শ্রীমদ্বাল্মীকীয় রামাযণে কিষ্কিংধাকাংডম্ ।
অথ সপ্তত্রিংশস্সর্গঃ ।
এবমুক্তস্তু সুগ্রীবো লক্ষ্মণেন মহাত্মনা ।
হনূমংতং স্থিতং পার্শ্বে সচিবংত্বিদমব্রবীত্ ॥ 1 ॥
মহেংদ্রহিমবদ্বিংধ্যকৈলাসশিখরেষু চ ।
মংদরে পাংডুশিখরে পংচশৈলেষু যে স্থিতাঃ ॥ 2 ॥
তরুণাদিত্যবর্ণেষু ভ্রাজমানেষু সর্বতঃ ।
পর্বতেষু সমুদ্রাংতে পশ্চিমায়াং চ যে দিশি ॥ 3 ॥
আদিত্যভবনে চৈব গিরৌ সংধ্য়াভ্রসন্নিভে ।
পদ্মাতালবনং ভীমং সংশ্রিতা হরিপুংগবাঃ ॥ 4 ॥
অংজনাংবুদসংকাশাঃ কুংজরপ্রতিমৌজসঃ ।
অংজনে পর্বতে চৈব যে বসংতি প্লবংগমাঃ ॥ 5 ॥
মনশ্শিলা গুহাবাসা বানরাঃ কনকপ্রভাঃ ।
মেরুপার্শ্বগতাশ্চৈব যে ধূম্রগিরিং সংশ্রিতাঃ ॥ 6 ॥
তরুণাদিত্যবর্ণাশ্চ পর্বতে যে মহারুণে ।
পিবংতো মধুমৈরেয়ং ভীমবেগাঃ প্লবংগমাঃ ॥ 7 ॥
বনেষু চ সুরম্য়েষু সুগংধিষু মহত্সু চ ।
তাপসানাং চ রম্য়েষু বনাংতেষু সমংততঃ ॥ 8 ॥
তাংস্তাং স্ত্বমানয় ক্ষিপ্রং পৃথিব্য়াং সর্ববানরান্ ।
সামদানাদিভিঃ স্সর্বৈরাশু প্রেষয় বানরান্ ॥ 9 ॥
প্রেষিতাঃ প্রথমং যে চ ময়াদূতা মহাজবাঃ ।
ত্বরণার্থং তু ভূযস্ত্বং হরীন্ সংপ্রেষয়াপরান্ ॥ 10 ॥
যে প্রসক্তাশ্চ কামেষু দীর্ঘসূত্রাশ্চ বানরাঃ ।
ইহাঽনযস্ব তান্ সর্বান্ শীঘ্রং তু মম শাসনাত্ ॥ 11 ॥
অহোভির্দশভির্য়ে চ নাগচ্ছংতি মমাজ্ঞয়া ।
হংতব্য়াস্তে দুরাত্মানো রাজশাসনদূষকাঃ ॥ 12 ॥
শতান্যথ সহস্রাণাং কোট্যশ্চ মম শাসনাত্ ।
প্রয়াংতু কপিসিংহানাং দিশো মম মতে স্থিতাঃ ॥ 13 ॥
মেঘপর্বতসংকাশাশ্ছাদয়ংত ইবাংবরম্ ।
ঘোররূপাঃ কপিশ্রেষ্ঠা যাংতু মচ্ছাসনাদিতঃ ॥ 14 ॥
তে গতিজ্ঞা গতিং জ্ঞাত্বা পৃথিব্য়াং সর্ববানরাঃ ।
আনয়ংতু হরীন্ সর্বাংস্ত্বরিতা শসনান্মম ॥ 15 ॥
তস্য় বানর রাজস্য় শ্রুত্বা বায়ুসুতো বচঃ ।
দিক্ষু সর্বাসু বিক্রাংতান্প্রেষয়ামাস বানরান্ ॥ 16 ॥
তে পদং বিষ্ণুবিক্রাংতং পতত্রিজ্য়োতিরধ্বগাঃ ।
প্রয়াতাঃ প্রহিতা রাজ্ঞা হরযস্তত্ক্ষণেন বৈ ॥ 17 ॥
তে সমুদ্রেষু গিরিষু বনেষু চ সরস্সু চ ।
বানরা বানরান্সর্বান্রামহেতোরচোদযন্ ॥ 18 ॥
মৃত্য়ুকালোপমস্য়াঽজ্ঞাং রাজরাজস্য় বানরাঃ ।
