিতা ।
মিত্রাণাং সংগ্রহশ্শেষস্তং ভবান্কর্তুমর্হতি ॥ 9 ॥
যো হি মিত্রেষু কালজ্ঞস্সততং সাধু বর্ততে ॥ 10 ॥
তস্য় রাজ্য়ং চ কীর্তিশ্চ প্রতাপশ্চাভি বর্ধতে ।
যস্য় কোশশ্চ দংডশ্চ মিত্রাণ্য়াত্মা চ ভূমিপ ॥ 11 ॥
সমবেতানি সর্বাণি স রাজ্য়ং মহদশ্নুতে ।
তদ্ভবান্বৃত্তসংপন্নঃ স্থিতঃ পথি নিরত্যয়ে ॥ 12 ॥
মিত্রার্থমভিনীতার্থং যথাবত্কর্তুমর্হতি ।
সংত্যজ্য় সর্বকর্মাণি মিত্রার্থে যোঽনুবর্ততে ॥ 13 ॥
সংভ্রমাদ্ধি কৃতোত্সাহস্সোঽনর্থৈর্নাবরুধ্যতে ।
যস্তু কালব্যতীতেষু মিত্রকার্য়েষু বর্ততে ॥ 14 ॥
স কৃত্বা মহতোঽপ্যর্থান্ন মিত্রার্থেন যুজ্যতে ।
যদিদং মিত্রকার্য়ং বীর নোমিত্রকার্যমরিংদম ॥ 15 ॥
ক্রিযতাং রাঘবস্য়ৈতদ্বৈদেহ্য়াঃ পরিমার্গণম্ ।
তদিদং বীর কার্য়ং তে কালাতীতমরিংদম ॥ 16 ॥
ন চ কালমতীতং তে নিবেদযতি কালবিত্ ।
ত্বরমাণোঽপি সন্প্রাজ্ঞস্তব রাজন্বশানুগঃ ॥ 17 ॥
কুলস্য় হেতুঃ স্ফীতস্য় দীর্ঘবংধুশ্চ রাঘবঃ ।
অপ্রমেযপ্রভাবশ্চ স্বয়ং চাপ্রতিমো গুণৈঃ ॥ 18 ॥
তস্য় ত্বং কুরু বৈ কার্য়ং পূর্বং তেন কৃতং তব ।
হরীশ্বর কপিশ্রেষ্ঠানাজ্ঞাপয়িতুমর্হসি ॥ 19 ॥
ন হি তাবদ্ভবেত্কালো ব্যতীতশ্চোদনাদৃতে ।
চোদিতস্য় হি কার্যস্য় ভবেত্কালব্যতিক্রমঃ ॥ 20 ॥
অকর্তুরপি কার্যস্য় ভবান্কর্তা হরীশ্বর কিং পুনঃ প্রতিকর্তুস্তে রাজ্য়েন চ ধনেন চ ॥ 21 ॥
শক্তিমানপিবিক্রাংতো বানরর্ক্ষগণেশ্বর ।
কর্তুং দাশরথেঃ প্রীতিমাজ্ঞায়াং কিন্ন সজ্জসে ॥ 22 ॥
কামং খলু শরৈশ্শক্তস্সুরাসুরমহোরগান্ ।
বশে দাশরথিঃ কর্তুং ত্বত্প্রতিজ্ঞাং হি কাংক্ষতে ॥ 23 ॥
প্রাণত্য়াগাবিশংকেন কৃতং তেন তবপ্রিযম্ ।
তস্য় মার্গাম বৈদেহীং পৃথিব্য়ামপি চাংবরে ॥ 24 ॥
দেবদানব গংধর্বা নসুরাস্সমরুদ্গণাঃ ।
ন চ যক্ষা ভয়ং তস্য় কুর্য়ুঃ কিমুত রাক্ষসাঃ ॥ 25 ॥
তদেবং শক্তিয়ুক্তস্য় পূর্বং প্রিযকৃতস্তব ।
রামস্য়ার্হসি পিংগেশ কর্তুং সর্বাত্মনা প্রিযম্ ॥ 26 ॥
নাধস্তাদবনৌ নাপ্সু গতির্নোপরি চাংবরে ।
কস্যচিত্সজ্জতেঽস্মাকং কপীশ্বর তবাজ্ঞয়া ॥ 27 ॥
তদাজ্ঞাপয় কঃ কিং তে কুতো বাপি ব্যবস্যতু ।
হরয়োঽহ্যপ্রধৃষ্য়াস্তে সংতি কোট্যগ্রতোঽনঘ ॥ 28 ॥
তস্য় তদ্বচনং শ্রুত্বা কালে সাধু নিবেদনম্ ।
সুগ্রীবস্সত্ত্বসংপন্নশ্চকার মতিমুত্তমাম্ ॥ 29 ॥
স সংদিদেশাভিমতং নীলং নিত্যকৃতোদ্যমম্ ।
দিক্ষু সর্বাসু সর্বেষাং সৈন্য়ানামুপসংগ্রহে ॥ 30 ॥
যথা সেনা সমগ্রা মে যূথপালাশ্চ সর্বশঃ ।
সমাগচ্ছংত্যসংগেন সেনাগ্রাণি তথা কুরু ॥ 31 ॥
যে ত্বংতপালাঃ প্লবগাশ্শীঘ্রগা ব্যবসায়িনঃ ।
সমানয়ংতু তে সৈন্য়ং ত্বরিতাশ্শাসনান্মম ॥ 32 ॥
স্বয়ং চানংতরং সৈন্য়ং ভবানেবানুপশ্যতু ।
ত্রিপংচরাত্রাদূর্ধ্বং যঃ প্রাপ্নুয়ান্নেহ বানরঃ ।
তস্য় প্রাণাংতিকো দংডো নাত্র কার্য়া বিচারণা ॥ 33 ॥
হরীংশ্চ বৃদ্ধানুপয়াতু সাংগদো ভবান্মমাজ্ঞামধিকৃত্য় নিশ্চিতাম্ ।
ইতি ব্যবস্থাং হরিপুংগবেশ্বরো বিধায় বেশ্ম প্রবিবেশ বীর্যবান্ ॥ 34 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে একোনত্রিংশস্সর্গঃ ॥