সুগ্রীবস্য়াযয়ু শ্শ্রুত্বা সুগ্রীবভযদর্শিনঃ ॥ 19 ॥
ততস্তেঽংজনসংকাশা গিরেস্তস্মান্মহাজবাঃ ।
তিস্রঃ কোট্য়ঃ প্লবংগানাং নির্যয়ুর্যত্র রাঘবঃ ॥ 20 ॥
অস্তং গচ্ছতি যত্রার্কস্তস্মিন্গিরিবরে স্থিতাঃ ।
সংতপ্ত হেমমহাভাসস্তস্মাত্কোট্য়ো দশ চ্য়ুতাঃ ॥ 21 ॥
কৈলাসশিখরেভ্যশ্চ সিংহকেসরবর্চসাম্ ।
ততঃ কোটিসহস্রাণি বানরাণামুপাগমন্ ॥ 22 ॥
ফলমূলেন জীবংতো হিমবংতমুপাশ্রিতাঃ ।
তেষাং কোটিসহস্রাণাং সহস্রং সমবর্তত ॥ 23 ॥
অংগারকসমানানাং ভীমানাং ভীমকর্মণাম্ ।
বিংধ্য়াদ্বানরকোটীনাং সহস্রাণ্যপতংদ্রুতম্ ॥ 24 ॥
ক্ষীরোদবেলানিলয়াস্তমালবনবাসিনঃ ।
নারিকেলাশনাশ্চৈব তেষাং সংখ্য়া ন বিদ্যতে ॥ 25 ॥
বনেভ্য়ো গহ্বরেভ্যশ্চ সরিদ্ভ্যশ্চ মহাজবা ।
আগচ্ছদ্বানরী সেনা পিবংতীব দিবাকরম্ ॥ 26 ॥
যে তু ত্বরয়িতুং যাতা বানরাস্সর্ববানরান্ ।
তে বীরা হিমবচ্ছৈলং দদৃশুস্তং মহাদ্রুমম্ ॥ 27 ॥
তস্মিন্গিরিবরে রম্য়ে যজ্ঞো মাহেশ্বরঃ পুরা ।
সর্বদেবমনস্তোষো বভৌ দিব্য়ো মনোহরঃ ॥ 28 ॥
অন্ননিষ্য়ংদজাতানি মূলানি চ ফলানি চ ।
অমৃতাস্বাদকল্পানি দদৃশুস্তত্র বানরাঃ ॥ 29 ॥
তদন্নসংভবং দিব্য়ং ফলমূলং মনোহরম্ ।
যঃ কশ্চিত্সকৃদশ্নাতি মাসং ভবতি তর্পিতঃ ॥ 30 ॥
তানি মূলানি দিব্য়ানি ফলানি চ ফলাশনাঃ ।
ঔষধানি চ দিব্য়ানি জগৃহুর্হরিয়ূথপাঃ ॥ 31 ॥
তস্মাচ্চ যজ্ঞাযতনাত্পুষ্পাণি সুরভীণি চ ।
আনিন্য়ুর্বানরা গত্বা সুগ্রীবপ্রিযকারণাত্ ॥ 32 ॥
তে তু সর্বে হরিবরাঃ পৃথিব্য়াং সর্ববানরান্ ।
সংচোদয়িত্বা ত্বরিতা যূথানাং জগ্মুরগ্রতঃ ॥ 33 ॥
তে তু তেন মুহূর্তেন যূথপাশ্শীঘ্রগামিনঃ ।
কিষ্কিংধাং ত্বরয়া প্রাপ্তা স্সুগ্রীবো যত্র বানরঃ ॥ 34 ॥
তে গৃহীত্বৌষধীস্সর্বাঃ ফলমূলং চ বানরাঃ ।
তং প্রতিগ্রাহয়ামাসুর্বচনং চেদমব্রুবন্ ॥ 35 ॥
সর্বে পরিগতাশ্শৈলাস্সমুদ্রাশ্চ বনানি চ ।
পৃথিব্য়াং বানরাস্সর্বে শাসনাদুপয়াংতি তে ॥ 36 ॥
এবং শ্রুত্বা ততো হৃষ্ট স্সুগ্রীবঃ প্লবগাধিপঃ ।
প্রতিজগ্রাহ তত্প্রতীতস্তেষাং সর্বমুপাযনম্ ॥ 37 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে সপ্তত্রিংশস্সর্গঃ ॥
